JOB LEKHABU (THE BOOK OF JOB) 1:8 - Pathien Lekhabu Inthieng (BSI)

⁸ Chun, Lalpa chun Setan kuoma chun, “Ka siehlaw Job hi i ngaituo hlak am? Hnuoi chunga hin ama anga mi fel le, mi tluong le, Pathien ṭi mi le, suol nghatsan mi an um si naw a,” a ti a.

JOB LEKHABU (THE BOOK OF JOB) 1:8 ပူးပေါင်းရင်းမြစ်များ

2 LALHAI 23:25

Mosie dân ang po poa lungril po po le thlarau po po le hrâtna po poa Lalpa pawm ama ang hrim hrim a hmaa lal tukhawm an um naw a, a hnunga khawm ama ang chu tukhawm an um nâwk ta bawk nawh.

NEHEMIA 5:15

Nisienlakhawm, kha hmaa ram awptu ka hmaa lo umhai chu mihai chungah lu an lo ling hle a, tangka shekel sâwmli tiem lovin an beihai le uoinhai an lâkpêk hlak a; a chu nâksapah an siehlawhai chu mihai chunga chun an insuklal hle hlak a; amiruokchu, kei chun chu Pathien ṭina leiin chuong ang chun ka thaw ve nawh.

JOB LEKHABU (THE BOOK OF JOB) 1:1

Uz rama chun mi pakhat a um a, a hming chu Job a nih; chu mipa chu mi fel le tluong le, Pathien ṭi a suol nghatsan mi a nih;

JOB LEKHABU (THE BOOK OF JOB) 12:4

Ka ruolhai ta dingin nuizatbûr ka hung ni ta a, Pathien ka koin, mi dawn sien khawm, Mi fel le demkailo ni lang khawm nuizatbûr el ka ni ta hi.

JOB LEKHABU (THE BOOK OF JOB) 2:1

Ni khat chu Pathien naupahai chu Lalpa hmaa an hung inlangna ni a um nâwk a, Setan khawm chu anni laia Lalpa hmaa inlang dingin a hung ve a.

JOB LEKHABU (THE BOOK OF JOB) 2:3

Lalpa chun Setan kuoma chun, “Ka siehlaw Job hi i ngaituo hlak am? Hnuoi chunga hin ama anga mi fel le mi tluong, Pathien ṭi mi le suol nghatsan mi an um si naw a; a san nei loa ama sukbohmang dinga a chungah i mîn chângtir khawma ama chun a ringumna chu a chel det tlat a nih,” a ti a.

JOB LEKHABU (THE BOOK OF JOB) 34:14

Ama le ama chunga chun a lung inkîr lêt sienla, Ân thuokna le a thlarau chu ama kuoma chun la khâwm sienla chu;

JOB LEKHABU (THE BOOK OF JOB) 8:20

Ngai ta, Pathien chun mi fel chu pei thla naw ni a, Thil suol thawtu chu tungding bawk naw ni.

INPÂKNA HLABU 18:23

Ama kuoma chun demkailo ka lo na, Ka khawhlonaa inthawk chun kân siekieng hlak.

INPÂKNA HLABU 34:14

Suol chu fe san la, thil ṭha thaw rawh; Inremna zawng la, a hnawtin hnawt rawh.

INPÂKNA HLABU 36:1

Mi rilo bawsietna chun ka lungril sûnga hin thu a hril a, “A mithmuah Pathien ṭîna hrim hrim a um nawh,” tiin.

INPÂKNA HLABU 37:27

Suol fe san la, thil ṭha thaw rawh, Chuongchun, kumkhuoin chêng zing rawh.

INPÂKNA HLABU 84:11

Lalpa Pathien chu nisa le phaw a ni si a, Lalpa chun lunginsietna le ropuina pêng a ta, Indiktaka umhai kuoma chun thil ṭha hrim hrim inro naw ni.

INPÂKNA HLABU 89:20

Ka siehlaw David chu ka hmusuok a, Ka hriek inthieng chun ama chu ka nâl ta a.

THUVARHAI 8:13

Lalpa ṭi chu suolna theidana ding a na, Chapona le, insuklienna le rîtlona kawng leh, Bau chapo hi ka theida a nih.

ISAI 1:16

Insâwp unla, insukfai ro, ka mithmu phâk nawah in thilthawhai hi a suolna chu sie hmang ro; suol thaw thaw el hi ma ta unla, thil ṭha thaw inchûk ta ro;

ISAI 42:1

Ka siehlaw, ka chel zing, ka ithlang, ka lungrilin a ilawm êm êm hi en ta u; a chungah ka thlarau ka sie tah: Jentailhai kuoma pêk dingin rorêlna thu la suok a tih.

EZEKIEL 40:4

Chu mi chun ka kuomah, “Mihriem naupa, i mithai khan en la, i nahai khan lo ngai bawk la, ka în hmutir dinghai che po po chunga chun i lungril sie rawh; i kuoma kân hmutir theina ding chea hi tienga hung ṭhuoi i ni hrim a; chuongchun, i hmuhai po po chu Israel sûngkuo kuoma chun puong rawh,” a ti a.

NAMBAR 12:3

Mosie chu hnuoi chunga mihriem po poa zainêm tak a na.

JOHAN 1:47

Isûn Nathanael a kuoma hung ding chu a hmu a, a chanchin a lo hril a, “En ta u, Israel mi tak, rîtlona hrim hrim nei lo saw,” a ta.

JOSUA 1:2

“Ka siehlaw Mosie chu a thi ta a; tho la, nang le hieng mipui po pohai le hin Jordan hi kân unla, anni Israel mihai ngei ka ipêk rama chun fe ro.

JOSUA 1:7

Ka siehlaw Mosiein dân po po zâwm dinga a pêk che kha zâwm tlat dingin hrâttak le huoitakin um phawt el rawh. I fena taphawta i tluongtlung peina dingin i changtieng amanih, i vawitieng amaniah khawm pêtsan dêr naw rawh.