JOB LEKHABU (THE BOOK OF JOB) 11:19 - Pathien Lekhabu Inthieng (BSI)

¹⁹ Zâl i ta, tukhawma suklâu bawk naw ni hai che; Anih, mi tamtakin nangma le inremna hung siem an tih.

JOB LEKHABU (THE BOOK OF JOB) 11:19 ပူးပေါင်းရင်းမြစ်များ

2 CHANCHIN SUINA 20:30

Chuongchun, Jehosaphat ram huop sûng chu a re ṭawk ṭawk a; a Pathien chun a vêl po poa chun râlmuongna a pêk si a.

JOB LEKHABU (THE BOOK OF JOB) 11:18

Chun, beiseina a um leiin, nang chu him tâng i ta, Anih, nangma le nangma inzawng suok i ta, himtakin sâwldam tâng i tih.

INPÂKNA HLABU 127:2

Zîngkâr in tho va, inhnutakin in châwl a, Sininrimna bu in fâk hlak hi, in ta dingin a thlâwn el a nih. Hieng ang hin a mi dittak chu a ininnghiltir hlak a nih.

INPÂKNA HLABU 4:8

Lungmuongtakin zâl ka ta, in ka tih: Lalpa nang ngei hi i nih, makhât chau khawma himtaka mîn umtir hlaktu chu.

INPÂKNA HLABU 45:12

Tura naunu chu thilpêk chawiin chutaka chun um a ta, Mi laia hausahai ngei chun i ditsakna hung ngên an tih.

THUVARHAI 19:6

Mi tamtakin mi tiktlai ditsakna an ngên a, Mi tin chu thilthlâwnpêk petu ta dinga ruol a nih.

THUVARHAI 3:24

I zâl pha khawm chun, ṭi ta naw ti ni a, Anih, zâl i ta, îmu inhniktakin in i tih.

ISAI 17:2

Aroer khuohai chu tlânsanin a um tah; berâm ruolhai umna ding ni el a tih; chuong chu bawk an ta, tukhawma sukṭi naw ni hai.

ISAI 45:14

Lalpa chun hieng ang hin a tih, “Aigupta sininrimhai le, Ethiopia sumdâwng mi le Sabeanhai mi insângtakhai chu in kuom tieng hung an ta; in taah um tâng an tih; nangni chu zui an ti cheu, khaidiet bunin a nih an hung ding chu; chuongchun, bawkkhupin chibai bûk an ti cheu a: ‘Pathien chu nangnia hin a um ngei el, a dang hrim hrim an um nawh, Pathien dang hrim an um nawh,’ tiin in kuomah lunginsiet hnîng an tih,” tiin.

ISAI 60:14

Chun, nangma sukrimsituhai naupasalhai chu kûnin i kuomah hung an ta; nangma hmusittuhai po po chu chibai bûkin i kepha hnuoiah kûn an tih; nang chu, “Lalpa khawpui, Israelhai Mi Inthieng Zion,” tîng an ti che.

EZEKIEL 34:28

Chun, khawhri be mihai ifâk zoin um ta ngai naw ni hai a, hnuoia ramsahai khawma anni chu fa zo bawk naw ni hai; amiruokchu, himtakin chêng an ta, tukhawma anni chu sukṭi ta naw ni hai.

LEVI DÂN 26:6

Hi ram hi râlmuongtakin inumtir ka ta, zâl ṭawk ṭawk in ta, tukhawma sukṭi naw nihai cheu a, ramsa suolhai chu hi rama inthawk hin hnawt hmang ka ta, kawlhnâmin in ram fe thleng naw bawk a tih.

MIKA 4:4

Mi tinhai chu an grêp hrui hnuoia le an theichang kûng hnuoiah ṭhung lem an ta, tukhawma sukṭi naw ni hai; sipaihai Lalpa bau chun a hril ta a.

ZEPHANIA 3:13

Israel mi hlabîkhai chun rîtlona thaw ta naw ni hai a, khêl khawm hril ta ngai naw nihai; an bauhaia chun lei mi hlêm hmangna hrim hrim khawm hmu ni ngai ta naw nih; khawp dingin fâng an ta, zâl an tih, tukhawma an sukṭi ta naw ding a ni si a,” a ta.

THUPUONGSUO 3:9

Ngai ta, Setan inkhâwmna inhai laia mi, Juda tak ni lova, khêl hrila Juda intihai laia mi chu, ka tir ding a nih, ngai ta, i ke bulah chibai hung inbûktir ka ta, ka hmangai che ti inhriettir bawk ka tih.