JEREMIA 7:29 - Pathien Lekhabu Inthieng (BSI)

²⁹ Aw Jerusalem, i sam chu tan rawh, peihâwn la, bâwlhmun tlângahai chun sûnna siem rawh; Lalpa chun a lunginsenna thlahai chu a nghatsanin a hnâwl ta si a.

JEREMIA 7:29 ပူးပေါင်းရင်းမြစ်များ

2 LALHAI 17:20

Chun, Lalpain Israel thlahai hrim hrim chu a dit ta naw a, anni chu a sukrimsi a, a mit hmu phâk nawa a sawn hmang hma po chun rawktuhai kuta chun a pêk ta a.

JOB LEKHABU (THE BOOK OF JOB) 1:20

Chun, Job chu a tho a, a puon a keithlêr a, a lu a vâwkawl a, hnuoi chunga bawkkhupin Pathien chibai a bûk ta a.

ISAI 22:12

Chu nia chun Lalpa, sipaihai Lalpa chun, ṭap ding le, âwm inchum ding le, lu sukkawl ding le, saiip puon dierkei dingin a ko a;

JEREMIA 12:7

Ka in chu ka mâksan ta a, ka rohluona khawm chu ka pei thlâk a, ka thlain a hmangai dittak chu a hmêlmahai kuomah ka pêk ta a.

JEREMIA 14:19

Juda chu i hnâwl pumhlûm dêr am a nih? I thla chun Zion chu a tirdak am a nih? Iengdinga nangin i mi hrema, kan ta dinga sukdamna um lo am a na? Inremna kan enkai a, nisienlakhawm, thil ṭha hrim a hung tlung naw a; sukdamna ding huna khawm chun lunginzîngna hmu a nih!

JEREMIA 16:6

Hi rama hin a lien le a chîn khawm thîng an ta; phûmin um naw ni hai a, mihai khawma anni chu ṭa naw ni hai, anni le anni khawm in ât naw ni hai, an ta dingin an lu sukkâwk bawk naw ni hai;

JEREMIA 3:2

Bâwlhmun tienghai khi i mithai khan hang thlîr la, en ta; an zâlpui nawna che khaw lai am a um a? Thlalêra Arabia mi ang elin, lampui sîra chun an ta dingin i ṭhung a; i rîtlona le i hurna chun ram chu i sukpawrche ta a nih.

JEREMIA 3:21

Bâwlhmun tlângahai chun râwl hriet a na; Israel nauhai ṭapna le hnina chu; chu chu lei chun an lampui chu an lo sukhran ta a, Lalpa an Pathien chu an theinghil tah a nih.

JEREMIA 47:5

Gazaa chun châtvaina a hung tlung a, an phairuom la um sun, Askelon hlak chu iengkhawm lova siem a ni ta a; chun, nang le nang ieng chen am în ât ding a na?

JEREMIA 48:37

“Lu tin chu a kâwk a, khâkhmul tin kildein a um a; kut po pohai chun thil chepnawi an chawi a; kâwnghai chunga chun saiip puonhai a um bawk a.

JEREMIA 6:30

Mihai chun anni chu tangkaruo hnâwla umhai tîng an ta, Lalpa chun anni chu a lo hnâwl tâk lei khan.

JEREMIA 9:10

Ṭap ka ta, tlânghai ta dinga sûnin ṭapinrûm ka tih, ramrenaa ran tlatna hmunhai ta ding chun sûn ka ta; Chuong hmunhai chu inramin an um ta leiin, tukhawmin an hraw thleng ta ngai naw a, ran ruol inbu ri khawm chu hriet a ni ta naw a, chunglêng vatehai le ramsahai khawm chu an tlânsein, an tlânhmang tah.

JEREMIA 9:16

An thlatuhai le anni khawma an hriet ngailo hnamhai laia chun sukdar ka ta; anni chu ka sukbohmang vawng hmakhat chun an hnungah kâwlhnâm tir ka tih.

ṬAP HLA 5:22

Annawleh, nangin i mi hnâwl let dêr el am a nih? Kan chungah i lung a sen êm êm el am a nih?

EZEKIEL 19:1

Chu nawa chun Israel lalhai ta ding chun sûnna hla phuok la,

EZEKIEL 28:12

“Mihriem naupa, Tura lal ta dingin sûnna hla siem la, a kuoma chun, Lalpa Pathien chun hieng hin a ti a nih: Ṭha famkim, varnaa sip le mawinaa famkim i na,

AMOS 5:1

Aw, Israel chihai, hi thu nangni sûnna dinga ka hril hi hre ro:

MIKA 1:16

Invâw kawl la, i nau dittakhai lei chun invâw kawl rawh; mulukawl ang elin insukkawl nasa rawh, i kuoma inthawka sala ṭhuoiin an um ta si a.

MATTHAI 12:39

Ama ruok chun an kuomah, “Ruolthar suoltak le uire hmang takhai chun inchikna an zawng a; nisienlakhawm, zâwlnei Jona inchikna chau naw chu an kuomah inchikna hrim hrim pêk ni naw ni;

MATTHAI 16:4

Ruolthar suol tak le uire hmanghai chun inchikna an zawng a; nisienlakhawm, Jona inchikna chau naw chu an kuomah inchikna hrim pêk ni naw ni,” a ta, a dawn a. Chun, anni a fesan a, a fe ta dai a.

MATTHAI 23:36

Titakzetin ka hril cheu hi, chuong po po chu tulai ruoltharhai chunga hin la tlung a tih.

MATTHAI 3:7

Nisienlakhawm, Pharisaihai le Saddukaihai tamtak a baptisma chang dinga hung a hmu phingleh, an kuomah, “Rûl thlahai, lungsenna hung tlung ding hi tlânsan dingin tuin am a kâwk cheu a?

THILTHAWHAI 2:40

Chun, thu dang tamtakin a hrilfie a, “Tulai ruolthar rilohaia inthawk hin insukhim ro,” tiin ân fui a.

DÂN PAHNINA 32:5

Ṭha nawtakin a chungah an thaw a, a nauhai an ni ta naw an demkaina leiin, Suon bengtlanaw le kâwmaw an nih.