JOB LEKHABU (THE BOOK OF JOB) 1:5 - Pathien Lekhabu Inthieng (BSI)

⁵ Chun, an ruoiṭhena nihai vêl chu a kim pha chun Job chun ân cha a, anni chu a hlânthieng hlak a; zîngkâr inhmatakin a tho a, an rênga anni nizât hming kimin pumrawhmang thilinhlânhai ân hlân a: Job chun, “Ka naupasalhai hin thil lo suksuolin, an lungrilhaiah Pathien hrilsie hlau rawi an tih,” a ti si a. Chuong ang chun Job chun a thaw rawp hlak a.

JOB LEKHABU (THE BOOK OF JOB) 1:5 ပူးပေါင်းရင်းမြစ်များ

INṬANNA 22:3

Chun, Abraham chu zîngkâr inhmatakin a tho a, a sabengtung a siem a, a kuomah a siehlaw tlangvâl pahni a ṭhuoi a, a naupa Isak le chun; chun, pumrawhmanga inthawina ding chun thing a chêk a, a tho a, Pathienin a hrilna hmun tieng chun a fe ta a.

INṬANNA 6:5

Chun, Lalpa chun hnuoia hin mihriem suolzie chu nasatak a nih ti le, a lungril ngaituonahai hrim hrim chu suol ruok a nih ti a lo hriet a.

INṬANNA 8:20

Chun, Noa chun Lalpa ta dingin maichâm a siem a; chun, sa thieng tinrêng laia mi le, vate thieng tinrêng laia mi a lâk a, maichâma chun pumrawhmang thilinhlânhai ân hlân ta a.

1 LALHAI 18:31

Chun, “I hming chu Israel nîng a tih,” ti lo dawngtu Jakob nauhai hnam zât lung sâwm le pahni Elija chun a lâk a.

1 LALHAI 21:10

mi pahni Belial nauhai a hmaa chun inṭhungtir unla, ‘Pathien le lal i hrilsiet a nih,’ tia a hêktu dingin lo siem ro. Chun, ama chu ṭhuoi suok unla, lo dêng hlum ro,” a ta.

1 LALHAI 21:13

Chun, mi pahni Belial nauhai chu a hmaa chun an va ṭhung a; chun, Belial mihai chun mipuihai hmaa chun, “Naboth hin Pathien le lal a hrilsiet a nih,” tiin ama Naboth chu an hêk a. Chuongchun, khuoa inthawk chun an ṭhuoi suok a, lungin an dêng a, a thi ta a.

NEHEMIA 12:30

Chun, thiempuhai le Levi mihai chu an insukthieng a, chun, mipuihai, kulhai, a kawtkhârhai an sukthieng a.

JOB LEKHABU (THE BOOK OF JOB) 1:11

Nisienlakhawm, tuhin i kut phar la, a thil nei po po chu tâwk la, i hmâisanah hrilse ngei ngei a ti che,” a ta.

JOB LEKHABU (THE BOOK OF JOB) 1:4

A naupasalhai chu an hunbi peiah an inhaia fein, ruoi an ṭhe insâwk hlak a: mi an tir a, an farnu pathumhai chu anni le faa dâwn dingin an ko hlak a.

JOB LEKHABU (THE BOOK OF JOB) 2:9

Chun, a nuhmei chun a kuomah, “I ringumna chu i la chel det tlat el a ni maw? Pathien chu hrilse la, thi el rawh,” a ta.

JOB LEKHABU (THE BOOK OF JOB) 27:10

Iengkimthawtheia chun ama chu lungawiin, Pathien chu ieng lai khawmin a ko ding am a nih?

JOB LEKHABU (THE BOOK OF JOB) 41:25

Ama chu a hung tho pha chun, mi hrâthai chu an ṭi a: Ṭitna leiin anni chu an inhâwrkhâwm a.

JOB LEKHABU (THE BOOK OF JOB) 42:8

Chuleiin, tuhin bâwngchal pasari le berâmchal pasari kei unla; ka siehlaw Job kuoma chun fe unla, nangni ta ngei dingin pumrawhmang thilinhlân chu inhlân ro; chun, ka siehlaw Job chun ṭawngṭaipêk a ti cheu a, ama a ni leiin, kei khawma pawm ka tih, in invêtna ang peia ka thaw nawna ding cheu in. Ka siehlaw Job angin keima chungthua thil indik chu in mi hrilpêk ta si naw a,” tiin.

