JOB LEKHABU (THE BOOK OF JOB) 4:4 - Pathien Lekhabu Inthieng (BSI)

⁴ I thuhai chun mi tlu ding khawm chu a lo chelngir a; Khûp zawihai khawm chu i lo sukdet hlak kha.

JOB LEKHABU (THE BOOK OF JOB) 4:4 ပူးပေါင်းရင်းမြစ်များ

JOB LEKHABU (THE BOOK OF JOB) 29:11

Nain a mi hriet chun, mal a mi sâwm hlak si a, Mit khawma a mi hmu chun, ka kuomah hrietpuina a pêk a;

JOB LEKHABU (THE BOOK OF JOB) 29:25

An lampui ka thlang suok a, lal angin ka ṭhung a, Sipai laia lal tak angin ka khawsa a, Mi thlavaihai thlamuongtu ang elin.

JOB LEKHABU (THE BOOK OF JOB) 4:3

Ngai ta, mi tamtak chu i lo inchûktir a, Kut hrât nawhai chu i lo sukhrât hlak a.

JOB LEKHABU (THE BOOK OF JOB) 4:5

Amiruokchu, tuhin i chungah a hung tlung ve a, i châu ta a; Nang a hung tâwk che a, sukbuoiin i um ta a.

INPÂKNA HLABU 145:14

Lalpa chun a tluhai po po chu a chel zing hlak a, Kûn ngawi ngawia um po pohai chu a keitho hlak.

THUVARHAI 12:18

Kâwlhnâm isun anga tlahawltaka thuhril a um a, Mi var lei ruok chu a hrisêl a nih.

THUVARHAI 25:11

A huntaka thu hril chu Tangkaraw leikhawrhaia rângkachak apple theirahai ang chu a nih.

ISAI 50:4

Mi sâwltak chu thua ka suksâwldam theina dingin Lalpa Pathien chun inchûktirhai lei a mi pêk a; ama chun tûk tinin a keihar a, inchûktirhaiin an hriet anga hre dingin ka na hi a keihar hlak.

DANIEL 5:6

Chun, lal hmêlput dân chu a hung danglam a, a ngaituonahai chun ama a sukbuoi ta a; a kâwngru insuktuoknahai chu a hung inthâwt a, a khûp le khûp chu an invuoktuo ta a.

2 KORINTH 2:7

Chuongchun, hrem nâwkzuol nêk hmanin in ngaidamin, in thlamuon lem ding a nih; chuong naw chun, iengamanih tiin chuong ang mi chu lungngai taluotnain lem zo rawi a tih.

2 KORINTH 7:6

Nisienlakhawm, inngaitlâwmhai thlamuongtu Pathien chun, Tita hungna chun a mi thlamuong ta a;

1 THESSALONIKA 5:14

Chun, unauhai, kan ngên cheu, dân ang nawa umhai chu kâwk unla, lungril chînhai chu infui unla, a hrât nawhai chu ṭhangpui unla, mi po po chungah dâwthei takin um ro.

HEBRAIHAI 12:12

Chuongchun, kut kaithlahai chu dawm kâng unla, khûp zawihai chu sukhrât ro;