JEREMIA 9:11 - Pathien Lekhabu Inthieng (BSI)

¹¹ Chun, Jerusalem chu hmun- hnawk intiengkhâwmna le, satenehai ta dinga chêngna hmunah siem ka tih; Juda khawpuihai khawm chu hluotu um lova râusanah siem bawk ka tih. Hi hi hrethiem thei dinga mi var tu am a um a?

JEREMIA 9:11 ပူးပေါင်းရင်းမြစ်များ

NEHEMIA 4:2

Chuongchun, a unauhai le Samari sipaihai hmaa chun thu a hril a, “Hieng Juda mi hrâtlohai hin ieng am a ni leh an thaw? An inkul puitling vei ding am a ni ie? An inthâwi vei ding am a nih? Ni khat thil thuin an puitlin ding maw? Hmunhnawk um khâwm mei meia inthawk le lung kâng se ta sa an inngîr thartir ding maw?” a ti a.

INPÂKNA HLABU 107:43

Tukhawm a var taphawt chun chuong chu vawng ṭhâng an ta, Lalpa ngilneina chu ngaituong an tih.

INPÂKNA HLABU 44:19

Nangin sihalhai umnaa mi sawisa hrepa, Thina deihlima an mi khumna dingin.

INPÂKNA HLABU 79:1

Aw Pathien, hnam tin i rochana hin an lût a, I biekin inthieng hi an sukpawrche a, Jerusalem hi an sukchim rem rum a.

ISAI 13:22

Satenehai chu an kulbîngahai chun inhrâm an ta, sihalhai khawm an lal in inhawitakahai chun inhrâm bawk an tih; chun, a hrem hun ding chu a tlung ding a ni ta a, a nihai khawm sukseiin um naw nih.

ISAI 25:2

Khawpui khawm hnuoi pâwngah în changtir a; khuo kulpui nei khawm khaw ṭawpah în changtir a; ram dang mihai lal in khawm bâwlin um nâwk ta naw nih.

ISAI 34:13

An lal inahai chun hlohlingneihai ṭo a ta, an kulpui sûngahai chun zakthlai le buorhai ṭo a ta, sihalhai umna ding le vate rîngseihai ta dingin in inhuon sûng tuollai nîng a tih.

ISAI 44:26

mâni siehlaw thu sukdet a, mâni palaihai remruot sukmuolsuotu, Jerusalem chungchâng thua, ‘Chutaka chun mi um nâwk an tih,’ titu le, Juda ram khawpuihai chungchâng thua, ‘Siemin um nâwk tâwl an ta, a sietna laihai chu siem ṭha nâwk ka tih,’ titu,

JEREMIA 1:15

Ngai ta, hmâr tienga lalram sûngkuohai po po chu ka ko ding a ni si a, Lalpa chun a tih; chun, hung an ta, mi tin chun Jerusalem dai kawtkhâr lûtnaa le a vêlsuokin kul banghai bula le, Juda khawpuihai po poa chun an lalṭhungpha chu hung innghat an tih.

JEREMIA 10:22

Thuthang râwl chu, ngai ta, a hung mêk a nih, Juda ram chu râusan le sihalhai chêngna hmuna siem dingin hmâr ram tienga inthawk buoina nasatak a hung mêk a nih.

JEREMIA 16:10

“Chun, hieng thuhai po po hi hieng mihai kuoma hin în entir pha chun i kuoma chun ‘Iengleiin am hieng thil ṭha naw nasatakhai hi kan chungah Lalpa chun a hung sâksuok am a na? Annawleh, ieng am a na kan khawhlona chu? Lalpa kan Pathien chunga kan lo thaw tah, kan suolna chu ieng am a na?’ tîng an ta;

JEREMIA 25:11

Chuongchun, hi ram pumpui hi rausan le maktiah um a ta; chun, hnamhai chun kum sâwmsari sûng Babulon lal rawng chu bâwl an tih.

JEREMIA 25:18

Chuong chu hieng Jerusalem le Juda khawpuihai le a sûnga lalhai le rorêltuhai chu, vawisûn ni anga hi, anni chu râusan le maktia le, incheknaa le, ṭawngsephura siem dingin;

JEREMIA 26:18

“Moras mi Mikaia khan Juda ram lal Hezekia inlal laiin thu a hril a; Juda rama mi po pohai kuoma chun ‘Sipaihai Lalpa chun hieng hin a tih: Zion chu lo anga inlet nîng a ta; Jerusalem chu hmunhnawk sienkhâwm nîng a ta, in hmun tlâng chu ramhnuoia bâwlhmun tlâng ang nîng a tih,’ tiin.

