JOB LEKHABU (THE BOOK OF JOB) 11:16 - Pathien Lekhabu Inthieng (BSI)

¹⁶ I rinum tuorhai chu i theinghil ta âwm si a; Tui luong hmang tahai ang chau chun hre zing i tih.

JOB LEKHABU (THE BOOK OF JOB) 11:16 ပူးပေါင်းရင်းမြစ်များ

INṬANNA 41:51

Josef chun a nau lutîr hminga chun Manasse a sak a, “Pathienin kân rimna po po le ka pa sûnghai chu a mîn theinghiltir ta si a,” a ta.

INṬANNA 9:11

In kuomah ka thuthlung chu ka sukdet a; tisa po po tuilêta sukbohmangin um ta naw ni hai a, hnuoi sukse dingin tui lêt nâwk ta naw bawk a tih,” tiin a hril a.

JOB LEKHABU (THE BOOK OF JOB) 22:11

I hmu thei nawna dingin i var chu sukthimin a um a, Tui tamtak chun ân khum che a nih.

JOB LEKHABU (THE BOOK OF JOB) 6:15

Ka unauhai chun vadungtê angin khawhlotakin an thaw a, Vadung tui inrelhmang hlakhai ang el chun.

THUVARHAI 31:7

Indâwntir la, a tlâksamna chu theinghil raw se, A pasietna chu hre zing bawk ta naw raw se.

THUHRILTU 5:20

A dam sûng nihai po po chu hre zing nâwk si naw ni a; Pathien chun a lung lâwm zâwnga ama chu a dawn tâk leiin.

ISAI 54:4

Ṭi naw, i muolpho âwm si naw a; beidawng bawk naw, muolphoin i um âwm bawk si naw a, i tleirâwl lai muolphona chu i theinghil tain, i hmeithaina hmingsietna khawm chu i hriet zing ta âwm si naw a.

ISAI 54:9

Chu chu ka ta dingin Noa tuihai ang kha a ni si a; “Noa tuihai chun hnuoi chîm tlum nâwk ta naw ni,” tia ṭawng kân khâm ang khan, “I chungah lunginsen nâwk ta naw ning a, kâwk nâwk ta naw bawk ka ti che,” tiin ṭawng kân khâm tah a nih.

ISAI 65:16

chuongchun, hnuoia hin mâni le mâni mal insâwm fâwmtu chu thutak Pathiena chun mal insâwm a ta; hnuoia hin ṭawng inkhâmtu chu thutak Pathien sâlin ṭawng inkhâm a tih; kha hmaa lunginzîngnahai chu theinghila a um ta leiin le ka mita inthawka thupa a um ta leiin.

JOHAN 16:21

Nuhmeiin nauha ân vawiin a lungngai hlak, a hun a tlung ta leiin, nisienlakhawm, nau a hung nei phing chun a thlaphâng chu a hriet nâwk ta ngai nawh, khawvêla mihriem hung pieng chu a lâwm leiin.