JEREMIA 9:8 - Pathien Lekhabu Inthieng (BSI)

⁸ An lei chu thi theina thal a na; thukhêl a hril a, mi pakhatin a tuolbâwm kuomah a bau chun thlamuongumtakin thu a hril a, nisienlakhawm, a lungril chun ama chu ân chân rûk zing a.

JEREMIA 9:8 ပူးပေါင်းရင်းမြစ်များ

2 SAMUEL 3:27

Chun, Abner chun Hebron a hung tlung chun Joab chun kul kawtkhârah biekrûk dingin a ṭhuoi hran a, a unau Asahel thisen suok thungna dingin a phîngah a sun hlum ta a.

INPÂKNA HLABU 12:2

Mi tin chun an vênghai kuomah thu teplo mei mei an hril hlak si a; Mi inpâk tehlêmna hmûr le, hlêmna lungril putin thu an hril hlak a;

INPÂKNA HLABU 12:3

Lalpa chun inpâk tehlêmna hmûr po po chu ât thlâng a ta, Thu chapotak hrilna lei le chun.

INPÂKNA HLABU 120:3

Nang lei mi hlêm hmang, I kuomah ieng am pêng an ti che a, ieng am belsâng an ti che a?

INPÂKNA HLABU 28:3

Mi rilohai le thil suksuolhai laia chun, Mi hnûkhmang sa naw rawh. Chuonghai chun an vênghai kuomah inremnna thu an hril hlak a, Nisienlakhawm, an lungrilhaia chun thil suksuolna a um zing si a.

INPÂKNA HLABU 35:20

Inremna thu hrim an hril si naw a, Hi rama um ṭawk ṭawkin hlêmna thuhai an ngaituo lem a nih.

INPÂKNA HLABU 55:21

A bau chu nênetui kîng angin a tlawr a, A lungril ruok chu indona a ni si a; A thuhai chu hriek nêkin ân nâl a, Nisienlakhawm, kawlhnâm phawisahai a ni si a.

INPÂKNA HLABU 57:4

Ka hringna hi sakeibaknei laiah a um a, Mihriem nauhai fa zo hmangtuhai laia chun ka zâl a. Chuonghai hahai chu fei le thalhai an nih; An lei chu kâwlhnâm ngeitak a nih.

INPÂKNA HLABU 62:5

Ka hringna, Pathien chau nghâk rawh; Ka beiseina hi ama kuoma inthawka suok a ni si a.

INPÂKNA HLABU 64:8

Chuongchun, anni lei ngei chun anni a do leiin, sukkatin um an ta, Anni hmu taphawthai chun an lu thinkhum an tih.

THUVARHAI 25:18

Mi a tuolbâwm chunga hrietpuina indiklo phurtu chu, Hembâwk le kâwlhnâm le thal ngei a nih.

JEREMIA 5:26

Ka mihai laia chun mi rilohai hmu a na; anni chun vate mantuhaiin an inchân angin an inchân a; châng an kam a, mihai chu an man a.

JEREMIA 5:9

Hieng thilhai lei hin ka hung hrem naw ding am a nih? Lalpa chun a tih; ka thlarau chun hieng ang hnam chunga hin phuba a lâk naw ding am a nih?

JEREMIA 9:3

Thudik nawa dingin an thalngul ang elin an lei chu an kuoi a; chu rama chun thahrâttakin an hung inṭhang a, thudika ruok chun ni lovin; thil suola inthawkin thil suola vêk chun an pakai a, kei khawm an mi hriet hlawl nawh, Lalpa chun a tih.

JEREMIA 9:4

Mi tinin mâni tuolbâwmhai pawisa seng unla, unau ieng ang khawm chu ring naw ro; unau tinhai chu mâni hmasieltak el, tuolbâwm tinhai khawm chu thukhêl le invâk mi an ni âwm si a.

JEREMIA 9:5

Chuongchun, mi tin chun mâni tuolbâwm chu hlêm a ta, thu dik hril naw ni; an lei chu khêlthu hril dingin an inchûktir ta a; thil suol thaw dingin anni le anni chu an insuklungzîng a.

MIKA 6:12

Chutaka mi hausahai chu pâwngnêknain an sip si a, chutaka chênghai chun khêl an hril a, an bau sûnga an lei chu mi hlêm hmang a nih.