JOB LEKHABU (THE BOOK OF JOB) 42:10 - Pathien Lekhabu Inthieng (BSI)

¹⁰ Chun, Lalpa chun Job chu a ruolhai ta dinga a ṭawngṭai lai chun a chan chu a sukṭha ta a; Job chu Lalpa chun a hmaa a nei lêt hni chu a pêk ta a.

JOB LEKHABU (THE BOOK OF JOB) 42:10 ပူးပေါင်းရင်းမြစ်များ

INṬANNA 20:17

Chuongchun, Abraham chu Pathien kuomah a ṭawngṭai a; chun Pathienin Abimelek le a nuhmei le a suoknuhai chu a sukdam nâwk a; chuongchun, nauhai an hung nei nâwk ta a.

2 CHANCHIN SUINA 25:9

Amazia chun Pathien mi kuoma chun, “Anleh, Israel sipaihai kuoma tangka talent za ka lo pêk ta chu ieng tin am thâwng ei ti leh?” a ta. Pathien mi chun, “Hi nêka tam khawm hi pe ding chein Lalpa chu a thei a nih,” tiin a dawn a.

JOB LEKHABU (THE BOOK OF JOB) 1:2

Ama chun naupasal pasari le naunuhmei pathum a nei a.

JOB LEKHABU (THE BOOK OF JOB) 1:3

A ran ruol khawm chu berâm sâng sari, sanghâwngsei sâng thum, bâwngchal tuok za nga, sabengtungpui za nga le insûng ropuitak el leh a nih; chuongchun, chu mipa chu khawsak rama mihai po po laia a ropui tak a nih.

JOB LEKHABU (THE BOOK OF JOB) 42:9

Chuongchun, Teman mi Eliphaz le, Suhi mi Bildad leh, Naamath mi Zophar le chun an fe a, Lalpain anni thu a pêk ang chun an thaw a. Chun, Lalpa chun Job chu a pawmpêk ta a.

INPÂKNA HLABU 126:1

Lalpain Zion salhai a ṭhuoi kîr lai khan, Manga mangtuhai ang el ei na,

INPÂKNA HLABU 14:7

Israelhai sandamna chu Ziona inthawkin hung suok sienla chu aw! Lalpa chun a mihai sala an um chu a ṭhuoi kîr nâwk pha chun, Chu pha chun Jakob rawi hlim tâng an ta, Israel lâwm tâng an tih.

INPÂKNA HLABU 53:6

Israelhai sandamna chu Ziona inthawkin suok sienla chu aw! Pathien chun a mihai sala an um chu a ṭhuoi kîr nâwk pha chun, Chu pha chun Jakob hlim tâng a ta, Israel lâwm tâng an tih.

THUVARHAI 22:4

Inngaitlâwmna lâwmman le Lalpa ṭîna chu Hausaknahai le inzâkaina le hringna a nih.

ISAI 40:2

Jerusalem mihai kuomah thlamuongna tieng pangah thu hril unla, an indona chu a tâwp a, an suolna chu ngaidam an ni a, an thil suksuol po po aiah Lalpa kuta inthawkin a let hniin an hmu tah ti hril ro.

ISAI 61:7

An muolpho aiah a let hniin hmûng an ta; an inzak aiah an chanvoah hlimin hla sak an tih: chuleiin, an rama chun a let hni hluong an ta, kumkhaw hlimna an kuomah um a tih.

HAGGAI 2:8

Tangka chu ka ta a na, rângkachak khawm chu ka ta a nih, sipaihai Lalpa chun a tih.

NAMBAR 12:13

Chuongchun, Mosie chun, “Aw Pathien, sukdam nâwk ta khai,” tiin Lalpa chu a ko a.

NAMBAR 12:2

Anni chun, “Mosie kuoma chau hin am a nih Lalpain thu a hril bîk? Keini kâwla khawm hin a hril naw am a nih?” an ti a. Chu chu Lalpain a lo hriet a.

NAMBAR 14:10

Nisienlakhawm, a pungkhâwmhai po po chun lunga dêng an rawt a. Chuongchun, Lalpa ropuina chu intuokna puon inah Israel mi po po hmaa chun a hung inlang a.

LUKA 16:27

“Chun, ama chun, ‘Anleh, pa, ama chu ka pa ina bêk infetir dingin ka ngên che;

THILTHAWHAI 7:50

Keia kutin hieng thil iengkim hi ka siem naw am a nih? a tih, ti ziek ang khan.

THILTHAWHAI 7:60

Chun, a dingṭhaṭhuon a, rawl inringtakin a khêk a, “Lalpa, hi an thil suksuol hi an chungah maw inphurtir naw rawh,” a ta. Chu thu chu a hril zo phingleh a ininnghil ta a. Saula khawm chun a thi chu a remti a.

DÂN PAHNINA 30:3

Lalpa in Pathien chun in sal nina chu sukbo a ta, lunginsiet a ti cheu a, Lalpa in Pathienin hnam tin laia a sukdarna cheua inthawk chun ṭhuoi khâwm nâwk a ti cheu.

DÂN PAHNINA 8:18

Tuta a nghet anga in pi le puhai kuoma inkhâmna thu a thlung chu a suknghetna dingin Lalpa in Pathien chu hre zing ro, sum le pai themsuok theina petu cheu chu ama chu a ni lem a nih.

DÂN PAHNINA 9:20

Chun, Lalpa chu, Aron chunga chun a lunginsen hle a, sukbohmang a nuom hiel a; nisienlakhawm, chu huna chun Aron ta ding khawmin ka ṭawngṭai nghâl a.

JAKOB 5:11

Ngai ta u ! tuortuhai chu hamṭha ei ti a, Job selzie chu in hriet a, Lalpain a tâwpa a thaw zie khawm kha in hmu bawk a; Lalpa chu lunginsietnain a sipzie le za a ngai theizie khawm kha.

1 SAMUEL 2:7

Lalpa chun a sukpase hlak a, a sukhausa bawk hlak, A suktlâwm hlak a, a chawisâng bawk hlak.

1 SAMUEL 2:8

Pilvuta inthawkin pasie chu a keitho hlak a, Pasie chu êkdûra inthawkin a chawikâng hlak, Mi lienhai kuomah ân umtir theina ding le, Ropuina lalṭhungpha an chang theina dingin, Leihnuoi innghatsan chu Lalpa ta a nih; Khawvêl chu a chungah ân nghat ta si a.