JOB LEKHABU (THE BOOK OF JOB) 12:7 - Pathien Lekhabu Inthieng (BSI)

⁷ Amiruokchu, tuhin ramsahai khawm chu indawn la, inchûktir an ti che; Chunglêng vatehai khawm chu indawn la hril an ti che.

JOB LEKHABU (THE BOOK OF JOB) 12:7 ပူးပေါင်းရင်းမြစ်များ

INṬANNA 1:21

Chuongchun, Pathienin tuipuia thilhring lientak takhai chu a siem a, thilsiem hringna nei le chângthei tinrêng tuiin a insuo ṭeuhai chu anni chi um dân ding ang sengin a siem bawk a, vate thla nei tinrêng khawm anni chi um dân ding ang sengin a siem a: Pathienin chu chu a en a, ṭha a ti hle a.

INṬANNA 1:25

Chuongchun, Pathienin, ram sa anni chi um dân ding ang sengin, ran dâm anni chi um dân ding ang sengin, thilhring hnuoia bawkinvâka lâwnhai po po, anni chi um dân ding ang sengin a siem a: Pathienin chu chu a en a, ṭha a ti hle a.

JOB LEKHABU (THE BOOK OF JOB) 12:6

Inruhmanghai puon inhai chu a hung hlawtling a, Pathien suklungsentuhai chu an him bawk a, Chuonghai kuta chun Pathien chun tamtakin a hung vur a.

JOB LEKHABU (THE BOOK OF JOB) 12:8

Annawleh, hnuoi kuoma chun thu hril la, inchûktir a ti che, Tuipuia ngahai khawm chun i kuomah hrillang an tih.

JOB LEKHABU (THE BOOK OF JOB) 8:10

Nang chu inchûktir chein, hril chein, An lungrila an hrietna ṭhahai chu hril suok lo ding am an nih?

THUVARHAI 30:24

Hnuoi chunga hin thil pali chite tehai chu an um a, Amiruokchu, nasatakin an var a;

THUVARHAI 6:6

Nang thabo, phaivâng kuomah fe la, A lampuihai ngaituo la, var rawh.

ISAI 1:3

Bâwngchal chun a pu a hriet a, sabengtung khawma a pu bupêkna a hriet bawk a, Israelhai ruok chun an hriet si naw a; ka mihai chun an ngaituo naw a nih,” tiin.

JEREMIA 8:7

Anih, chunga vakâwl chun ama hun ruot chu a hriet a; vaṭhuhai, pelêuhai, vangalsânghai an hunah an hung tlung a, ka mihai ruok chun Lalpa thupêk an hriet nawh.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 1:20

Amaa mizie hmu thei lo hai, a chatuon thilthawtheina le a Pathien nizie chu, leihnuoi siem tîra inthawkin chiengtaka hmuin a um a, thilsiema chun ân lang a nih; chuleichun, suonlam ding hrim an nei nawh;