JOB LEKHABU (THE BOOK OF JOB) 17:9 - Pathien Lekhabu Inthieng (BSI)

⁹ Mi fel chun a lampui chu chel zing a ta, Kut faihai neitu chu hung hrât deu deu a tih.

JOB LEKHABU (THE BOOK OF JOB) 17:9 ပူးပေါင်းရင်းမြစ်များ

INṬANNA 20:5

Ama ngei khawmin ka kuomah, ‘Ka farnu a nih’ a ti ni lo am a nih? Chun amanu (Sara) ngei khawmin, ‘Ka ṭapa a nih,’ a ti bawk si a: lungril ṭhatak le kut inthiengtak nei pumin hi hi ka thaw a nih,” a ti a.

2 SAMUEL 3:1

Saula sûnghai le David sûnghai chu sâwttak an indo a, David chu a hung hrât tiel tiel a, Saula sûnghai ruok chu an hung hrât naw tiel tiel ta a.

JOB LEKHABU (THE BOOK OF JOB) 22:30

Ama chun pawitâwklo mi ni lo khawm chu sanhim a ta, I kuthai inthiengna leiin sanhim a ni ding a nih,” tiin.

JOB LEKHABU (THE BOOK OF JOB) 27:5

Nangni thiem kân changtir ding cheu hi Pathien chun a khap a nih; Ka thi hmakhat chun ka lungril tluongna hi keimaa inthawkin sie hmang naw ning.

JOB LEKHABU (THE BOOK OF JOB) 27:6

Ka felna chu dêttakin ka chel a, inthla naw ning, Ka dam sûngin ka lungril chun mi sawisêl bawk naw nih.

JOB LEKHABU (THE BOOK OF JOB) 31:7

Ka kalchawi chun lampui a pêtsan a, Ka lungrilin ka mithai chu a zui bawk chun, Ka kuthaiah kaidum hrim a um phawt chun;

JOB LEKHABU (THE BOOK OF JOB) 33:9

‘Bawsietna nei lovin kân thieng a nih, Pawitâwklo ka na, keimaa hin rîtlona hrim a um bawk nawh,

INPÂKNA HLABU 11:3

Lungphûmhai chu suksieta a um chun, Mi felin ieng am sukse thei a ta?

INPÂKNA HLABU 24:4

Kut fai le lungril inthieng neia, A lungril teplo mei mei tienga sie ngailo: Hlêm tuma inkhâm ngailo mi chu.

INPÂKNA HLABU 26:6

Ka kuthai hi demkailonain sâwp ka ta, Chuong ang chun, aw Lalpa, i maichâm chu fe huol ka tih.

INPÂKNA HLABU 73:13

A thlâwn elin a nih, ka lungril hi ka sukfai a, Ka kuthai demkailonaa ka sâwp chu.

INPÂKNA HLABU 84:11

Lalpa Pathien chu nisa le phaw a ni si a, Lalpa chun lunginsietna le ropuina pêng a ta, Indiktaka umhai kuoma chun thil ṭha hrim hrim inro naw ni.

INPÂKNA HLABU 84:7

Hrâtnaa inthawkin, hrât nâwk zuolnaah an fe hlak a, Ziona Pathien hmaa chun an inlang seng hlak.

INPÂKNA HLABU 84:8

Aw Lalpa, sipaihai Pathien, ka ṭawngṭaina hi mi lo ngaipêk la, Aw Jakob Pathien, na lo sit rawh.

THUVARHAI 10:25

Thlivir chu a fe hmang el hlak angin, mi khawhlo chu a um ta naw a, Nisienlakhawm, mi fel chu kumkhaw lungphûm ang a nih.

THUVARHAI 10:30

Mi fel chu sawn hmang ni ngai naw ni a, Mi khawhlo ruok chu hnuoia hin chêng naw nih.

THUVARHAI 14:16

Mi var chun suol chu a ṭi a, a fe hmangsan hlak a, Mi invêt ruok chun chaponain a hmang a, ama ân ring tlat hlak.

THUVARHAI 4:18

Mi fel lampui ruok chu zîng khawvar ang a na, Sûn chang lai chena var deu deu ang chu.

MARKA 7:2

Chuonghai chun a închûktir aṭhenhaiin kut bala bei an fâk an lo hmu ta a. Bal ti hi sâwplo tina a nih.

JAKOB 4:8

Pathien hnai ro, chuongchun, amain hnai a ti cheu. Mi suolhai, in kuthai sâwpfai ro, lungril bulbâl nei nawhai, in lungrilhai sukthieng ro.

1 PETER 1:5

Sandamna, hun nuhnunga inlang dinga inzosa chu hmu dingin, ringna leia Pathien thilthawtheinaa vêng chu in nih.

1 JOHAN 2:19

Anni chu eini laia inthawkin an suok a, nisienlakhawm, eini mi tak an ni nawh; eini mi tak ni hai sienla, eini kuomah an um ve pei ding a ni si a. Nisienlakhawm, an rêngin eini mi tak an ni naw vawng ti ân lang fel theina dingin an mi suoksan ta a nih.