JEREMIA 26:9

Iengdinga Lalpa hminga thu hrila, ‘Hi in hi Silo ang nîng a ta, hi khawpui hi hluotu um lova rausan nîng a tih,’ i ti am a na?” an ti a. Chuongchun, Lalpa ina chun Jeremia chu mipui po po chun an bâwr ta hut hut a.

JEREMIA 34:22

Ngai ta u, thu pêng ka ta, hi khawpuia hin hung inkîrtir ka tih; Lalpa chun a tih: chun, do an ta, lâng an ta, meiin râwng an tih; chuongchun, Juda khawpuihai chu hluotu um lova râusanah siem ka tih,” tiin.

JEREMIA 4:27

Lalpa chun hieng hin a ti si a, “Ram pumpui chu râusan nîng a ta, a tâwp ruok chu intlungtir naw ning.

JEREMIA 44:2

“Sipaihai Lalpa, Israel Pathien chun hieng hin a tih: Juda ram khawpuihai le Jerusalem chunga thil ṭhanaw ka hung intlungtirhai po po kha in hmu a, en ta u, vawisûn ang dâm hin râusanin a um a,a sûnga chêng mi tukhawm an um nawh;

JEREMIA 49:33

Chun, Hazor chu sihalhai ta dinga chêngna hmuna le, kumkhaw râusan nîng a ta, chutaka chun tukhawm chêng naw ni hai a, mihriem nau tukhawm chutaka chun inzin khawm vân zin bawk naw ni” tiin.

JEREMIA 50:3

Hmârtienga inthawk chun hnam pakhat a ram chu râusana siema tukhawm chêng lo dinga siem dingin a hung mêk a; an tlânse a, mihriem le ramsahai khawm chu, an fe hmang zo ta a.

JEREMIA 51:37

Babulon chu hmun dêng pâwng el, sihalhai ta dinga chêngna hmun ding le, maktia um ding le, hluotu um lova inchek khum el ding nîng a tih.

JEREMIA 8:22

Gileada hin thinghnai damdawi a um naw maw? Chutaka chun damdawi thiem an um naw maw? Chuong a ni chun ieng dinga ka chipuihai naunu chu sukdam a ni nâwm a na?

ṬAP HLA 1:4

Inkhâwmpui hunbi neia chun tukhawm an hung naw leiin Zion lampui chun a sûn a, A dai kawtkhârhai po po chu râusanin a um a, a thiempuhai chu an inrûm a; A nunghâkhai chu sukrinumin an um a, ama khawm chu khâknaa chun a um a.

ṬAP HLA 2:2

Lalpa chun Jakob ram hluohai po po chu a lem zo vawng a, a lunginsiet nawh, Juda naunu kul dethai chu a lunginsen chun a keichim a; Hnuoiah a hung tethlûk a; Lalram le lalhai khawm chu a suktlâwm ta a.

ṬAP HLA 3:47

Vânsam le ṭitna chu kan chungah a hung tlung a, buoina le bohmangna le chun.

LEVI DÂN 26:32

In ram chu sukrêm ka ta; in hmêlma chutaka umhai chun mak tîng an tih.

MIKA 1:6

Chuleiin, Samaria chu phûla thil se um khâwm angin siem ka ta, grêp huon hmun ang elin; chun, chu hmuna lunghai chu vadung ruom tieng inhlum thlâng ka ta, a lungphûmhai chu suklang ka tih.

MIKA 3:12

Chuleiin, Zion chu, nangni lei chun lo anga inlet nîng a ta, Jerusalem chu thil se um khâwm nîng a ta, biekin umna tlâng chu ramhnuoi hmun insâng ang nîng a tih.

MIKA 6:16

Omri thuruothai chu vawng zing a ni si a, Ahab sûngkuo thilthaw po pohai leh; an remruothaia chun in fe a nih; chuleiin, hmun râusanah ka siem ta ding che a nih, a sûnga chênghai hi nuizatbûr dingin; chun, ka mihai hmingsietna chu phur in tih.”

DÂN PAHNINA 29:23

a ram pumpui chu kât le chia kângzêu, iengkhawm chîng nawna, iengkhawm inder nawna, hlobet takngiel khawm inder nawna ramah inchang a tih. Sodom le Gomorra, Adma le Zeboiim hai Lalpain a lunginsenna ṭiumtaka a suksiet ang hung nîng a tih.

THUPUONGSUO 18:2

Chun, ama chun rawl inringtakin, “Babulon khaw ropui chu a tlâwm tah, a tlâwm tah! khawhrihai umna le, thlarau inthiengnaw tinrêng kulbîng le, vate inthiengnaw le tirdakum tinrêng kulbîng a hung ni tah.