JEREMIA 8:13 - Pathien Lekhabu Inthieng (BSI)

¹³ Anni chu kâng hmang letdêr ka tih, Lalpa chun a tih; grêphruiahai chun grêp um naw ni a, theichang kûngahai khawm chun theichang um naw ni a, a hna khawm chu vuoi a tih; chun, an kuoma thil ka pêkhai khawm chu annia inthawk chun fe hmang a tih.

JEREMIA 8:13 ပူးပေါင်းရင်းမြစ်များ

ISAI 5:10

Grêp huon ṭin sâwm hmunah bath khat chau la pieng a ta, bu chi homer khat tuin epha khat chau a la pieng ding a ni si a,” tiin.

JEREMIA 14:12

Bu an nghei pha khawm, an khêkri chu ngai naw ning a; inthâwina le pumrawhmang thilinhlân an inhlân pha khawm pawmpêk naw ningah; amiruokchu, anni chu kâwlhnâm le, ṭâm le hripuiin sukbohmang lem ka tih” a ta.

JEREMIA 14:15

Chuleiin, ka hminga zâwlnei thuhriltuhai chungthua chun, LALPA chun hieng hin a tih: anni chu ka tir naw a; amiruokchu, hi rama hin kâwlhnâm le ṭâm tla naw ni, tituhai, chuong zâwlneihai chu kâwlhnâm le ṭâmin sukbohmang nîng an tih.

JEREMIA 17:8

Tuihai sîra thing phun, a zunghai khawm vadunga kai ang, lumna a hung tlung pha khawma ṭi lo, a hnahai hring zing lem, khaw inṭhâl kuma hai khawm pawisa lo, ra insuo zing hlak ang a nih.

JEREMIA 5:17

Anni chun i lohma suok le i bu fâng an ta, i naupasalhai le i naunuhmeihai fâk ding ngei chu; berâm ruolhai le i bâwng ruolhai chu fa zo vawng an tih; i theichang kûng hai le i grêphruihai chu fa zo an ta, i khawpui kulneihai kâwlhnâm le i în hnêmnahai chu sukchim an tih.

JEREMIA 7:20

Chuleiin, Lalpa Pathien chun hieng hin a tih: Ngai ta, ka lunginsenna le ka ṭiumna chu hi hmuna hin bunthlâk nîng a ta, mihriem chunga le, ramsahai chunga le, rama thinghai chunga le, hnuoia rahai chunga chun; chun, kâng a ta, ṭhel ni ngai naw ni.

EZEKIEL 22:31

Chuleiin, ka lunginsenna chu an chunga chun ka bunthlâk a, ka lunginsenna mei chun anni chu ka kâng hmang ta a; an lampuihai chu anni lu chunga ngei chun ka hung intlungtir ta a, Lalpa Pathien chun a tih,” tiin.

HOSEA 2:12

A grêp hrui le a theichang kûng, Hieng hi ka dit zâwnghai mi pêk, ka hlaw chu a nih, A ti hlakhai chu sukrêm ka tih. Ramhnuoiah siem ka ta, ramsahaiin fâng an tih.

JOEL 1:7

Ka grêp hrui a suksiet a, ka theichang kûng hâwng a khek a, a khek fai vawng a, a peihâwn a; a kâuhai chu a fil vâr vawng a.

LEVI DÂN 26:20

chun, in tha chu sêng thlâwn mei mei nîng a tih, in ram chun ra insuo naw ni a, rama thinghai khawm chun ra an insuo naw ding a ni si a.

HABAKKUK 3:17

Theichang kûng chu pâr naw sien khawm, Grêphruia chun a ra um naw bawk sien khawm; Oliv leia sin inrimna chu hung thlâwnin, Lohai chun bu insuo naw bawk hai sien; Berâm ruol chu a ina inthawka sât thlâka umin, Bâwng ina chun bâwng ruol khawm um naw bawk hai sien khawm,

HAGGAI 1:11

Hnuoi chunga dâm, tlânghai chunga dâm, buvui chunga dâm, uoin chunga dâm, hriek chunga dâm, leihnuoiin a hung insuotir taphawt le, mihriemhai chunga le, bâwng ruol chunga le, kut sininrim ra suok po po chunga chun khuo ka sukṭhâl a nih”, tiin.

HAGGAI 2:17

In kut sinthawnahai po poa chun riel le kumthu le ṭêk tlain ka hrem cheu a, anachu ka kuom tieng in la hung ngha naw rawp el hi,” Lalpa chun a tih.

MALAKI 3:11

Chun, nangni lei chun a fa zotuhai chu hal ka ta, in leilunga rahai hrim hrim chu sukse dêr naw ni; chun, in loa in grêphrui khawm chun a hun hmain a ra chu sukṭil dêr naw ni, sipaihai Lalpa chun a tih.

MATTHAI 21:19

Chun, lam sîra chun theichang kûng a hmu a, a va pan a, a hna chau naw chu iengkhawm a hmu naw a.

JAKOB 1:11

Nisa a hung suok a, thli lumtak a hung hrângin, hlo chu a sukvuoi a; chun a pâr chu a rêm a, a um dân mawizie chu a bohmang hlak; chuong ang bawkin mi hausa chu a fenaa chun a la vuoi ding a ni si a.