JEREMIA 7:19 - Pathien Lekhabu Inthieng (BSI)

¹⁹ Kei chu an mi suklungsen am a nih? Lalpa chun a tih; an inzakna dingin, anni le anni chu an insuklungsen a ni nâwm a nih?

JEREMIA 7:19 ပူးပေါင်းရင်းမြစ်များ

EZRA 9:7

Kan thlatuhai hun laia inthawk tah vawisûn ni chen hin suol namên lovin kan suol ta a; kan khawhlonahai lei hin kan lalhai le kan thiempuhai chu hieng ram lalhai kuthaia hin pêk suokin an um ta a; vawisûn ni ang chen khawm hin hmêla hamhaina le, suksietnaa le sal intângnaa le kâwlhnâm kuoma pêkin an um hi.

JOB LEKHABU (THE BOOK OF JOB) 35:6

Thil suol i lo thaw ta chun, ama chungah ieng am i thaw a? I bawsietnahai chu a hung pung chun, ieng am i thawpêk a?

ISAI 1:20

nisienlakhawm, in nuom naw a, in hel chun kâwlhnâmin fa zo a ti cheu; Lalpa bau chun chu chu a hril tah a nih,” a ta.

ISAI 1:24

Chuleiin, Lalpa, Sipaihai Lalpa, Israelhai Mi Hrât chun, hieng ang hin a hril a nih: “A! A mi dotuhai hi sukfithla el ka ta, ka hmêlmahai chungah phuba lâng ka tih:

ISAI 45:16

Muolphotakin um an tih, anih, an rêngin inzaktakin um an tih; milim siemtuhai chu inzaknaa chun lût tâwl an tih.

JEREMIA 15:9

Nau pasari neitunu chu a chau ta a, a chau let dêr a; sûn a ni lai chun a nisa chu a tla ta a; ama chu ân zakin a hamhai a; chun, anni a la mahlahai chu an hmêlmahai kuomah kâwlhnâmah pêng ka tih,” Lalpa chun a tih.

JEREMIA 2:17

Lampuia chun a ṭhuoi lai chea, Lalpa i Pathien i nghatsan khan, hi hi nang chun i nei tlat ni lo am a nih?

JEREMIA 2:19

Nangma rîtlona ngei chun sukdik a ti che a, i hnungtawlnahai chun nang chu kâwk a ti che; chuleiin, Lalpa i Pathien chu i nghatsan a, keima ṭina chu nangmaa hrim a um naw hi, thil rilotak le, thil kha a nih ti hi hmu la, hre rawh, Lalpa, sipaihai Lalpa chun a tih.

JEREMIA 20:11

Nisienlakhawm, Lalpa chu mi huoisen, ṭium tak angin ka kuomah a um a; chuleiin, a mi sukrinumtuhai chu insui thlûng an ta, mi hne naw ni hai; muolphotakin um an ta, hlawtling naw ni haia, an kumkhuo hmingsietna chu theinghilin um naw nih.

JEREMIA 22:22

I berâmpuhai po po chu thliin châwm a ta, i hmangaihai chu salah intâng an tih: chu pha chun matheilovin, i khawhlonahai po po lei chun inzak i ta, buoi ngei ngei i tih.

JEREMIA 25:7

Ana chu, ka thu chu in ngai naw a, Lalpa chun a tih; in insuknatna dinga in kut sinthawhai chun in mi suklungsen a.

JEREMIA 3:25

inzakin zâl ei tiu khai, ei muolphona chun mîn khum raw se; Lalpa ei Pathien chunga chun thil ei lo suksuol ta si a; ei tleirâwl laia inthawk tah vawisûn chen hin eini ni leh, ei thlatuhai ni leh; chuongchun, Lalpa ei Pathien râwl chu ei lo awi ta naw a nih.

JEREMIA 44:3

lunginsennaa mi chawktho dingin an thlatuhaiin amanih, anni ngei khawma an hriet lohai pathien danghai chu an rawng bâwl ding le, an kuoma riminhnik raw dinga an fe a, chuong khawhlonahai an thawna lei chun,

JEREMIA 8:19

Ka chipuihai naunu ram hlataka inthawka a khêkri chu lo ngai ta u, “Lalpa chu Zionah a um a ni naw am a nih? a Laltak chu a sûnga chun a um nâwm a nih? An milim ker fâwmhai le teplo thil maktakhai chun iengdinga lunginsen dinga an mi chawktho am a na?” tiin.

JEREMIA 9:19

Ziona inthawk chun ṭapinrûm ri chu hriet a ni si a; Ei siet nasat tâkzie chu! ram chu ei nghatsan a, ei chêngnahai chu an sukchim tâk leiin nasataka sukbuoiin ei um a.

EZEKIEL 16:26

I tuolbâwm, tisa ropuina, Aigupta mi le khawm chun i lo uire ta a; lunginsennaa mi chophâwk dingin i hurna chu i sukpung ta a.

1 KORINTH 10:22

Annawleh, Lalpa chu thîk dingin chawk tho ei tum a ni maw? Ama nêkin ei hrât lem am a nih?

DÂN PAHNINA 32:16

Ram dang pathienhai bein a thîkthu an chawktho a, Thil tirdakumin a lungsenna an chawktho a.