JEREMIA 9:3 - Pathien Lekhabu Inthieng (BSI)

³ Thudik nawa dingin an thalngul ang elin an lei chu an kuoi a; chu rama chun thahrâttakin an hung inṭhang a, thudika ruok chun ni lovin; thil suola inthawkin thil suola vêk chun an pakai a, kei khawm an mi hriet hlawl nawh, Lalpa chun a tih.

JEREMIA 9:3 ပူးပေါင်းရင်းမြစ်များ

INṬANNA 39:16

Chun, Josef pu a hung hmakhat chu a silfên chu a kâwlah a lo sie zing a.

THUVARHAI 12:5

Mi fel ngaituohai chu thil indik a na, Mi khawhlo thurâwn ruok chu inhlêmna a nih.

ISAI 1:3

Bâwngchal chun a pu a hriet a, sabengtung khawma a pu bupêkna a hriet bawk a, Israelhai ruok chun an hriet si naw a; ka mihai chun an ngaituo naw a nih,” tiin.

ISAI 3:5

Chun, mihai chu innêksâwrtuoin um an ta, mi tin an ruolhai leh, mi tin mâni tuolbâwmhai leh, naupang chu upa chungah chapotakin um an ta, mi setak khawm mi inzaumtak chungah chapotakin um bawk an tih.

ISAI 6:5

Chu phingleh kei chun, “Hmûr tirdakum put mi ka na, hmûr tirdakum put mihai laia um ka ni leiin ka chung a va rik de! Ka bohmang a ni hi, ka mitin, Lal, sipaihai Lalpa chu a hmu ta si a,” ka ti a.

ISAI 9:18

Rîtlona chu mei angin a chawk dur dur hlak si a, buor le hlohlingneihai chu a kâng hmang hlak; anih, ramhnuoi thing bitna hmunahai chun a kâng dur dur a, a khu ân tung ngut ngut hlak.

JEREMIA 12:6

I unauhai le i pa sûngkuo ngei chun, i chungah khawhlotakin an lo thaw ta a; i hnunga chun an hung khêk rak rak a; anni chu ring naw rawh, i kuoma chun thu ṭhatakhai hril hai sien khawm.

JEREMIA 22:16

Mi tlasamhai le mi rimsihai chungthu chu a rêl a, chuongchun, a ṭha a. Hi hi keima mi hre dingin a ni nâwm a nih? Lalpa chun a tih.

JEREMIA 31:34

chun, mi tinin mâni tuolbâwmhai chu inchûktir ta naw ni hai a, mâni unauhai seng leh; “Lalpa chu hre ro,” tiin inchûktir ta naw ni hai, anni a chîn taka inthawka a lien tak chenin kei an mi hriet vawng ta ding a nih, Lalpa chun a tih: an bawsietnahai chu ngaidam ka ta, an suolna khawm hre zing ta naw ning.

JEREMIA 4:22

“Ka mihai an invêt a, an mi hriet si naw a; naupang invêttak ang, hrietthiemna hrim khawm an nei naw, thil ṭha naw thaw dingin an var a, thil ṭha thaw ding ruok chun hrietna an nei nawh.”

JEREMIA 5:4

Chun, kei chun, “Matheilovin, hienghai hi mi rimsi an na; invêt an nih: an Pathien rorêl amani, Lalpa lampui amani khawm chu an hriet si naw a.

JEREMIA 5:5

Mi lienhai kuoma chun fêng ka ta, an kuoma chun thu hril ka tih; anni chun chu an Pathien rorêl le, Lalpa lampui chu an hriet si a,” ka ti a. Nisienlakhawm, hienghai hin lungril hmunkhatin rîngkawl chu an sukthliek a, khuopnahai chu an suktan ta a.

JEREMIA 6:28

An rêngin nuora helhai chu an na, hmurthiemhai le chun an invâk a, dârsen le thîrhai an na, an rêng el chun setak el chun an thaw a nih.

JEREMIA 7:26

nisienlakhawm, keia thu chu an ngai chuong naw a, an na khawm an sit bawk naw a, an rîng chu an suktlûn a, an thlatuhai nêkin an thaw ṭha naw lem ta a.

