JOB LEKHABU (THE BOOK OF JOB) 16:10 - Pathien Lekhabu Inthieng (BSI)

¹⁰ Ka chungah an bau an mi kâk khum a; Hmusittakin ka biengah an mi ben a; Ka chunga chun anni chu an pungkhâwm a.

JOB LEKHABU (THE BOOK OF JOB) 16:10 ပူးပေါင်းရင်းမြစ်များ

1 LALHAI 22:24

Chuongchun, Kenaan naupa Zedekia chun a hung hnai a, Mikaia bienga chun a hung ben a, “Lalpa thlarau chun i kuoma thu hril dingin khawtieng am a mi mâksan leh?” a ta.

2 CHANCHIN SUINA 18:23

Chun, Kenaan naupa Zedekia chu a hung hnai a, “Keimaa inthawkin i kuoma thu hril dingin Lalpa thlarau chu khaw tieng am a fe leh?” tiin, Mikaia chu a bienga chun a ben ta a.

JOB LEKHABU (THE BOOK OF JOB) 16:11

Pathien chun Pathien ngaisak nawhai kuoma chun a mi pêk suok a, Mi rilohai kutahai chun a mi pei lût ta a.

JOB LEKHABU (THE BOOK OF JOB) 30:12

Ka changtieng panga chun mi dukdaklo chu a tho a. Ka kehai chu ân tâwlhmang a; Ka chunga chun an bohmangna lampuihai chu an inchuon ta a.

INPÂKNA HLABU 22:13

Sakeibaknei hnukinrâwl inhûk hmang angin, An bauvin an mi khêkkhum a.

INPÂKNA HLABU 22:14

Tui anga bunthlâkin ka um a, Ka ru po po khawm inpelsawlin a um a, Ka lungril hi khuoihlu ang a na; ka rîl lai hin ân tui zo tah.

INPÂKNA HLABU 3:7

Aw Lalpa, tho la, aw ka Pathien; mi sandam rawh! Ka hmêlmahai po po bekbawra chun i benpêk tâwl ta si a; Mi rilohai hahai chu i suktlam a.

INPÂKNA HLABU 35:15

Nisienlakhawm, ka chan a sein anni chu an lâwm a, an inhâwr khâwm hiel a, Mi suol teplohai chu mi thaw dingin an inkhâwm a, chu chu ka lo hriet si nawh. Ma nuom lovin an mi sawisa hrep a.

INPÂKNA HLABU 35:21

Anih, an bauin an mi kâk khum puou a, “Chei! Chei! ei mit ngeiin ei hmu tah,” an ti a.

INPÂKNA HLABU 56:6

An inkhâwm a, an inbihmang a, Ka hniekhnung an inchik hlak a, Ka hringna sukbo tumin an inchân a;

INPÂKNA HLABU 94:21

Mi fel hringna thaw tumin an pungkhâwm tâwl hlak a, Thisen demkailo chu thiemnaw an inchangtir bawk hlak.

ISAI 50:6

Ka ruongzâng hi vawtuhai kuomah ka daw a, ka bienghai hi hmul phawituhai kuomah ka daw bawk a; muolphonaa le chilsâkkhumnaah ka hmai ka hup nawh.

ṬAP HLA 2:16

I hmêlmahai po po hlaka an bauhai an kâk khum pêkpûk che a; An sisi a, an ha an rawt a, “Ama chu ei lem zo tah, Ah, hi ni hi annâwm ei thlîr zing kha, ei hmusuok ta a, ei hmu ta hi,” an ti a.

ṬAP HLA 3:30

Ama bentu chu a bieng dawpêk sienla, kâwknaa sipa suksipin um raw se.

MIKA 5:1

Aw sipai ruol naunu, tuhin sipai ruolah inpunkhâwm la, ama chun a mîn huol tah a na, Israelhai rorêltu chu a bekah hmawlin vuong an tih.

MATTHAI 26:67

Chun, a hmaiah chil an sâk a, kutin an hnek a; a ṭhenin an ben a,

JOHAN 18:22

Chu chu a hril phingleh, a kâwla ngîr manmi pakhatin Isu a ben a, “Thiempu Laltak hieng ang hin i dawn maw?” a ta.

THILTHAWHAI 23:2

Chun, thiempu Laltak Anania chun, Paula kâwla ngîrhai kuomah, a baua benpêk ding a ta.

THILTHAWHAI 4:27

“Hi khuoa hin i siehlaw inthieng, i hriek nâl, Isu chunga khan Herod le Pontia Pilat le, Jentailhai le Israel mihai an pungkhâwm tak zet a nih;

2 KORINTH 11:20

Miin suokah siem sienla cheu, fa zo duok sienla cheu, salah man sienla cheu, ama le ama inchawimawi sienla, in hmaiah ben sienla cheu khawm in daw hlak si a.