JEREMIA 8:16 - Pathien Lekhabu Inthieng (BSI)

¹⁶ Dana inthawk chun a sakawrhai hnâr hnâwt ri chu ân hriet a; a mi hrât hung inhrosatna ria chun ram pumpui chu ân hnîng a. Anni chu an hung a, ram po po le a sûnga umhai chu an fâk zo si a; khawpui le a sûnga chênghai le khawm chun.

JEREMIA 8:16 ပူးပေါင်းရင်းမြစ်များ

JOB LEKHABU (THE BOOK OF JOB) 39:20

Ama chu khâuṭhikṭhi anga inchâwm thei dingin i siem am a nih? A hnârkhâwng dut dut ṭiumzie dâm hi?

INPÂKNA HLABU 24:1

Leilung hi Lalpa ta a na, a sûnga um po pohai leh, Khawvêl le a sûnga chênghai le hin.

JEREMIA 10:25

Khawhri be mi, nang hre lohai chunga le, hnam nangma hming lam ngailohai chunga chun i ṭiumna chu bunthla la, Jakob chu an fâk zo si a; anih, ama chu an fâk zo a, an kânghmang dêr a, a umna khawm chu an suksiet a.

JEREMIA 3:24

Nisienlakhawm, ei naupang laia inthawkin, ei thlatuhai sin inrimna chu thil inzâpui umhai chun a lo fâk zo ta a, an bâwng ruolhai, an berâm ruolhai, an naupasalhai le an naunuhmeihai leh;

JEREMIA 30:16

Chuong lei chun nangma fazotu po pohai chu fâkzoin um an ta; i hmêlmahai po po chu, anni mi tin el chu salah intâng an tih; chun, nangma suksetu che chu suksietin um a ta; râllâka latu che po po chu râllâkah pe bawk ka tih.

JEREMIA 30:5

“Lalpa chun hieng hin a tih: Thlamuongna ni lovin, ṭitna le inthin râwl ka hriet a.

JEREMIA 4:24

Tlânghai chu ka en leh, ngai ta, an inthin a, muolhai po po khawm chu hnungtieng hmatieng an insâwi a.

JEREMIA 4:7

Sakeibaknei chu a chîmbuka inthawk chun a hung suok ta a, hnamhai sukbohmangtu ding chu; a lampuia chun a thang mêk a, a hmuna inthawk chun a suok ta a, i ram chu râusana siem ding le, i khawpuihai khawm hluotuhai um lova sukse dingin.

JEREMIA 47:3

A mi hrâthai ketin tet rîka le, a sakawr tawlailîrhai tlân rîka le, tawlailîr kehai innâwt rîka chun pahai chu an ṭi a, an nauhai enkai theilo lêkin an kuthai a zawi thla a;

JEREMIA 5:17

Anni chun i lohma suok le i bu fâng an ta, i naupasalhai le i naunuhmeihai fâk ding ngei chu; berâm ruolhai le i bâwng ruolhai chu fa zo vawng an tih; i theichang kûng hai le i grêphruihai chu fa zo an ta, i khawpui kulneihai kâwlhnâm le i în hnêmnahai chu sukchim an tih.

JEREMIA 50:42

Anni chun thalngul le fei an chawi a; an rilo hle a, lunginsietna an nei nawh; an râwlhai chu tuisuoriet angin ân rûm a, sakawr chungahai chun an chuong a; Aw Babulon naunu, nangma chunga chun, indonaa mi angin, mi tin chu an intlar a nih.

JEREMIA 51:29

Ram chu ân thin a, a na a; Babu- lon chunga Lalpa thiltum, Babulon ram chu hluotu um lova râusana um dinga a tum chu a la um zing si a.

JEREMIA 6:23

Thalngul le fei an chawi a; an râwng hle a, lunginsietna hrim an nei dêr nawh; an râwl chu tuipui angin ân hawk a, anni chu sakawr chunghaia chun an chuong a; mi tin el chu indonaa angin, i chunga chun, aw Zion naunu, an hung intlar a nih.

NAHUM 3:2

Vuokna vai rîk dâm, tawlailîr ke innghawr ri dâm, sakawr inchâwm dâm, tawlailîr tlân tlut tlut dâm leh;

HABAKKUK 3:10

Tlânghai chun an hmu che a,an ṭi a; Tui insawkhai khawm chu an fe hmang ta a; Li inthûk chun a râwl ânsuo a, A kuthai chu chungtieng a phar a.

1 KORINTH 10:26

hnuoi le a sûnga um po po hi Lalpa ta a ni si a.

1 KORINTH 10:28

Amiruokchu, tûin amanih, “Hi hi inthâwina a nih,” tiin a hril cheu chun, ân hriettirtu cheu lei le, a sie le ṭha hrietna leiin fa naw ro;

RORELTUHAI 18:29

A khaw hminga chun Israel nau an thlatu Dan hming inchawiin Dan an inbûk a, a phut chun chu khuo chu Lais an ti hlak a nih.

RORELTUHAI 20:1

Chuongchun, Israel thlahai po po chu an inthawk tâwl ta a, thukhat chelin, Dan khuoa inthawka Beer-seba chenin, Gilead rama mihai leh, Mizpaah Lalpa kuomah an inkhâwm ta a.

RORELTUHAI 5:22

Chun, sakawrhai chun an ke an tet tlut tlut a, An ke tinhaia hnuoia inchâwm inchâwmin.