JOB LEKHABU (THE BOOK OF JOB) 22:21 - Pathien Lekhabu Inthieng (BSI)

²¹ Tuhin ama le chun inhmêlhriettir la, inremin um rawh, Chuongchun, i ta dingin thil ṭha a hung tlung ding annâwm.

JOB LEKHABU (THE BOOK OF JOB) 22:21 ပူးပေါင်းရင်းမြစ်များ

1 CHANCHIN SUINA 28:9

Chun, nang ka naupa Solomon, i thlatuhai Pathien chu hre la, lungril inhâwktak le lungril tlûntakin ama rawng chu bâwl rawh; Lalpa chun lungril sûng po po chu a zawng suok hlak a, lungrila tumhai khawm chu a hriet hlak si a; ama chu i zawng chun, i hmuah um ngei a ta; amiruokchu, ama chu i nghatsan chun, ama khawmin kumkhuoa dingin pei thla vêng a ti che.

ISAI 27:5

An naw vêk leh, keima le inremna dingin ka hrâtna hi chel raw se; anih, mîn rempui ro.”

PHILIPPI 4:7

Chuongchun, Pathien thlamuonna, lungril hrim hrima hriet sênglo khan, in lungril le in ngaituonahai chu Krista Isua chun vêngpêk a ti cheu.

INPÂKNA HLABU 34:10

Sakeibaknei vânglaihai chu an tlasamin an phîng a ṭâm hlak a: Lalpa zawngtuhai ruok chun thil ṭha hrim hrim tlasam naw ni hai.

2 KORINTH 5:20

Chuongchun, Krista aia palai kan na, Pathienin keini hmangin a ngên cheu ti thei a nih. “Pathien leh hung inrem ro,” tiin Krista aiin kan ngên cheu a nih.

THILTHAWHAI 10:36

Ama chun thlamuongna Chanchin Ṭha Isu Krista baua hrilin Israel mipuihai kuomah thu ân phur a, (Isu chu mi po po Lal a nih).

MATTHAI 5:25

I khingpui chu lampuia in intlawn laiin rem vat rawh; chuong naw chun, i khingpui chun rorêltu inmantir a ti che a, rorêltu chun mi man hotu kuomah pêng a ti che a, intângna inah khum hlau rawi an ti che.

2 KORINTH 4:6

Isu Krista hmêla chun, Pathien ropuizie hrietna var chu mi pe dingin, “Inthima inthawkin var varsuok a tih,” titu Pathien chun kan lungrilhai hi a sunvar ta si a.

JOHAN 17:3

Hi hi chatuona hringna a nih: nang Pathien tak chau le i tir Isu Krista hriet hi.