JEREMIA 6:26 - Pathien Lekhabu Inthieng (BSI)

²⁶ Aw ka chipui naunu, saiip puonin inbel la, pilvuta chun inbuol rawh; naupasal khât sûn angin sûn la, sûnna natak el chun, ei chunga chun suksetu chu a hung vak ding a ni si a.

JEREMIA 6:26 ပူးပေါင်းရင်းမြစ်များ

INṬANNA 21:16

Chun, “Naupang thi ding chu ka en ngam nawh,” a ti leiin a fe a, hla fe thal kâp phâk ding chena hin, a hma zâwna chun a va ṭhung ta chawt a. Chuonga a hma zâwna a ṭhung lai chun inringtakin a ṭap ta a.

JOB LEKHABU (THE BOOK OF JOB) 15:21

Inlâuna rihai chu a naa chun a châm a; A tluongtlung laiin suksetu chu a chungah hung tlung a tih.

JOB LEKHABU (THE BOOK OF JOB) 2:8

Ama chun ama le ama ân huotna dingin bekawihâr a lâk a; vut lai chun a ṭhung ta a.

ISAI 22:12

Chu nia chun Lalpa, sipaihai Lalpa chun, ṭap ding le, âwm inchum ding le, lu sukkawl ding le, saiip puon dierkei dingin a ko a;

ISAI 22:4

Chuleiin, kei chun, “Mi en lovin, khingtieng en ro, ka ṭap rak rak ding a nih; ka mihai naunuhai râllâka an lâk thua chun mi thlêm inkhaw nuom naw ro,” ka ti a.

ISAI 3:24

Chun, mawsawla rim inhniktak aiah thil hmawn um a tih; kâwnghrên aia chun hruihruol um bawk a tih; sam inkir bap aiah lukawlna um a ta; puon mawitak aiah saiip puon dierkei um a tih; hmêl ṭhat aiah thîr linga depsietna um a tih.

ISAI 30:13

hi khawhlona hi nangni ta ding chun lung bang insângtak a se lai, chim vâng vâng, pâwng pûr, kârlova, mitkhapkârlova se rup ding ang hi a ni ding a nih.

ISAI 32:11

Nuhmei um mei meihai, inthin ro; mi ngaisamhai, lunginzîngtakin um ro, inhlîp unla, saruokin insiem unla, in kâwngahai chun saiip puon bi ro.

JEREMIA 12:12

Thlalêra bâwlhmun tlângahai po po chun suksetuhai chu an hung a, ram pakhat tâwpa inthawka ram dang tâwp chen chun Lalpa kâwlhnâm chun a fâk zo a, tisa hrimin muongna an nei nawh.

JEREMIA 13:17

Nisienlakhawm, in ngai naw chun, in chapona lei chun ka thla chu inrûkin ṭap a tih; Lalpa berâm ruol chu sala man an ni tâk leiin ka mit chu rinum titakin ṭap a ta, mitthliin luong thlâng a tih.

JEREMIA 14:17

Chun, an kuoma chun hieng thu hi hril rawh: Sûn le zâna khawm ka mithai chu mitthliin luong thla raw se; ma lo tawpin; ka chipui naunu inthieng chu hliemna nasatakin, pawpna nasataka suknawiin a um a.

JEREMIA 15:8

Tuisuorieta phaiphin nêk hmanin an hmeithaihai chu ka sukpung lem a, sûn changlai chun nuhai le tlangvâlhai chunga chun suksetu ka hung intlungtir a, amânu chunga chun ṭitnahai le lunginzîngnahai kân tlâktir thut a.

JEREMIA 18:22

An chunga sipai ruol i hung ṭhuoi thut pha chun, an inhaia inthawk chun ṭap hriet ni raw se, kei mi manna dingin khur an cho a, ka kehai ta ding chun châng an kam si a.

JEREMIA 30:5

“Lalpa chun hieng hin a tih: Thlamuongna ni lovin, ṭitna le inthin râwl ka hriet a.

JEREMIA 4:11

Chu huna chun chu hnam le Jerusalem kuoma chun, “Thlalêra bâwlhmunhaia inthawkin ka mihai naunuhai tienga chun thli lum tak, mûtdeina ding ni si lo, sukfai ding khawm ni lo;

JEREMIA 4:20

Bohmangna chungah bohmangna a tlung a; ram pumpui chu suksiet a ni ta si a, chawmkhat kârin ka puon inhai chu suksiet an na, mitkhap kâr lovin ka puonzârhai khawm chu.

JEREMIA 4:8

Hi hi lei hin saiip puon dierkei unla, sûn unla, ṭap inrûm ro; Lalpa lunginsenna ṭium chu einia inthawkin a hnungkîr si naw a.

JEREMIA 6:14

Thlamuongna chu a um naw sa khawma, “Thlamuongna, thlamuongna,” tiin, ka mihai insuknatnahai khawm chu an sukdam met chau a.

