JOB LEKHABU (THE BOOK OF JOB) 20:18 - Pathien Lekhabu Inthieng (BSI)

¹⁸ A sininrimna bêk bêk, ra chu pe kîr a ta, lem thla el naw ni, Thil a nei ang hu peiah ama chu hlim naw ni.

JOB LEKHABU (THE BOOK OF JOB) 20:18 ပူးပေါင်းရင်းမြစ်များ

JOB LEKHABU (THE BOOK OF JOB) 20:10

A thlahai chun mi rimsihai ditsakna chu zawng tâng an ta, A kuthai chun a hausakna chu pe kîr tâng a tih.

JOB LEKHABU (THE BOOK OF JOB) 20:15

Hausaknahai chu a dawl ta a, hung luok suok nâwk a tih, Pathien chun a phîng sûnga inthawkin hung pei suok a tih.

JOB LEKHABU (THE BOOK OF JOB) 20:5

Mi rilohai hnêna chu a tâwi hlak a, Pathien ngaisak lohai hlimna khawm chu mitkhapkâr chau a ni hlak ti hi?

JOB LEKHABU (THE BOOK OF JOB) 27:17

Buotsai chu buotsai thei a tih, amiruokchu, mi fel chun sil a tih, A tangka khawm chu mi pawitâwk lo chun semdar bawk a tih.

JOB LEKHABU (THE BOOK OF JOB) 31:25

Ka hausakna hi a hung nasat lei a ka hlim a, Ka kut chun tamtak a hung hmu leia ka lâwm a ni chun,

JOB LEKHABU (THE BOOK OF JOB) 31:29

“Keia mi theidatu sietnaa chun ka hlim a, Annawleh, ama chu thil ṭha nawin a hmu suok phaa kân sie chung chun;

JOB LEKHABU (THE BOOK OF JOB) 31:8

Mîn tûtir la, mi dangin fa raw hai se; Anih, ka lo rasuok chu a zunga kar hmangin um raw se.

THUVARHAI 1:12

Seol ang elin an hring pumin lem ei ta; Mi felhai ngei chu, vânsama fethlahai ang elin;

THUVARHAI 21:20

Mi var chêngnaa chun hriek le hausakna hlutak chu a um a, Mi invêt ruok chun a lem zo hlak.

JEREMIA 22:13

A in fel nawnaa bâwltu le, a pindanhai indik lonaa bâwltu chu a chung a rik; ama chun a tuolbâwm sinthawna chu man boin a hmang a, a hlaw khawm a pêk naw a;

JEREMIA 22:17

Amiruokchu, nanga mithai le i lungril chu inhnarna le, mi thiem thisen insuona ding le, nêksâwrna ding le, thawluina ding le, chu chu thawnaa ding chau naw chu thil dang ding a ni naw a.

JEREMIA 51:34

“Babulon lal Nebukadnezzar chun a mi fâk zo a, a mi suknawi a, ama chun bêl ruokah a mi siem ta a, rûlpui ang elin a mi lem a, kân hnikna chun a phîng chu a suksip a, a mi peisâk ta a.

JEREMIA 51:44

Babulona Bêl chu hrem ka tih; a ilem tahai khawm chu a baua inthawkin hung la suokpêk ka tih; chuongchun, hnamhai chu ama kuoma chun luong hmunkhat ta ngai naw ni hai a, anih, Babulon kulbang chu chim a tih.

ṬAP HLA 2:16

I hmêlmahai po po hlaka an bauhai an kâk khum pêkpûk che a; An sisi a, an ha an rawt a, “Ama chu ei lem zo tah, Ah, hi ni hi annâwm ei thlîr zing kha, ei hmusuok ta a, ei hmu ta hi,” an ti a.

EZEKIEL 7:12

A hun chu a hung tlung a, a ni chu a hung hnai tah; inchawtu chu hlim naw sienla, a zawrtu khawma pawiti bawk naw raw se; mi po po chungah lunginsenna chu a um si a.

HOSEA 9:1

Aw Israel, lâwm naw ta, Hnam danghai angin hlim so luom naw rawh; I Pathien chu nawchi i zawr san a, Hrizâwl tina chun nawchizawr ruoi man chu i ngaina si a.

AMOS 8:4

Chun, hi hi ngai ta u, nangni tlasamhai fa zo nuom a, ram mi rimsi sukbo nuomhai,

MATTHAI 23:13

“Nisienlakhawm, nangni Dân inchûktirtu le Pharisai vervêkhai, in chung a rik; vân ram lampui chu mihai in khâr pêk si a; nangni hlak in lût si naw a, mi a lût dinghai khawm in inlûttir phal ngai si naw a.

MATTHAI 23:24

Nangni ṭhuoitu mitdel, thosi thlitfaia sanghâwngsei lem si hlakhai!

DÂN PAHNINA 28:30

Nuhmei huol in ta, mi dangin zâlpui an tih; in bâwl in ta, hluo ruok chu hluo naw ti niu; grêp huon siem in ta, a ra chu sawr naw ti niu.

DÂN PAHNINA 28:33

In hnuoi râhai le in sin inrim râhai chu in hriet ngai naw hnamin fa zo an tih, nêksâwr ding le suknawmnat ni zawmzat in tih,