JOB LEKHABU (THE BOOK OF JOB) 1:1 - Pathien Lekhabu Inthieng (BSI)

¹ Uz rama chun mi pakhat a um a, a hming chu Job a nih; chu mipa chu mi fel le tluong le, Pathien ṭi a suol nghatsan mi a nih;

JOB LEKHABU (THE BOOK OF JOB) 1:1 ပူးပေါင်းရင်းမြစ်များ

INṬANNA 10:23

Aram nauhai chu: Uz, Hul, Gether le Mash an nih.

INṬANNA 17:1

Chun, Abram chu kum sawmkuo pakuo mi a niin Lalpa chu Abram kuomah a hung inlâr a, a kuomah, “Kei Pathien Iengkimthawthei ka nih, ka hmaah um la, ṭha famkimin um rawh.

INṬANNA 22:12

Ama chun, “Naupang chunga khan i kut thlâk naw la, ama kha iengkhawm law naw rawh; i naupasal nei sun khawm mi pêk în ro naw leiin Pathien i ṭi ti tuhin ka hriet tah,” a ta.

INṬANNA 36:28

Hieng hi Disan nauhai chu an nih: Uz le Aran hai hi.

INṬANNA 42:18

A ni thum ni chun Josef chun an kuomah, “Hieng ang hin thaw unla hring in tih, Pathien ka ṭi si a:

INṬANNA 6:9

Hienghai hi Noa thlahai chu an nih: Noa chu mi feltak a na, a dam ruolpuihai lai chun sawisêlbo a nih: Noa chu Pathien leh an lêng hmunkhat hlak.

2 LALHAI 20:3

“Aw Lalpa, i hmaa thutak le lungril ṭha famkim puta ka um hlakzie le, i mithmua thil ṭha ka thaw hlakzie kha hre zing dingin ka hung ngên che a nih,” tiin. Chun, Hezekia chu a ṭap ta ngawi ngawi a.

1 CHANCHIN SUINA 1:17

Sem naupasalhai chu: Elam, Assur, Arpaksad, Lud, Aram, Uz, Hul, Gether le Mesek an nih.

1 CHANCHIN SUINA 1:42

Ezer naupasalhai chu: Bilhan, Zaavan le Jaakan. Disan naupasalhai chu: Uz le Aran.

JOB LEKHABU (THE BOOK OF JOB) 1:8

Chun, Lalpa chun Setan kuoma chun, “Ka siehlaw Job hi i ngaituo hlak am? Hnuoi chunga hin ama anga mi fel le, mi tluong le, Pathien ṭi mi le, suol nghatsan mi an um si naw a,” a ti a.

JOB LEKHABU (THE BOOK OF JOB) 2:3

Lalpa chun Setan kuoma chun, “Ka siehlaw Job hi i ngaituo hlak am? Hnuoi chunga hin ama anga mi fel le mi tluong, Pathien ṭi mi le suol nghatsan mi an um si naw a; a san nei loa ama sukbohmang dinga a chungah i mîn chângtir khawma ama chun a ringumna chu a chel det tlat a nih,” a ti a.

JOB LEKHABU (THE BOOK OF JOB) 28:28

Chun, mihriem kuoma chun, ‘Ngai ta, Lalpa ṭi chu, varna a nih; Suola inthawka fe hmang chu hrietthiemna a ni bawk a,’ a ta,” tiin

JOB LEKHABU (THE BOOK OF JOB) 4:6

Pathien i ṭina chu i ringpui niin, I lampuia ringumna chu i beiseina ni lo am a nih?

JOB LEKHABU (THE BOOK OF JOB) 9:21

Mi tluongtak ka na; kei le kei kân ngaisâng naw a; Ka hringna chu ka hmusit a;

FESUOKNA 18:21

Chunawa khawm mipui laia inthawk mi thei thei, Pathien ṭi mi, mi indikhai, hlêpna felnaw theida mihai thlang suok la, anni chu sâng khat chunga rorêltu, za khat chunga rorêltu, sâwmnga chunga rorêltu, sâwm chunga rorêltuhai ni dingin sie rawh.

THUVARHAI 14:16

Mi var chun suol chu a ṭi a, a fe hmangsan hlak a, Mi invêt ruok chun chaponain a hmang a, ama ân ring tlat hlak.

THUVARHAI 14:2

Mi, felnaa fe chun Lalpa chu a ṭi a, A lampuihaia khêlinhlip ruok chun ama a hmusit hlak.

THUVARHAI 16:17

Mi tluong lamtluongpui chu rîtlonaa inthawka fe hmang hi a na; Mi a lampui vêng ṭhatu chun a lungril chu a vawng ṭha.

THUVARHAI 16:6

Zângaina le thutak chun khawhlona chu sâwpfai a na, Lalpa ṭina leiin mihaiin suolna an zâmsan.

THUVARHAI 20:7

Mi indik a lungril ṭhaa fe mi chu, Ama hnunga a thlahai chu an hamṭha.

THUVARHAI 3:7

Nanga mithaia ringawt chun var naw la, Lalpa chu ṭi la, rîtlona chu mâksan rawh.

THUVARHAI 8:13

Lalpa ṭi chu suolna theidana ding a na, Chapona le, insuklienna le rîtlona kawng leh, Bau chapo hi ka theida a nih.

JEREMIA 25:20

mi chilakhai po po, Uz rama lalhai po po, Philistin mihai rama lal po pohai, (Askelon, Gaza, Ekron le Asdoda la mahlahai leh);

ṬAP HLA 4:21

Uz rama um, nang aw Edom naunu, hlimin lâwm rawh; Nanga kuoma khawm no chu hung tlung a ta; inrui i ta; chun, nang chu ruokin insiem i tih.

EZEKIEL 14:14

hi mi pathumhai Noa, Daniel le Job hai meu khawm hi a sûnga chun umhai sien, an felna chun anni hringna chau chu an sanhim ding a nih, Lalpa Pathien chun a tih.

EZEKIEL 14:20

Noa le Daniel le Job chu a sûnga chun um hai sienkhawm, Lalpa Pathien chun, ‘kei ka hring angin, naupa amanih, naunu amanih chu sanhim naw ni hai a, an felnain anni le anni chau chu in sanhim an tih,’ a tih.

LUKA 1:6

An pahni chun Pathien mithmuah feltakin an um a, Lalpa thupêk le a dân po po chu sawisêlboa zâwm hlak mi an nih.

DÂN PAHNINA 18:13

Lalpa in Pathien hmaa chun demkailo in ni ding a nih.

JAKOB 5:11

Ngai ta u ! tuortuhai chu hamṭha ei ti a, Job selzie chu in hriet a, Lalpain a tâwpa a thaw zie khawm kha in hmu bawk a; Lalpa chu lunginsietnain a sipzie le za a ngai theizie khawm kha.

1 PETER 3:11

Suol nghatsanin, Thil ṭha thaw raw se; Inremna zawngin, Hnawt pei raw se.