JEREMIA 6:21 - Pathien Lekhabu Inthieng (BSI)

²¹ Chuleiin, Lalpa chun hieng hin a tih: Ngai ta, hi hnam hmaa hin tlûkna lunghai chu sieng ka ta, chuong chunga chun pahai le naupasalhai chu insuithlu hmunkhat an ta; tuolbâwm le a ruol khawm chu bohmang bawk an tih.

JEREMIA 6:21 ပူးပေါင်းရင်းမြစ်များ

2 CHANCHIN SUINA 36:17

Chuleichun, an chunga chun Kaldai lal a hung tir a, anni chun hmun inthienghaia chun an tlangvâlhai dâm kâwlhnâmin an that a, tlangvâl amanih, nunghâkhai amanih, upa amanih, tar amani chunga khawm lunginsietna an nei naw a, chuongchun, an rêng chun a kutah a pêk a.

ISAI 8:14

Chun, ama chu hmun inthieng nîng a ta. Israel sûng hnihai ta ding ruok chun tlûkna lung le dangna lungpui ni lem a tih. Jerusalema umhai ta ding chun châng le bil ni bawk a tih.

ISAI 8:15

Chuongchun, mi tamtakin chu chu insuiin tlûng an ta, suknâwiin um an ta, âwk an ta, manin um an tih,” tiin.

JEREMIA 13:14

Anni chu inbawtuotir ka ta, pahai le an naupasalhai ngei chu inbawtuong an tih, Lalpa chun a tih; lunginsiet naw ning a, hla naw ning a, hmangaina khawm nei naw ning a, anni chu ka sukbohmang nawna dingin, iengkhawmin mi dâl naw ni.

JEREMIA 13:16

Tlâng inthimhai chunga in kehai chu ân sui hmain le, inthim ân umtir hma hin Lalpa in Pathien chu chawimawina pe ro; chun, a var in zawng lai chun, ama chun thina hlimah ân changtir a, inthim nasatak el chu a siem ta a.

JEREMIA 18:21

Chuleiin, an thlahai chu ṭâm kuoma chun pe la, anni chu kâwlhnâm thilthawtheina kuoma chun pe rawh; chuongchun, an nuhmeihai chu nau bo le, hmeithaihai innitir la, an pasalhai chu thinaa sukhlum ni hai sienla, chun, an tlangvâlhai chu indonaa kâwlhnâma that ni raw hai se.

JEREMIA 18:23

Amiruokchu, Lalpa, mi thatna dinga ka chunga an thu inrâwnna po po kha i hriet a, an suolna chu ngaidam naw la, i mithmua inthawk chun an suol chu sukhmangpêk bawk naw rawh, amiruokchu, nangma hmaa chun pei thlûkin um hai sienla, anni chu i lunginsen lai chun sawisa rawh.

JEREMIA 21:7

Chu hnunga chun, Lalpa chun a tih: Juda lal Zedekia le, a siehlawhai le, mipuihai, hi khawpuia hripuia inthawka hlaa la umhai, kâwlhnâm le ṭâma inthawka la hlaa umhai chu Babulon lal Nebukadnezzar kuta dâm, an hmêlmahai kuta dâm, an hringna lâk tumtuhai kuta dâm chun pêng ka tih; chun, ama chun kâwlhnâm ngeiin that a ta; anni chu hla naw ni a, lunginsiet bawk naw ni a, zângaina nei bawk naw ni.

JEREMIA 8:12

Thil tirdakum an thaw lai chun inzapui an ti? An inzapui hlawl nawh; an hmai khawm a mâwk naw a, chuleiin, a tluhai laia chun tlu vêng an ta, anni chu hrem an ni huna chun, Lalpa chun a tih.

EZEKIEL 3:20

Chu bâkah mi fel chu a felnaa inthawka ân herhmang a, suol a thaw pha chun, ama hmaa chun tlûkna lung ka sie a, ama chu thi ngei a tih; ama chu vaulâwkna chu i lo pêk naw leiin, a suolnaa chun thîng a ta; chun, a thil fel thawhai chu hriet zing ni ta naw ni; amiruokchu, a thisen maw chu nangma kutah hung phût ka tih.

EZEKIEL 5:10

Chuongchun, i sûnga chun pahai chun naupahai chu fâng an ta, naupahai chun an pahai chu fa bawk an tih; chun, nangmaa chun rorêl chu hung sukthlûng ka ta, nangmaa la mahlahai po po khawm chu thedar vawng ka tih.

LEVI DÂN 26:37

Tu ihnawt lovin kâwlhnâma hnawt ang elin inpalthlu rem rum an ta; in hmêlmahai lo dang dingin hrâtna hrim hrim nei naw ti niu.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 11:9

Chun, David chun, “An dâwkân chu an ta dingin châng le bil le, Tlûkna le, thungna lo ni raw se;

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 9:33

“Ngai ta, Ziona chun Tlûkna lung le, Dangna lungpui ka sie a; Tûkhawm ama ring taphawt chu Muolpho naw ni,” tia ziek ang khan.

1 PETER 2:8

“Tlûkna lung le dangna lungpui leh,” Thu chu an awi naw leiin an tlu si a, chuong anga um dinga ruot an ni hrim bawk a.