JEREMIA 9:22 - Pathien Lekhabu Inthieng (BSI)

²² Lalpa chun hieng hin a tih: Thu chu hril rawh, hmun âwlahai chun mihriem ruonghai chu êkdûr ang chun tlâng an ta, busîk hnunga hmu ṭhel ang chau chun, tukhawma la khâwm naw ni.

JEREMIA 9:22 ပူးပေါင်းရင်းမြစ်များ

2 LALHAI 20:13

Chuongchun, Hezekia chun anni chu a lo lâwm a, a thil hlu siena in po pohai, tangka dâm, rângkachak dâm, thil riminhnik dâm, hriek hlutak dâm, a râlthuom siena in sûng dâm, a ro umhai po po chu ân entir a; a ina mi le a ram sûnga mi Hezekia chun ân entir naw hrim hrim a um nawh.

2 LALHAI 20:15

Chuongchun, ama chun, “I ina hin ieng ieng am an hmu a?” a ta. Chun, Hezekia chun, “Ka in sûnga um po po chu an hmu vawng a, ka ro laia thil kân entir naw hrim hrim a um nawh,” tiin a dawn a.

2 LALHAI 9:37

Jezebel ruong chu Jezreel khaw kul bulah huona êk ang el la nîng a tih; chuongchun, hi hi Jezebel a ni hi aw, an ti nawna dingin,’ ti thu a hril kha a ni hi,” a ta.

JOB LEKHABU (THE BOOK OF JOB) 5:13

Mi varhai chu an var vervêknain a âwk a; Mi vervêkhai inrâwnna chu a letlingin a siem hlak.

INPÂKNA HLABU 49:7

Tukhawmin an unau khawm intlan thei tawp naw ni a, Pathien kuomah intlanna pe pêk thei bawk naw ni hai:

INPÂKNA HLABU 83:10

Chuong mihai chu Endor khuoah an bohmang a, Hnuoi dingin êkdûr ang el an lo ni ta kha.

THUVARHAI 18:11

Mi hausa hausakna chu a khawpui dettak a na, Ama ngairuotnahaia ngei chun bang insâng ang a nih.

THUVARHAI 23:4

Hung hausa dingin insuklungkham naw la, I varnaa inthawk ngei chun bân rawh.

ISAI 5:25

Chuleiin, Lalpa lung chu a mihai chungah ân thawk a, a kut chu an chungah ân let a, a vuok a, chuongchun, tlânghai chu an inthin dur dur a, an ruonghai chu khawlai dungah hmunhnawk ang elin ân hlum rem rum a. Chuong lâwma a thaw khawm chun a lunginsen chu a la bo chuong naw a; a kut chu a lân let ta rawp a.

JEREMIA 16:4

Thina lungngaiumtakin thîng an ta, ṭa khawm ṭa ni naw ni hai a, phûm khawm phûm ni naw ni hai; leihnuoi chunga êkdûr ang chau nîng an ta, ṭâmna le kâwlhnâm chun anni chu fâkzoin um an tih; chun, an ruonghai chu chunglêng vatehai le hnuoi chunga ramsahai ta dinga bu nîng a tih.

JEREMIA 25:33

Chun, chu nia chun Lalpa sukhlumna chu hnuoi tâwp khing khata inthawka a tâwp khingtieng chen nîng a ta; chuonghai chu sûn ni naw ni hai a, lâk khâwm khawm ni naw ni hai a, phûm khawm ni bawk naw ni hai; leihnuoi chunga êk el ni lem an tih.

JEREMIA 6:21

Chuleiin, Lalpa chun hieng hin a tih: Ngai ta, hi hnam hmaa hin tlûkna lunghai chu sieng ka ta, chuong chunga chun pahai le naupasalhai chu insuithlu hmunkhat an ta; tuolbâwm le a ruol khawm chu bohmang bawk an tih.

JEREMIA 7:33

Chuongchun, hieng mipui ruonghai hi, chunglêng vatehai ta dinga bu nîng a ta, ramsahai ta ding khawma; tukhawma an hnawt hmang âwm si naw a.

JEREMIA 8:2

nisa dâm, thla dâm, vâna umhai po po, an hmangaia a rawng an lo bâwlhai, an zawnga an biekhai hmaa chun keidar an tih; lâk khâwm ni naw ni haia, phûm khawm ni bawk naw ni hai, hnuoia êkdûra ṭhang ding ni lem an tih.

HABAKKUK 1:11

Thli angin an mût a, bâwthleng an ta, Thiemnaw changin um an tih, Anni thilthawtheina ngei pathiena neituhai chu.

ZEPHANIA 1:17

Chuongchun, mihriemhai chunga chun rinumna intlungtir ka ta, Lalpa chungah thil an lo suksuol ta leiin mitdelhai angin lâwn an ta, an thisen chu pilvut anga bunthlâk nîng a ta, an taksahai chu êk ang elin.

DÂN PAHNINA 8:17

Chun, ‘hieng ei sum le paihai hi eini hrâtna le ei kutsuok a nih,’ ti lungril rawi in tih, fîmkhur bawk ro.