JOB LEKHABU (THE BOOK OF JOB) 2:10 - Pathien Lekhabu Inthieng (BSI)

¹⁰ Nisienlakhawm, ama chun a kuomah, “Nuhmei invêt thuhril angin thu i hril a nih. Pathien kuta inthawka thil ṭha ei hmu chun, thil ṭha naw khawm ei hmu naw ding am a nih?” a ta. Hieng thilhai po poa khawm hin Job chun a hmûrhai khawmin thil a suksuol naw a.

JOB LEKHABU (THE BOOK OF JOB) 2:10 ပူးပေါင်းရင်းမြစ်များ

INṬANNA 3:17

Chun, Adam kuoma chun, “I nuhmei thu i zâwm a, thing pakhat, ‘A ra i fâk ding a ni nawh,’ tia thu ka pêk che kha a ra i fâk leiin hnuoi hi nanga leiin ṭawngsephurin a um tah a nih; i dam sûngin inrimtaka sinthawin a ra chu fa tâng i tih;

2 SAMUEL 13:13

Chun, keiin ka muolphona chu khâwlai am fepui ka ta? Chun, nang khawm Israelhai lai hin mi invêta ngai i ni el ding i sawnnaw. Chuleiin, lal be lem raw khai, i mi nei chu sêl chuong naw nih,” a ta.

2 SAMUEL 19:22

Chun, David chun, “Nangni Zeruia naupasalhai, nangni hin in mi lo hriet pêk ding ieng am a um a? Vawisûn hin a mi dotuhai in ni naw am a nih? Vawisûn hin Israel mihai laia mi hrim hrim sukhlum ding am a nih? Vawisûn hi Israel mihai chunga lal ka ni hi ka hriet naw am a nih?” a ta.

2 SAMUEL 19:28

Ka pa sûnghai po po chu lalpa ka pu hmaa chun sukhlum vawng âwm an na, nisienlakhawm, i siehlaw hi i buthlêng awtpuituhai lai ân ṭhangtir a. Chuleichun, lal kuoma hin thil dang phût ngam âwm khawm am ka ni ta?” a ta.

2 SAMUEL 24:10

Chun, mihriem an hang tiem zo chun David lungril chu a na ta hle el a. David chun Lalpa kuomah, “Ka thilthawa hin nasatakin ka lo suol tah a nih; nisienlakhawm, tuhin aw Lalpa, i siehlaw rîtlona hi sie hmang dingin ka ngên che, invêttakin ka lo thaw tah a nih,” a ta.

2 CHANCHIN SUINA 16:9

Ama tienga lungril ṭha famkim puttuhai chunga a hrâtzie insuklang dingin Lalpa mit chun hnuoi chung po poa kil le kap a en vêl ruoi hlak. Hitaka hin nang chun invêtthlâktak el chun i lo thaw ta a, chuleiin, tuta chin chu indonahai khawm nei zing tâng i tih,” a ta.

JOB LEKHABU (THE BOOK OF JOB) 1:10

Ama vêla le, a in le a nei po po, a sîr tina chun paldâi i siempêk a ni naw am a nih? A kuthai sinthaw chu mal i sâwm a, a ran ruol chu hi rama hin a hung pung ta a.

JOB LEKHABU (THE BOOK OF JOB) 2:9

Chun, a nuhmei chun a kuomah, “I ringumna chu i la chel det tlat el a ni maw? Pathien chu hrilse la, thi el rawh,” a ta.

INPÂKNA HLABU 39:1

Ka lei hin thil ka suksuol nawna dingin, Ka umdânhai hi vêng ṭhang ka ta; Mi rilohai ka hmaa an um sûng po, Ka bau hi hmûrkhitnain khit ka tih, ka ti a.

INPÂKNA HLABU 39:10

I mi vuokna hi ka kuoma inthawkin mi la hmangpêk la, I kutthlâka sukbohmang ka ni hi.

INPÂKNA HLABU 39:9

Nangma thaw a ni leiin, Ka ṭawng naw a, ka bau ka ka bawk nawh.

INPÂKNA HLABU 59:12

An baua suolna lei le, an hmûra thu suok leiin, An chapona ngeia chun âwk raw se: An thu hril hlak, ṭawngseinphurna le khêlthu lei khawmin.

THUVARHAI 9:13

Nuhmei invêt chu a hmûr a thiem a, Ama chu a mâwl a, iengkhawm a hriet nawh.

THUVARHAI 9:6

Nang mi mâwl, mâwlna chu mâksanin khawsa la, Hrietthiemna lampui chu hung hraw rawh,” tiin.

THUHRILTU 7:14

Hlawtling nia chun hlim la, vângduoi nia chun ngaituo rawh; miin ama hnunga ding iengkhawm a hriet nawna dingin Pathien chun pakhat chu a dang ang bawkin a siem a nih.

ṬAP HLA 3:37

Lalpain thu a pêk naw laia, a hril a, hung tlung el hlak chu tu am a na?

MATTHAI 16:23

Ama ruok chu a ngha a, Peter kuoma chun, “Setan, ka hnungah fe rawh, keia ta dingin tlûkna i nih; Pathien thil ngaituo lovin mihriem thil i ngaituo lem a ni hi,” a ta.

MATTHAI 25:2

Anni lai chun panga an var a, panga an invêt a.

JOHAN 18:11

Chuongchun, Isûn Peter kuomah, “Kâwlhnâm kha a bâwmah thun rawh; Pain no, kei a mi pêk hi ka dâwn naw ding am a nih?” a ta.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 12:12

beiseina kawnga chun, lâwm unla; rinum tuor kawnga chun tuorsel unla, ṭawngṭaina kawnga chun ṭawngṭai fan fan ro.

JAKOB 1:12

Thlêmna tuor hrâm hrâmtu chu a hamṭha, fiea a um phâleh hringna lallukhum Lalpain ama hmangaituhai kuoma a tiem chu a hmu ding a ni si.

JAKOB 3:2

Thil tamtaka chun ei rêngin ei suol hlak si a. Tûkhawm thuhril kawnga a suol naw chun, ama chu puitling a nih, a taksa pum khawm vêng thei mi a nih.

1 SAMUEL 3:18

Chun, Samuel chu a hung a, iengkim el chu a hril fai vawng a, a kuoma chun iengkhawm ip a nei naw a. Chun, ama chun, “Lalpa a nih annâwm, ṭha a ti ang peiin thaw raw se,” a ta.