JEREMIA 8:19

Ka chipuihai naunu ram hlataka inthawka a khêkri chu lo ngai ta u, “Lalpa chu Zionah a um a ni naw am a nih? a Laltak chu a sûnga chun a um nâwm a nih? An milim ker fâwmhai le teplo thil maktakhai chun iengdinga lunginsen dinga an mi chawktho am a na?” tiin.

JEREMIA 8:21

Ka chipuihai naunu suknatnaa chun suknat vein ka um a, ka thla ân vai a, beidawngnain a mi chel tlat a.

JEREMIA 9:1

Aw ka chipuihai naunu sukhluma um chu a sûn a zâna ka ṭa theina dingin ka lu hi tuihai ni sienla, ka mithai hi mitthli tuikhurhai hung ni sien chu!

JEREMIA 9:10

Ṭap ka ta, tlânghai ta dinga sûnin ṭapinrûm ka tih, ramrenaa ran tlatna hmunhai ta ding chun sûn ka ta; Chuong hmunhai chu inramin an um ta leiin, tukhawmin an hraw thleng ta ngai naw a, ran ruol inbu ri khawm chu hriet a ni ta naw a, chunglêng vatehai le ramsahai khawm chu an tlânsein, an tlânhmang tah.

ṬAP HLA 1:16

Hieng thilhai lei hin ka ṭap a; ka mit chu tuiin a luongthla a, Thlamuongtu ka lungril sukhartu ding kha keimaa inthawka a hlat êm leiin. Hmêlmahai chun an hne ta leiin, ka nauhai chu râusanin an um ta a.

ṬAP HLA 1:2

Zâna chun a ṭap ngâwi ngâwi a, a mitthli chu a bienga chun a luong a, A hmangaituhai po po lai tukhawm ama thlamuongtu ding a nei nawh; A ruolhai po po chun khawhlotakin ama an sawisak a; A hmêlmahai an hung ni vawng el ta ie.

ṬAP HLA 2:11

Ka mithai chun mitthli a tlasam hiel a, ka sûng tieng a buoi zo a, Ka mîtkhâ chu hnuoi chungah bunthlâkin a um a, ka mihai naunuhai suksietna lei chun; Naupang dâwnghai le nêne ne laihai chu kawtthlêrhaia chun an inkawn el a.

ṬAP HLA 3:16

Ka hahai chu lungtâthaiin a suknâwi a, pilvutin a mîn khum bawk a.

ṬAP HLA 3:48

Ka mihai naunu suksieta a umna lei chun, ka mit chu vadungpui tui angin a luong a.

ṬAP HLA 4:10

Lunginsietna hau nuhmeihai kut chun an nauhai ngei chu an suong a; Ka mihai naunu suksieta a umnaa chun an buhai an nih.

ṬAP HLA 4:3

Sihalhai hmana an nêne an keisuok a, an têhai an innêktir a; Ka mihai naunu ruok chu, thlalêra varîngseihai angin a khawhlo a ni ta hi.

ṬAP HLA 4:6

Ka mihai naunu rîtlona chu Sodom suolna nêkin a nasa lem si a; Chu chu mitkhapkâr loa peihâwnin a um a, a chunga chun kut hrim innghat a ni nawh.

AMOS 8:10

In ruoiṭhehai chu lungngainaa le in hlahai po po chu ṭapnaah inchangtir ka tih; kâwng po po chu saiip puon indierkeitir ka ta, lu tin sîpa chun kâwkna hung intlungtir ka tih; chun, naupa khât nei sun ta dinga lungngaina ang le, a tâwpna chu khâkna ni angin siem ka tih.

JONA 3:6

Chuong thu chu Ninevi khaw laltak nahrietah a hung tlung ta a, a lalṭhungphaa inthawk chun a tho a, a lal puon chu a hlîp thlâk a, saiip puon a sil a, vut lai a ṭhung ta a.

ZEKARIA 12:10

Chun, David sûngkaw chunga le, Jerusalem hluotuhai chunga chun zângaina le hni châkna thlarau buok ka ta, kei an mi sun tahnung chu mi en an tih; miin a nau khât ta dinga an sûn hlak angin ama chu sûn an ta, miin a nau lutîr chu nasataka a tuorpui hlak angin nasatakin tuorpui an tih.

LUKA 7:12

Chun, kul kawtkhâr kâwl a tlungin, ngai ta, mithi an hung zâwn dawk a, a nu naupa nei sun a na, ama hlak hmeithai a ni si a; an khuohai tamtak chu a kuomah an um a.

JAKOB 4:9

Rimsi unla, lungngai unla, ṭap ro; in innui chu lungngaiah inchang sienla, in hlim nguiah inchang raw se.

JAKOB 5:1

Mi hausahai, ngai ta u khai! In chunga rinum hung tlung ding zing lei chun ṭap unla, khêk rak rak ro.