JOB LEKHABU (THE BOOK OF JOB) 1:6 - Pathien Lekhabu Inthieng (BSI)

⁶ Tuhin Pathien naupahai chu Lalpa hmaa inlang dinga an hung ni a um a; Setan khawm anni lai a hung ve a.

JOB LEKHABU (THE BOOK OF JOB) 1:6 ပူးပေါင်းရင်းမြစ်များ

INṬANNA 6:2

Pathien naupasalhai chun mihriem naunuhmeihai chu hmêl ṭhatakin an hmu a; chuongchun, an dit zâwng taphawthai chu nuhmeiah an nei tâwl hlak a.

INṬANNA 6:4

Chuong lai le chu hnunga khawm, Pathien naupasalhaiin mihiem naunuhmeihai chu an pâwl a, anni leh nauhai an nei hlak lai khan Nephilimhai chu hnuoia hin an um a; chuonghai chu tienlaia mi hrât, indothiem hming inthanghai chu an nih.

1 LALHAI 22:19

Chun, Mikaia chun, “Chuleiin, Lalpa thu hi lo ngai ta u, Lalpa chu a lalṭhungphaa ṭhung ka hmu a, vâna mipuihai po po, a changtieng le vawitienga ngîrhai leh.

1 CHANCHIN SUINA 21:1

Setan chu Israel mihai chunga chun a hung tho a, David chu Israel mihai chu ân tiemtir ta a.

2 CHANCHIN SUINA 18:20

Chun, thlarau pakhat chu a hung suok a, Lalpa hmaa chun a ngîr a, ‘Keiin hang thlêm ka tih,’ a ta. Chun, Lalpa chun, ‘Iengtinam ie?’ a ta.

JOB LEKHABU (THE BOOK OF JOB) 2:1

Ni khat chu Pathien naupahai chu Lalpa hmaa an hung inlangna ni a um nâwk a, Setan khawm chu anni laia Lalpa hmaa inlang dingin a hung ve a.

JOB LEKHABU (THE BOOK OF JOB) 2:3

Lalpa chun Setan kuoma chun, “Ka siehlaw Job hi i ngaituo hlak am? Hnuoi chunga hin ama anga mi fel le mi tluong, Pathien ṭi mi le suol nghatsan mi an um si naw a; a san nei loa ama sukbohmang dinga a chungah i mîn chângtir khawma ama chun a ringumna chu a chel det tlat a nih,” a ti a.

JOB LEKHABU (THE BOOK OF JOB) 38:7

Zîng arasihai chun hla an sak tâwlin, Pathien naupahai chu iengtik khan am hlimin an khêk a?

INPÂKNA HLABU 103:20

A vântirkohai, a thu ngaia, a thu zâwma, hrâtnaa ropui hlakhai, Lalpa chu inpâk ro.

DANIEL 3:25

Ama chun a dawn a, “En ta u, mei laia khun mi pali sût sain inlawnin ka hmu a, na hrim an ti nawh; a palina hmêl putzie chu pathienhai naupa ang a nih,” a ta.

ZEKARIA 3:1

Chun, thiempu lal Josua Lalpa vântirko hmaa ngîr le, Setan chu a khingpui ni dinga a changtienga ngîr chu a mîn entir a.

MATTHAI 18:10

“Hieng mi chîn laia pakhat khawm hi hmusit naw dingin fîmkhur ro; an vântirkohaiin vânah ka Pa vâna mi hmêl an hmu rawp hlak ti ka hril cheu hi,”

LUKA 22:31

“Simon, Simon, ngai ta, Setanin, bu rel anga a rel theina ding cheuin, nangni rawi hi a hni cheu annaw;

LUKA 3:38

Ama chu Enos nau a na, Ama chu Seth nau a na, Ama chu Adam nau a na, Ama chu Pathien nau a nih.

JOHAN 6:70

Chun, Isûn an kuomah, “Nangni sâwm le pahnihai hi keia thlang in ni naw am a nih? Nangni laia pakhat diebol a ni nâwk nghâl si,” a ta.