JEREMIA 8:6 - Pathien Lekhabu Inthieng (BSI)

⁶ Ka ngai a, ka lo hriet a, anachu, thudik an hril nâwk a, mi tukhawm, “Ieng am ka lo thaw ta leh,” tiin a khawhlonaa inthawk chun ân sîr naw a, mi tin chun mâni lampui seng an hraw a, indonaa sakawr tlân bingbilet ang chun.

JEREMIA 8:6 ပူးပေါင်းရင်းမြစ်များ

JOB LEKHABU (THE BOOK OF JOB) 10:2

Pathien kuoma chun hieng hin tîng ka ta, Thiemnaw mîn changtir naw la, Keimaa hin ieng ang am i lungawi zâwng a ni mîn entir lem rawh.

JOB LEKHABU (THE BOOK OF JOB) 34:31

Mi tukhawma Pathien kuomah an ti ta hlak am, ‘Thununna chu ka tuor ta a, suklungsen nâwk ta ngai dêr naw ning;

JOB LEKHABU (THE BOOK OF JOB) 34:32

Ka hmu nawhai chu nangin mîn chûktir la, Suolna lo thaw tah ka ni chun, thaw ta ngai naw ning,’ tiin.

INPÂKNA HLABU 14:2

“Hrethiema Pathien zawng hrim hrim an um am?” ti hre dingin, Lalpa chun vâna inthawkin mihriem nauhai hi a zuk en a.

ISAI 30:18

Chuleiin, Lalpa chun a lunginsiet theina ding cheuin, nghâk a ta, chuleiin, a lainat theina ding cheuin chawimawiin um a tih; Lalpa chu rorêl felna Pathien a ni si a; ama nghâktuhai po po chu an hamṭha ie.

ISAI 57:17

A duâm khawhlona leiin ka lunginsen a, ka vuok a, ka hmai ka hip a, ka lung a sen a nih; ama hlak chu a lungril um dân pângngaihaiah kâwmâwtakin a um pei a.

ISAI 59:16

Chun, mi hrim hrim an um nawh ti a hriet a, hnipêktu hrim hrim an um nawh ti a hriet a, hnipêktu hrim hrim an um naw chu mak a ti a; chuleiin, ama bân ngei chun sandamna ân siempêk a, ama felna ngei chun ama le ama ân chelngîr ta a.

JEREMIA 23:25

‘Mang ka nei, mang ka nei,’ tia ka hminga thukhêla thuhriltuhai, zâwlneihaiin an hril chu ka hriet a.

JEREMIA 3:5

A lunginsenna chu a kawl zing dîm a nih? A tâwp chenin a kawl dîm a nih? Ngai ta, thil ṭha naw chu i hrilin i thaw ta a, i suol thei dân tâwpin i lo suol ta,” tiin.

JEREMIA 5:1

Jerusalem kawtthlêrahai chun hmatieng hnungtieng tlân unla, tuhin va en ta u! chutaka hmun lienahai chun va zawng unla, va hre ta u, mi hrim in va hmuin, mi thil indiktaka thaw a, thudik zawng hrim an um am; chun, chuong a ni chun ngaidam ka tih.

EZEKIEL 18:28

Ama chun a ngaituo a, a lo thaw tah, a bawsietnahai po poa inthawk chun ân her hmang tâk leiin thi naw ni a, hring ngei ngei a tih.

EZEKIEL 22:30

Anni lai chun mi, ram chu ka suksiet nawna dinga dâi chu siem ṭha ding le, ram ta dinga, ân âwngnaa ka hmaa ngîr ding ka zawng a, nisienlakhawm, tukhawm ka hmu naw a,

DANIEL 9:11

Anih, Israel mihai po po chun i râwl chu awi lo dinga inherhmangin i Dân chu an lo bawsiet ta a; chuleiin, ṭawngsie chu kan chungah, Pathien siehlaw Mosie dâna inkhâmna zieka um le chun buokin a um ta a; chuonga chun thil kan lo suksuol ta si a.

MIKA 7:2

Pathien ngaisak mi chu hnuoia inthawk hin an bohmang a, mihriem lai hin mi indiktak hrim an um nawh; thisen insuo dingin an inchân vawng a, mi tinin mâni unau chu lênin an ve a nih.

ZEPHANIA 3:7

Ama chungthua ka lo ruot ta ang po poin, a chêngna chu sâtthlâk a ni nawna dingin. “Matheilovin kei mi ṭîng i ta, sukdikna chu hmu bawk i tih,” ka ta; nisienlakhawm, zîngkâr an tho a, an thilthawhai po poa chun an sukdik naw a.

HAGGAI 1:5

Chuleiin, tuhin sipaihai Lalpa chun hieng hin a tih, “In lampuihai chu ngaituo ro.

HAGGAI 1:7

Sipaihai Lalpa chun hieng hin a tih; “In lampuihai ngaituo ro.

MALAKI 3:16

Chun, Lalpa ṭi mihai chu an inbiek tâwl a; chun, Lalpa khawmin anni chu a ngai ngei a, a hriet a, ama hmaa chun hriet zingna lekhabu chu, Lalpa ṭituhai le, ama hming ngaituo hlaktuhai ta ding chun ziekin a um ta a.

2 PETER 3:9

Mi ṭhenkhatin muonga an ruot angin, Lalpa chu a thutiem kawnga chu a muong nawh; tukhawm bohmang lova mi po po sim ditpuiin, nangni tiengah a dâwthei a ni lem.

THUPUONGSUO 9:20

Mihriem, chuong hremnaa sukhlum mahlahai chu, an kut thilthawhaia inthawk chun an sim chuong naw a. Khawhrihai le rângkachak milim dâm, tangka milim dâm, dâr milim dâm, lung milim dâm, thing milim dâm, iengkhawm hmu theilo, hre theilo le lâwn theilo dâm biek chu an ma chuong nawh.