JOB LEKHABU (THE BOOK OF JOB) 6:14

“Châu dêra um ṭêp chunga chun a ruol chun lunginsietna a nei ding a nih; Iengkimthawthei ṭîna nghatsantu ngei kuoma chun.

JOB LEKHABU (THE BOOK OF JOB) 8:4

I nauhaiin a chungah thil an suksuol chun, An bawsietna kuta chun anni chu a pêk hlak a.

INPÂKNA HLABU 5:3

Aw Lalpa, zîngkâr chun ka râwl hi lo hre hlak i ta, Zîngkâr chun ka ṭawngṭâina chu i hmaa chun rêl fel diem ka ta, lo ngaiven hlak ka tih.

FESUOKNA 18:12

Chun, Mosie tarpupa Jethro chun inthâwinahai le pumrawhmang thilinhlânhai Pathien ta dingin a lâk a; chun Aron chu Israel upahai po po leh Pathien hmaa Mosie tarpupa le bei fa dingin an hung ta a.

FESUOKNA 19:10

Lalpa chun Mosie kuomah, “Mipui kuoma chun fe la, vawisûn le zîngah sukthieng rawh, an silfênhai chu sâwp hai sienla;

FESUOKNA 24:5

Chun, Israel mi tlangvâlhai chu a tir a, Lalpa kuomah rawhmang thilinhlân an inhlân a, inremna thilinhlân dingin bâwngchalin an inthâwi bawk a.

THUHRILTU 9:10

I kutin sinthaw ding a hmu phawt chu i theitâwpin thaw la, i fêna ding thlâna chun varna amanih, hrietthiemna amanih, hlêmna amanih, sinthawna amanih a um ta si naw a.

JEREMIA 4:14

Aw Jerusalem, sandama i um theina dingin i khawhlonaa inthawk chun i lungril chu sâwpfai rawh. I ngaituona rilohai hi ieng chen am i lungrila chun a châm ding a na?

EZEKIEL 14:14

hi mi pathumhai Noa, Daniel le Job hai meu khawm hi a sûnga chun umhai sien, an felna chun anni hringna chau chu an sanhim ding a nih, Lalpa Pathien chun a tih.

LUKA 1:75

Ei dam sûnga a mithmua inthieng le feltaka ei um zing theina ding chu, a mi hung ruotpêk ta a nih.

LUKA 18:7

An chungah zai la daw hri sien khawm, a mi thlang, asûn azâna ama kotuhai phuba chu Pathienin a lâkpêk naw ding am a nih?

JOHAN 11:55

Chun, Judahai Fekân Ruoiṭhe chu a hnai ta a, mi tamtak inthien dingin rama inthawk, Fekân Ruoiṭhe hma chun, Jerusalemah an hang fe a.

THILTHAWHAI 21:26

Chun, a zînga chun Paulain pasalhai chu a ṭhuoi a, anni lai ân thienfai ve a, Pathien biekina chun a lût a, an ta dinga sa that seng ding a pêk pêk hmakhat chu inthienfainain an nei hri ding a nih ti, thiempu kuoma chun an hril lâwk a.

THILTHAWHAI 8:22

Chuleiin, i suol hi sim la, Lalpa kuomah ṭawngṭai rawh, chuongchun, i lungrila i ngaituo hi a ngaidam thei khiet che rawi mawh.

1 KORINTH 4:5

Chuongchun, a hun hma hin iengkhawm fie naw ro, Lalpa hung hmakhat chu, ama chun inthima thil thuphmanghai chu varah hung la suok a tih, lungrila tumhai khawm chu suklang bawk a tih; chu pha chun mi tinin Pathien kuoma chun an chantâwka inpâkna hlaw seng tâng an tih.

2 KORINTH 11:2

Pathien thîknain a nih in sawnnaw ka thîk cheu chu; Krista kuoma chun nunghâk inthieng anga ka pêk theina ding cheuin, pasal pakhat ka huol pêk si cheu a.

EPHESI 6:18

ieng huna khawm Thlaraua ṭawngṭaiin, chu kawnga chun mi inthieng po pohai ta dingin ṭhahnemngai tak le hni tlatin ngaiven ro:

1 SAMUEL 16:5

Ama chun, “Thu ṭhaa hung ni e, Lalpa kuoma inthâwi dinga hung ka nih; insukthieng unla, inthâwinaah hung ve ro,” a ta. Chun, Jesai le a naupasalhai chu a sukthieng a, inthâwinaa chun a ko ve a.