JOB LEKHABU (THE BOOK OF JOB) 24:12 - Pathien Lekhabu Inthieng (BSI)

¹² Khawpuia inthawk chun thisâwnghai chu an inrûm a, Mi hliem hringna chu ṭhangpuina ngênin a khêk suok a. Amiruokchu, Pathien chun an ngênna chu a bengkhawn nawh.

JOB LEKHABU (THE BOOK OF JOB) 24:12 ပူးပေါင်းရင်းမြစ်များ

INṬANNA 4:10

Lalpa chun, “Iengam i thaw leh? I sang thisen râwl chun hnuoia inthawkin a mi ko a nih.

JOB LEKHABU (THE BOOK OF JOB) 24:11

An in huon sûngah hriek an siem a, Uoin sâwrnahai chu an chîl a, nisienlakhawm, dangchâr an tuor a.

JOB LEKHABU (THE BOOK OF JOB) 24:13

Var chunga helhai chu an um a, Chutaka lampui chu an hriet naw a, Chutaka lampuihaia chun an chêng bawk nawh.

JOB LEKHABU (THE BOOK OF JOB) 9:23

Vuokna chun a sukhlum nghâl chun, Mi pawitâwklo vângduoina chu nuisan a tih.

JOB LEKHABU (THE BOOK OF JOB) 9:24

Hnuoi hi mi khawhlo kuta chun pêk a na, Chu chun rorêltuhai hmaihai chu ama chun ân khum a nih. Ama a ni naw chun, tu am nîng a ta?

INPÂKNA HLABU 10:13

Ieng dinga mi rilo chun Pathien hmusitin, A lungrilah, “Iengkhawm mi ti hliek naw ti nih,” a ti hlak am a na?

INPÂKNA HLABU 109:22

Rimsi le pasetak ka ni a, Ka lungril hi ka sûngah inhliemin a um bawk si a.

INPÂKNA HLABU 12:5

Lalpa chun, “Rimsihai an nêksâwr lei le, pasiehai inrûm lei chun, Tho nghâl el ka ta, An innuisan chu himtakin inumtir ka tih,” a ti a.

INPÂKNA HLABU 50:21

Chuong thil chu i thaw a; nisienlakhawm, ka to zing a; Chuongchun, nangma ang charah i mi ruot hlak a, Nisienlakhawm, kâwk ka ti che a i mithmuah indawt peiin suklang ka tih.

INPÂKNA HLABU 69:26

I ivuok chu an suknawmna a, I înhliemhai lungngaizie chu an hril si hlak a.

FESUOKNA 22:27

chu chu a puonsil neisun a ni a, a taksa inkhumna dinga a puon chu a nih; khâwlai am zâl tâng a ta? Chun, kei a mi hung ko pha lo hrieng ka tih, mi lunginsiettheitak ka ni si a.

THUHRILTU 4:1

Chun, ka thlîr a, nisa hnuoia nêksâwrna thawa umhai po po chu ka hmu a; chun, nêksâwra umhai mitthlihai chu ka hmu bawk a; thlamuontu hrim an nei nawh; nêksâwrtuhai tienga chun thilthawtheina a um a, nisienlakhawm, anni chun thlamuontu hrim an nei nawh.

ISAI 52:5

Chuongchun, hitaka hin tuhin ieng am a na ka thaw ding? Ka mihai hi iengkhawm ni lova ṭhuoi hmangin an um si a, Lalpain a ti a, an chunga rorêltuhai chu an khêk tuor tuor a, Lalpain a tih, ka hming hi sûnnithlâk thlâka hrilsietin a um hlak.

JEREMIA 12:1

Aw Lalpa, nang chu ka hung ngên lai che chun, i fel a, nangma le chun a san chu ei ngaituo tlâng a, mi rilo lampui chu ieng dinga a hlawtling hlak a, khawhlotaka thawtuhai po po chu nuomsaa um am an na?

JEREMIA 12:2

Nang chun anni chu i phun ta a, anih, zung khawm an kei a; an hung inṭhang a, ra khawm an hung ra ta a; an baua chun nang chu i hla naw hle a, an sûnga ruok chu i hla a nih.

MALAKI 2:17

In thuhai chun Lalpa chu in suksâwl a. Anachu, “Khâwlai am ama chu kan suksâwl a?” in ta. Chutaka bawk chun, “Mi tukhawm thil suol thaw chu Lalpa mithmua chun ṭha a na, anni chunga chun a lâwm a; amanih, rorêlna Pathien chu khâwlai am a um a?” in ti bawk a.

MALAKI 3:15

Tuhin mi chapohai chu hamṭha ei ti a ni hi: anih, khawhlona thawtuhai chu tungding an na; anih, Pathien an fie a, sansuok khawm an ni hi,’ in ti a,” tiin.

2 PETER 3:15

Chun, ei Lalpa dawtheizie chu sandamnaa ruot ro; ei unaupa dittak Paula khawmin, a kuoma varna pêk ang peia in kuoma a ziek ang khan.

RORELTUHAI 10:16

Chuongchun, anni laia hnam dang pathienhai chu an sie hmang vawng a, Lalpa rawng chu an bâwl ta a; chun, Israelhai lunginzîngna lei chun a lungril a lungngai ta bêk bêk el a.