JEREMIA 7:18 - Pathien Lekhabu Inthieng (BSI)

¹⁸ Naupanghai chun thing an inkhâwm a, pahai chun mei an sêm a, nuhmeihai chun bei an hmet a; vân lalnu ta dinga beithlum siem dingin le, lunginsennaa an mi chawktho theina dinga pathien danghai kuoma dâwnmi thilinhlânhai dâm chu bur dingin.

JEREMIA 7:18 ပူးပေါင်းရင်းမြစ်များ

1 LALHAI 14:9

nang ruok chun chu i hmaa mihai po po nêkin thil i suksuol nasa bîk a, mi suklunginsenna dingin pathien danghai le milim sunghai i siem a, hnung i mîn nghatsan ta a,

1 LALHAI 16:2

“Pilvuta inthawkin ka dawm sâng che a, ka mi Israelhai chunga hin hotuah ka siem che a, chun, nangin Jeroboam lampui hraw chu i hraw a, an suolnahaia an mi suklungsenna dingin ka mi Israelhai chu thil în suksuoltir a;

INPÂKNA HLABU 16:4

Pathien dang thlangtuhai chu an lungngaina sukpungin la um a ta, An dâwn chi thisen inhlânhai chu inhlân ve nâwng ka ta, Ka hmûr khawma an hminghai lam bawk naw ning.

ISAI 3:8

A ropuina mit chu suknuor dinga an ṭawng le an thilthawhai chu Lalpa do tieng a ni leiin Jerusalem chu a se zo a, Judahai chu an tlu zo tah a nih.

ISAI 57:6

Vadung ruom lung innâm lai chun i chanvo a um a; chuong, chuonghai ngei chu; i chanpuol chu a nih, chuonghai ta ding ngei chun thil inhlân dâwn mi i buok a, thilpêk khawm în hlân kha. Chuong thila chun suklungawiin ka um ding am a nih?

ISAI 65:11

Nisienlakhawm, nangni Lalpa mâksana, ka tlâng inthieng theinghila, Vângneina Siemtu ta dinga dawkân buotsaia, Chantâwka Khawrêltunu dinga uoin chawkpawl sa suksip hlaktuhai;

ISAI 65:3

huonahai inthâwia, ṭêklei chungahai thil rim inhnik rawa, ka hmaisan ngeia mi suklungsen hlaktuhai,

JEREMIA 1:16

Chun, an khawhlonahai thuah anni kalin ka rorêlnahai chu hrilsuok ka tih, kei mi mâksana, pathien danghai kuoma riminhnik raw a, an kut sinthawhai ngei chu chibai an lo bûk ta leiin.

JEREMIA 11:17

Sipaihai Lalpa, nangni phuntu cheu chun Israel sûngkuo le Juda sûngkuoin Baal hmaa riminhnikhai inhlân a, mi suklungsen dinga anni ta dinga thilsuol an lo thaw ta leiin i chungah thil ṭha naw chu a hril lang tah a nih.

JEREMIA 17:2

an thlahai chun muol insânghai chunga thing hringhai kâwla an Asera le an maichâmhai chu an hriet zing sûng phawt chun.

JEREMIA 19:13

Jerusalem inhai le Juda lalhai inhai sukpawrchea lo um tahai chu Topheth hmun ang lo ni tâng a ta, in a chunga vâna umhai po po kuoma riminhnik an lo râwna, pathienhai kuoma dâwnmi thilinhlânhai an lo bunthlâkna po pohai chu,” tiin.

JEREMIA 25:7

Ana chu, ka thu chu in ngai naw a, Lalpa chun a tih; in insuknatna dinga in kut sinthawhai chun in mi suklungsen a.

JEREMIA 32:29

chun, hi khaw hung dotu Kaldaihai chu hung an ta, hi khuo hi meiin hung râwng an ta, a inhai a chunga Baal kuoma riminhnik an râwna le, kei mi suklungsenna dinga pathien danghai kuoma dâwn mi thilinhlânhai an lo bunthlâkna inhai le chun kâng a tih.

JEREMIA 44:25

sipaihai Lalpa, Israel Pathien chun hieng hin a tih: Nangni ni leh, in nuhmeihai ni leh in bauin thu in hril a, in kuthaiin in sukpuitling pei a, ‘Vân lalnu kuoma riminhnik raw ding le, a kuoma dâwnmi thilinhlânhai chu buok dingin, thutiem ei tiem tahai ei thaw ngei ding a nih,’ tiin; chuong a ni chun, in thutiem chu sukpuitling unla, in thutiemhai chu thaw ro chu!

JEREMIA 44:4

Zingkâra tho a, anni hung tirin, ka siehlaw zâwlneihai po po, ‘Aw hi thil tirdakum ka theida hi chu thaw naw ro,’ tiin in kuomah ka hung tir a.

JEREMIA 7:17

Jerusalem kawtthlêrahai le Juda khawpuihaia an thawhai chu i hmu nâwm a nih?

ṬAP HLA 5:13

Tlangvâlhai chu bu râwt dingin an lâk a, Naupanghai chu thing puta pêm ṭâng ṭângin an tlu a.

EZEKIEL 16:26

I tuolbâwm, tisa ropuina, Aigupta mi le khawm chun i lo uire ta a; lunginsennaa mi chophâwk dingin i hurna chu i sukpung ta a.

EZEKIEL 20:28

Ka bân phara anni pe dinga ka ti, chu rama anni ka hung ṭhuoi lai chun tlâng insângtak le rampui inthim mup an hmu a, chutaka chun an inthâwina chu an inhlân ta a, chutaka chun an thilinhlân chimum chu an pêk a, chutaka chun an riminhnik khawm chu an bun bawk a.

EZEKIEL 8:16

Chun, Lalpa in tuollai sûngril lema chun a mi ṭhuoi ta a, chun, ngai ta, Lalpa biekin kawtkhâr, maichâm le a tuolpûk inkâra chun mi sâwmhni panga, Lalpa biekin chu an hnungtieng innghata, an hmaihai chu khawsak tieng nghain an um a; saktienga nisa chu chibai an bûk a.

EZEKIEL 8:17

Chun, ama chun ka kuomah, “Aw mihriem naupa, hi hi i hmu am? Tirdakumna hitaka an lo thaw ta hi, Juda sûngkaw ta ding chun thil chîn tham am a nih? Ram chu inpâwngnêknain an suksip a, lunginsen dingin an mi chawktho nâwk a, en ta, an hnârah sâwlhna an sie a.

1 KORINTH 10:22

Annawleh, Lalpa chu thîk dingin chawk tho ei tum a ni maw? Ama nêkin ei hrât lem am a nih?

DÂN PAHNINA 32:16

Ram dang pathienhai bein a thîkthu an chawktho a, Thil tirdakumin a lungsenna an chawktho a.

DÂN PAHNINA 32:21

Pathien ni lo thilin ka thîkthu an chawktho a, An milimhaiin an mi suklungsen a; Chia hril khawp lohai leh inthîktir ka ta, Hnam invêthai hmangin suklungsen ka tih.

DÂN PAHNINA 4:19

Annawleh, vân tieng in hang ngha a, nisa dâm, thla dâm, arasi dâm, vân mi hai po po dâm in hang hmu a, Lalpa in Pathienin vânkhuphnuoia mi po po ta dinga a siempêkhai chun hîp a ti cheu a, bieng in ta, an rawng dâm bâwl khat rawi in tih.