JEREMIA 8:22 - Pathien Lekhabu Inthieng (BSI)

²² Gileada hin thinghnai damdawi a um naw maw? Chutaka chun damdawi thiem an um naw maw? Chuong a ni chun ieng dinga ka chipuihai naunu chu sukdam a ni nâwm a na?

JEREMIA 8:22 ပူးပေါင်းရင်းမြစ်များ

INṬANNA 37:25

Chun, bu fa dingin an hang ṭhung tâwl a; chun, an hang dâk a, Ismael inzinpâwl Gileada inthawk an sanghâwngseia riminhnik, thing hnai damdawi le murra phura Aiguptaa zu fe ding hunghai chu an hmu a.

INṬANNA 43:11

Chun, an pa Israel chun an kuomah, “Chuong ang a ni si chun hieng ang hin thaw ro, in bâwmhaia khan hi rama thil ṭha ṭhenkhat thinghnai damdawi, khuoizu, riminhnik, murra, theihâwngngar le almond thei dâm tlâwmte sengin ama ta ding chun lâwmman dingin chawi thla ro.

JEREMIA 14:19

Juda chu i hnâwl pumhlûm dêr am a nih? I thla chun Zion chu a tirdak am a nih? Iengdinga nangin i mi hrema, kan ta dinga sukdamna um lo am a na? Inremna kan enkai a, nisienlakhawm, thil ṭha hrim a hung tlung naw a; sukdamna ding huna khawm chun lunginzîngna hmu a nih!

JEREMIA 22:6

Juda lal in chungthua chun Lalpa chun hieng hin a ti si a: Ka ta ding chun Gilead i na, Lebanon lu leh; nisienlakhawm, matheilovin thlalêra le khawpui hluo lovah ka siem ding che a nih.

JEREMIA 46:11

Gileada chun hang fe la, thinghnai damdâwi hang la rawh, aw Aigupta naunu nunghâk inthieng, a thlâwn elin damdâwi tamtak i lo hmang ta a; i ta dingin damna hrim a um naw a.

JEREMIA 51:8

Babulon chu a tlu thut a, suksietin a um a; ama ta dingin ṭap inrûm unla; a natna ta dingin thinghnai damdawi la unla, chuongchun, a hung dam khiet rawi mawh.

JEREMIA 6:7

Tuisunsuo chun a tuihai a phusuok angin, a khawhlonahai chu a phusuok a; a sûnga chun inpâwngnêkna le suksietna hriet a na, ka hmaa chun natna le hliemnahai chu a um zing zing a nih.

JEREMIA 9:1

Aw ka chipuihai naunu sukhluma um chu a sûn a zâna ka ṭa theina dingin ka lu hi tuihai ni sienla, ka mithai hi mitthli tuikhurhai hung ni sien chu!

JEREMIA 9:11

Chun, Jerusalem chu hmun- hnawk intiengkhâwmna le, satenehai ta dinga chêngna hmunah siem ka tih; Juda khawpuihai khawm chu hluotu um lova râusanah siem bawk ka tih. Hi hi hrethiem thei dinga mi var tu am a um a?

ṬAP HLA 2:13

Ieng am inhriettir ka che a, ieng lêm hrilkhîng ka ti che a, Aw Jerusalem naunu? Nang chu ka thlamuon theina ding chein, ieng tluk chau am ka ni ding a na, Aw Zion naunu nunghâk? I sietna chu tuisuoriet angin a lien a, tuin am sukdam thei a ti che a?

EZEKIEL 27:17

Juda le Israel ram chu i sumdâwngtuhai an na, i thuomhnaw dingin, Minnith bu le, pannag leh, khuoizu le hriek le, thinghnai damdawiin an sumdâwng a.

NAMBAR 32:1

Reuben le Gad thlahai chun ram an hau hle a; chun, Jazer ram le Gilead ram an hmu chun, a hmun chu ran ta dinga hmun ṭhatak niin an hriet a;

LUKA 8:43

Chun, nuhmei pakhat kum sâwmpahni thipûtin a damnaw a, a sum nei po po dâktawrhai kuomah a sukthâm zo ta si a, tukhawmin an sukdam thei ta si naw a;