JOB LEKHABU (THE BOOK OF JOB) 1:17 - Pathien Lekhabu Inthieng (BSI)

¹⁷ Ama chun a la hril lai zing chun mi dang a hung ve nâwk a, “Kaldaihai chu pâwl thumin an insiem a, sanghâwngseihai chu an thaw a, anni chu an lâk hmang rip el a; kâwlhnâm ngeiin siehlawhai chu an that a: a hril ding chein kei chau ka hung inrel suok a nih,” a ta.

JOB LEKHABU (THE BOOK OF JOB) 1:17 ပူးပေါင်းရင်းမြစ်များ

INṬANNA 11:28

Haran chu a piengna rama Kaldaihai khuo Urah, a pa Tera hmaa chun a thi a.

INṬANNA 11:31

Tera chun a naupa Abram le, a naupa naupasal (Haran naupa) Lota le, a mo, a naupa Abram nuhmei Sarai chu a ṭhuoi a; Kanaana fe dingin Kaldaihai khuo Ura inthawk chun an suok tlâng ta a; nisienlakhawm, Haran an hung tlung a, chutaka chun umhmun an khuor ta a.

2 SAMUEL 1:3

David chun a kuomah, “Khaw laia inthawka hung am i ni a?” a ta; ama chun, “Israel mihai ṭhanghmuna inthawkin ka hung tlân suok a nih,” a ta.

JOB LEKHABU (THE BOOK OF JOB) 1:15

Seba mihaiin anni an thaw a, an lâk rip el a; anih, siehlawhai chu kâwlhnâm ngeiin an that a; chuongchun, nangma hril ding chein kei chau hi ka hung inrel suok a nih,” a ta.

JOB LEKHABU (THE BOOK OF JOB) 1:18

A la hril lai zing chun mi dang khawm a hung nâwk ve a, “I naupasalhai le i naunuhmeihai chu an unaupa upa tak inah uoin an dâwnin an fâk a:

ISAI 23:13

En ta, Kaldaihai ram hi, hieng mihai hi an um ta nawh; Assuria mi chun thlalêra ramsahai ta dingin a ruot tah a nih; an in insânghai chu a bâwl a, chutaka lal inhai chu an sukbohmang a, in sieah a siem ta a.

EZEKIEL 23:23

Babulon mihai, Kaldai mihai po po le, Pekod mihai, Soa mihai, Hoa mihai, anni le Assuria mihai po po leh; tlangvâl ditumtak takhai, ram awptuhai, rorêltuhai, an rêngin lal nauhai, mi hming inthanghai, an rêngin sakawr chunga chuong mihai chu.

HABAKKUK 1:6

Ngai ro, Kaldaihai kân ngîr suok a nih, Hnam ti rawk rawk le khatak elhai chu. Anni chu, anni ta khawm ni lo umna hmunhai chu, Nei dingin hnuoi khang dâpin an hung a.