JEREMIA 9:5

Chuongchun, mi tin chun mâni tuolbâwm chu hlêm a ta, thu dik hril naw ni; an lei chu khêlthu hril dingin an inchûktir ta a; thil suol thaw dingin anni le anni chu an insuklungzîng a.

JEREMIA 9:8

An lei chu thi theina thal a na; thukhêl a hril a, mi pakhatin a tuolbâwm kuomah a bau chun thlamuongumtakin thu a hril a, nisienlakhawm, a lungril chun ama chu ân chân rûk zing a.

EZEKIEL 8:13

Chun, ka kuoma chun, “Tirdakumna an thaw nasatak dang khawm la hmûng i tih,” a ti bawk a.

DANIEL 11:27

Chun, hi lal hai ve ve hi chu; an lungrilhai chu thil suol thawna lungril nîng a ta; dawkân hmunkhata chun thukhêlhai hril an tih; nisienlakhawm, hlawtling naw ni a, a tâwpna chu hun ruota chun a la ni ding a ni si a.

LEVI DÂN 19:11

“Inru naw unla, mî hlêm naw unla, khêl hril bawk naw ro.

MARKA 8:38

Tukhawm tulai ruolthar uire le suksuol hmanghai laia kei le ka thu inzapuihai po chu, Mihriem Naupa hin vântirko inthienghai le a Pa ropuinaa inthuoma a hung pha chun, ama chu hung inzapui ve thung a tih,” a ta

JOHAN 17:3

Hi hi chatuona hringna a nih: nang Pathien tak chau le i tir Isu Krista hriet hi.

THILTHAWHAI 24:9

Judahai khawm chun, “Chuong thu chu chuong ang tak chu a nih,” tiin an lo ṭhangpui a.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 1:16

Chanchin Ṭha chu kân zâpui si naw a, tûkhawm a awihai po ta dinga sandamna dinga Pathien thilthawtheina a ni si a; a phutin Juda mi ta dingin, chun, Grik mihai ta ding khawmin a hung nih.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 1:28

Chun, Pathien hriet an nuom naw leiin, thil mawi naw tak tak thaw dinga a dit naw zâwng lungril nei phalin Pathienin a nghatsan ta a;

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 3:13

An hnuk chu thlân inhawng a na, An leiin inhlêmna thu a hril a, An bau sûngah rûl tûr a um a,

1 KORINTH 15:34

Feltakin har unla, suksuol naw ro; ṭhenkhat chun Pathien hrietna hrim in nei naw hi; hi hi in inzakna dinga ka hril a nih.

PHILIPPI 1:28

Ieng kawnga khawm dotuhai sukṭitin in um naw a, chu chu anni ta ding chun bohmang ding an nih ti inhriettirna fietak a nih, nangni ta ding ruok chun sandam ding in nih ti inhriettirna fietak a ni lem a; chu khawm chu Pathiena inthawk a nih.

2 TIMOTHE 3:13

Mi suol le hlêmtuhai ruok chu mihai hlêmin le hlêma umin suol zuol deu deu an tih.

JUDA 1:3

Dittakhai, ei ichang tlâng sandamna thu in kuoma ziek ka tum hrâm laiin, mi inthienghai kuoma ringna ṭum khata inkawltira um ta chu hum dinga ṭhahnemngai taka thaw dinga infui ding cheuin, in kuomah lekha ziek a ṭul ti ka lo hriet a.

THUPUONGSUO 12:11

Berâmte thisen lei le an inhriettirna thu leiin, ama chu an hne a nih; thi ngam khawpin an hringna an ngainêp bawk a.

RORELTUHAI 14:17

Chun, a ruoiṭhe, ni sari sûng po chu a hmaah a ṭap a ṭap el a, chun a ni sari ni chun a ngên tlut tlut el leiin a hril ta khawng khawng a; chun, ama chun thukhir chu a chihai chu a hril ve ta a.

RORELTUHAI 2:10

Chu ṭhanga mihai po po khawm chu an thlatuhai kuomah an fe zo tâwl ta a, chun chuong mihai hnunga chun Lalpa le Israelhai ta dinga a thilthawhai khawm hre lo suon dang an hung um ta a.

1 SAMUEL 2:12

Eli naupasalhai chu Belial nauhai an na, Lalpa chu an hriet naw a.