JEREMIA 8:5 - Pathien Lekhabu Inthieng (BSI)

⁵ Iengtiziea hieng Jerusalema mihai hi hnungtawl sawng zingnaa an hnungtawl am a na? Hlêmna chu an chel det tlat a, kîr nâwk an nuom naw a.

JEREMIA 8:5 ပူးပေါင်းရင်းမြစ်များ

THUVARHAI 4:13

Inchûktirna chu cheldet tlat la, infetir dêr naw rawh; Kawl tlat rawh, ama chu i hringna a ni si a.

ISAI 1:20

nisienlakhawm, in nuom naw a, in hel chun kâwlhnâmin fa zo a ti cheu; Lalpa bau chun chu chu a hril tah a nih,” a ta.

ISAI 30:10

hmutheituhai kuomah, “Hmu naw ro,” zâwlneihai kuomah, “Thil indikhai mi hrillâwk ro, thil inhawi tieng kan kuomah hril ro, hlêmna thu hrillâwk naw ro;

ISAI 44:20

Vut chau a fâk hlak a; a lungril hlêma um chun, a hringna ân sanhim thei nawna ding le, ‘Ka kut changtieng hin khêl a um naw am a nih?’ a ti thei nawna dingin ama chu ân pêttir tah.

JEREMIA 14:7

Kan suolnahai chun keini a mi hêk khawma, Aw Lalpa, i hming leiin nangin sin thaw la, kan hnungtawlnahai chu a tam hle ta si a; i chunga chun thil kan lo suksuol ta a nih.

JEREMIA 2:32

Nunghâk chun ân cheina thuomhnaw chu a theinghilin, mo chun a mo puon chu a theinghil thei am a nih? Ka mihai ruok chun nihai tiem sêng lova inthawk tah an mi theinghil a nih.

JEREMIA 3:5

A lunginsenna chu a kawl zing dîm a nih? A tâwp chenin a kawl dîm a nih? Ngai ta, thil ṭha naw chu i hrilin i thaw ta a, i suol thei dân tâwpin i lo suol ta,” tiin.

JEREMIA 5:27

Bâwm chu vatehaia a sip angin, an inhai chu inhlêmnain a sip a; chuleiin, an hung lienin an hung hausa a.

JEREMIA 5:3

Aw Lalpa, i mit chun thudik chu a hmu a ni naw am a nih? Anni chu i vuok a, amiruokchu, an lungngai naw a; anni chu i fâk zo a, anachu, sukdikna chu an dangkîr si a, an hmêlhai chu lungpui nêka ngarin an siem a, hungkîr chu an nuom naw a nih.

JEREMIA 5:6

Chuleiin, ramhnuoia sakeibaknei chun anni chu sukhlum a ta, zântieng huna satenehai chun anni chu suksieng an tih, chun, keitê chun an khawpuihai chu nghâk a ta, mi tukhawm chutaka inthawka suok taphawthai chu keinawiin um an ta, an bawsietnahai chu a tam êm leiin le, an hnungtawlnahai chu a hung pung ta pei leiin.

JEREMIA 6:17

nisienlakhawm, “Chu chu hraw naw ning ungah,” an ti a. Chun, in chunga chun vêngtu ka sie a, “Tawtawrâwt ri chu lo ngai ta u,” tiin, nisienlakhawm, anni chun, “Ngai naw ning ungah,” an ti a.

JEREMIA 6:19

Aw leihnuoi, lo hre ta, ngai ta, ka thuhai chu an ngai naw leiin hi hnam chunga hin thil ṭha naw, an ngaituonahai ra ngei chu kân tlungtir ding a nih; ka dân hlak chu an lo hnâwl a.

JEREMIA 9:6

I umna hmun chu nêksâwrna chunga nêksâwrna a na; inhlêmna chunga inhlêmna umkhâwmna a ni leiin an mi hriet nuom naw a nih, Lalpa chun a tih.

DANIEL 9:11

Anih, Israel mihai po po chun i râwl chu awi lo dinga inherhmangin i Dân chu an lo bawsiet ta a; chuleiin, ṭawngsie chu kan chungah, Pathien siehlaw Mosie dâna inkhâmna zieka um le chun buokin a um ta a; chuonga chun thil kan lo suksuol ta si a.

HOSEA 11:5

Aigupta rama chun kîr nâwk ta naw nih; Nisienlakhawm, hnungkîr an nuom naw leiin, Assuria chu a lal nîng a tih.

HOSEA 11:7

Ka mihai chun mi nghatsan an tum zing a, Chuongchun, an ta dingin rîngkawl ruotpêk an nih, Chu chu tukhawma hlîppêk naw nih.

HOSEA 13:2

Tu khawm hin an suol zuol ta deu deu a, An tangkaruoin milim a sunga sung an insiem fâwm a, Anni ngaidân ang peia milim chu: Chuonghai po po chu themthiemhai kutsuok a ni sa khawmin, Inthâwina inhlântu taphawthai chun Bâwngtê chu fâwp raw hai se, an ti hlak.

HOSEA 4:16

Bâwngla kâwmaw ang elin Israelhai chu an kâwmaw a, Tuhin Lalpain berâmte angin hmun lientakah châwm a tih.

ZEKARIA 7:11

Nisienlakhawm, an pawisa nuom naw a, an liengko an herhmang a, an hriet nawna dingin an nahai an suksêt a.

JOHAN 5:40

Nisienlakhawm, hringna nei dingin ka kuomah in hung nuom si nawh.

1 THESSALONIKA 5:21

iengkim infie lem unla, a ṭha ṭha chu pawm tlat ro.

HEBRAIHAI 12:25

Thu hriltu chu lo dit naw rawi in tih, fimkhur ro. Hnuoia anni kâwk hmasatu kha an dit naw hmana, hremna an pumpel si naw chun, eini vâna inthawka mi kâwktu nghatsantuhai hin pumpel naw nâwkzuol ei tih.

THUPUONGSUO 2:25

In nei sa ruok kha chu ka hung hmakhat chun kawl tlat ro.