JOB LEKHABU (THE BOOK OF JOB) 3:5 - Pathien Lekhabu Inthieng (BSI)

⁵ Inthimna le thina hlim chun anni ta ngeiah hau sienla, A chungah sûm zîng tlat raw se; Ni inthimna chun suklâu raw hai se.

JOB LEKHABU (THE BOOK OF JOB) 3:5 ပူးပေါင်းရင်းမြစ်များ

JOB LEKHABU (THE BOOK OF JOB) 16:16

Ka hmai chu ṭapnain a hung sen a, Ka mitreiahai chun thina hlim chu a um a;

JOB LEKHABU (THE BOOK OF JOB) 24:17

Zîngkâr chu an rênga ta ding chun thîna hlim ang a na, Thina hlim ṭitumnahai chu an nêl si a.

JOB LEKHABU (THE BOOK OF JOB) 28:3

Mihriemin inthimna a suktâwp a, Thina hlim le inthimna lung sâmuphai chu, A hmun hlatakahai chun a zawng suok hlak.

JOB LEKHABU (THE BOOK OF JOB) 3:4

Chu ni chu sukthimin um sienla, Chungtienga inthawkin Pathien khawmin ngaisak naw sienla; A chungah var khawm var bawk naw raw se.

JOB LEKHABU (THE BOOK OF JOB) 3:6

Chu zân chu inthim sâmupin man sienla, Chu kum sûng nihaia chun hlimna hrim hrim um naw sienla; Thla nizât tiemnaa khawm ṭhang ve naw raw se.

JOB LEKHABU (THE BOOK OF JOB) 34:22

Thina hlim amanih, inthimna amanih khawm a um nawh, Thil khawhlo thawtuhai an inbîkna ding hmun chu.

JOB LEKHABU (THE BOOK OF JOB) 38:17

Thina kawtkhârhai chu i kuomah suklang a ni ta hlak am? Annawleh, thina hlim kawtkhârhai chu i hmu hlak am?

INPÂKNA HLABU 107:10

Inthim hnuoia le thina hlima ṭhung a, Rinumna le thîra khuophai chu;

INPÂKNA HLABU 107:14

Inthim hnuoi le thina hlima inthawk chun a ṭhuoi suok a, An khuopnahai chu a suktan ta a.

INPÂKNA HLABU 23:4

Anih, thina hlim varuom hraw lang khawm, Thil ṭha naw hrim hrim ṭi naw ningah, nang ka kuomah i um si a: I hembâwk le i hmawlin a mi thlamuon hlak a nih.

INPÂKNA HLABU 44:19

Nangin sihalhai umnaa mi sawisa hrepa, Thina deihlima an mi khumna dingin.

ISAI 9:2

Mi inthim hnuoia fehai chun var nasatak an hmu ta a; thina hlim rama umhai chunga ngei chun var a hung var ta a.

JEREMIA 13:16

Tlâng inthimhai chunga in kehai chu ân sui hmain le, inthim ân umtir hma hin Lalpa in Pathien chu chawimawina pe ro; chun, a var in zawng lai chun, ama chun thina hlimah ân changtir a, inthim nasatak el chu a siem ta a.

JEREMIA 2:6

Anni chun, ‘Aigupta rama inthawka eini mi hung ṭhuoi suok a, thlalêra le, ram thlalêr le khur hmun le, ram ṭâwltak le thina hlim ram le, ram mi tûkhawm an fethleng ngai nawna le, mi tukhawm chêng nawna rama mi ṭhuoitu Lalpa kha khaw lai am a um a? khawm an ti nawh.

JEREMIA 4:28

Hi hi lei hin leihnuoi chun sûn a ta, chun, chunga vânhai inthim a tih; ka hril ta leiin, ka tum tlat ta a; kân sîr bawk naw a; chutaka inthawk lamlêt bawk naw ning.”

EZEKIEL 30:3

Ni chu a hnai a, Lalpa ni chu a hnai ta si a; Sûm zingna ni, Hnamhai sietna ni chu nîng a tih.

EZEKIEL 34:12

Berâmpu chun sûnah a berâm ruol chu a zawng a, berâm a lo indarhai laia chun a um hlak angin, ka berâmhai chu zawng suok ka ta; inthim le sûmzîng nia an lo invâk darna hmunhai po poa inthawk chun anni chu zawng suok ka tih.

JOEL 2:2

inthimna le vâninnîmna ni, sûm zîng ni le inthim sâ ni, tlâng chunga vârtle var rên ruon ang; mipui nasatak le hrâttak, chuong ang la um ngai lo, chuong hnunga suon tamtak chen khawma um nâwk ta ngailo ding chu.

AMOS 5:8

Siruk le Sizucho siemtu le thina deihlim zîngkâra inchangtirtu le, sûn chu zân inthima siemtu, tuisuoriet tuihai ko a, hnuoi chunga inluongtirtu chu, ama chu zawng unla, a hming chu Lalpa a nih,

AMOS 8:10

In ruoiṭhehai chu lungngainaa le in hlahai po po chu ṭapnaah inchangtir ka tih; kâwng po po chu saiip puon indierkeitir ka ta, lu tin sîpa chun kâwkna hung intlungtir ka tih; chun, naupa khât nei sun ta dinga lungngaina ang le, a tâwpna chu khâkna ni angin siem ka tih.

MATTHAI 4:16

Inthim hnuoia ṭhunghai chun var nasatak an hmu a, Thina hmun le a hlima ṭhunghai chunga chun, Var a hung suok ta a,” tia a hril kha a hung tlung theina dingin.

LUKA 1:79

Inthim lai le thina hlima inṭhunghai ên ding le, Thlamuongna lampuia ei kehai mîn pêntir dingin,” tiin.

DÂN PAHNINA 4:11

Chuongchun, in hung hnai a, tlâng bula chun in hung ngîr a, vânlaizâwl tawngin tlâng chu inthim dâm, sûm dâm, inthim sâmup dâm inumtirin a kâng ta a.

HEBRAIHAI 12:18

Nangni chu tlâng tâwk thei, meia kâng dâm, sûm dum dâm, inthim dâm, thlipui dâm umna kha tlung in ni si naw a;