JEREMIA 6:19 - Pathien Lekhabu Inthieng (BSI)

¹⁹ Aw leihnuoi, lo hre ta, ngai ta, ka thuhai chu an ngai naw leiin hi hnam chunga hin thil ṭha naw, an ngaituonahai ra ngei chu kân tlungtir ding a nih; ka dân hlak chu an lo hnâwl a.

JEREMIA 6:19 ပူးပေါင်းရင်းမြစ်များ

THUVARHAI 15:26

Remruotna rilohai hi Lalpa ta dingin tirdakum a na, Thu lâwmumhai ruok chu ân thieng.

THUVARHAI 28:9

Dân chu ngai dinga a na sit nawtu chu, A ṭawngṭâina khawm chu tirdakum a nih.

ISAI 1:2

Aw vânhai, ngai unla, aw leihnuoi, na sit rawh, Lalpa chun thu a hril ie: “Nauhai chu ka châwm puitling a, ka chungah an hel ta si a.

ISAI 5:24

Chuleiin, meichawkin bupâwl a liek hmang duok duok hlak ang le, hlohna ṭâwl chu meichawka a tlu zawt zawt angin an zung chu hmawnna angin um a ta, an pâr chu pilvut angin intung lui lui a tih; sipaihai Lalpa dân chu an dit naw a, Israelhai Mi Inthieng thu chu an ngainêp leiin.

ISAI 59:7

An kehai chu thil ṭha naw tieng a tlân hlak a, pawitâwklo thisen insuo dingin an inhmaw hlak; an ngaituohai chu khawhlona ngaituonahai a ni hlak a; râusanna le sietna chu an lampuia chun a um hlak.

ISAI 66:18

An thilthawhai le an ngaituohai chu ka hriet si a; hnam tinrêng le ṭawng tinrêng ka ṭhuoi khâwm hun a la hung tlung ding a nih; chuongchun, hung an ta, ka ropuina hmûng an tih.

JEREMIA 11:11

Chuleiin, Lalpa chun hieng hin a tih: Ngai ta, an chungah thil ṭha naw, an pumpel thei dêr lo ding chu ka hung intlungtir ding a nih; ka kuomah hung khêk an ta, nisienlakhawm, anni chu lo ngai naw ning ah.

JEREMIA 15:6

Nang chun i mi lo hnâwl ta a, Lalpa chun a tih: hnungtieng i lo fe ta a; chuleiin, i chungah ka kut kân let a, ka suksiet che a nih; lunginsietna inlangtir hi ka nghawk ta a nih.

JEREMIA 17:10

Kei Lalpa hin lungril chu ka zawng suok hlak a, mi tin chu a thilthawhai ra ang pei le, a lampuihai ang peia pêk dingin an inthununna chu ka fie bawk a.

JEREMIA 19:15

“Sipaihai Lalpa Israel Pathien chun hieng hin a tih. Ngai ta u, a chunga tlung dinga ka lo hril ta po po, thil ṭha naw po po chu hi khawpui le a khawperhai po po chunga chun ka hung intlungtir ding a nih, anni chun an lungril an sukngar a; ka thuhai chu an ngai nawna dingin,” a ta.

JEREMIA 19:3

Hieng hin ti la. Nangni Juda ram lalhai le, Jerusalem hluotuhai, Lalpa thu chu lo ngai ta u; sipaihai Lalpa Israel Pathien chun hieng hin a tih: Ngai ta u, hi hmuna hin thil ṭha naw kân tlungtir ding a nih; a hre taphawt chu an nahai chu khel a tih.

JEREMIA 21:14

in thilthaw ra ang peiin ka hrem ding cheu a nih, Lalpa chun a tih; a rampui hnuoia chun mei sêm ka ta, a sîra um po pohai chu kâng hmang vawng a tih.

JEREMIA 22:29

Aw leihnuoi, leihnuoi, leihnuoi, Lalpa thu chu ngai ta.

JEREMIA 29:19

anni chun ka thu an ngai naw leiin, Lalpa chun a tih; inhmataka thoa anni tirin, ka siehlaw zâwlneihai chu an kuomah ka tir a; nisienlakhawm, anni chu in lo ngai si nawh, Lalpa chun a tih.

JEREMIA 4:14

Aw Jerusalem, sandama i um theina dingin i khawhlonaa inthawk chun i lungril chu sâwpfai rawh. I ngaituona rilohai hi ieng chen am i lungrila chun a châm ding a na?

JEREMIA 4:16

hnamhai kuoma chun hrilna nei rawh; ngai ta, Jerusalem chunga chun phuong la, vêngtuhai chu ram hlataka inthawkin an hung a, Juda khawpuihai chu demin an râwlhai an insuo a nih.

JEREMIA 4:4

Lalpa kuoma chun ser intan unla, in lungril ser chu tan ro, nangni Jerusalema mihai le, Juda rama mihai; chuong naw chun ka lunginsenna chu mei angin fe suok a ta, i thilthawhai rîtlona lei chun; tukhawm iṭhel ruol lovin kâng a tih.

JEREMIA 49:37

Chuongchun, Elam chu an hmêlmahai hmaa beidawng dingin siem ka ta, an hringna zawngtuhai hmaa le chun. Chun, an chunga chun thil ṭha naw, ka lunginsenna ṭiumtak chu hung intlungtir ka tih, Lalpa chun a tih; chun, an hnunga chun kâwlhnâm inhnawttir ka ta, anni chu ka sukbohmang vawng hmakhat chun;

JEREMIA 6:10

An hriet theina dingin tu kuom am thuhrilin hrilfieng ka ta? Ngai ta, an nahai chu verlo an na, an hriet thei hrim hrim nawh! ngai ta, Lalpa thu chu an kuoma chun inhalna ang chau a na, amaa chun lâwmna hrim an nei nawh.

JEREMIA 6:18

Chuleiin, hnamhai, lo ngai unla, lo hre ta u, aw inkhâwmhai, anni laia thil um chu.

JEREMIA 8:5

Iengtiziea hieng Jerusalema mihai hi hnungtawl sawng zingnaa an hnungtawl am a na? Hlêmna chu an chel det tlat a, kîr nâwk an nuom naw a.

JEREMIA 8:9

Mi varhai chu an inzak a, sukbeidawngin an um a, ṭhuoi hmangin an um a; en ta u, Lalpa thu chu an dit naw chu: annia chun ieng ang varna hrim am a um a na ?

DANIEL 9:11

Anih, Israel mihai po po chun i râwl chu awi lo dinga inherhmangin i Dân chu an lo bawsiet ta a; chuleiin, ṭawngsie chu kan chungah, Pathien siehlaw Mosie dâna inkhâmna zieka um le chun buokin a um ta a; chuonga chun thil kan lo suksuol ta si a.

HOSEA 10:13

Rîtlona hnuoi in inlet a, khawhlona in sîk a, Khêlhlip ra in fâk a nih. I tawlailîrhai le i mi hrâthai tam hi i ring vei a.

HOSEA 4:6

Ka mihai chu hrietna tlâksam leiin sukbohmang an na, Hrietna chu i dit naw leiin kei khawma ka thiempu i ninaa inthawk chun dit naw ve tâng ka ti che. I Pathien dân chu i theinghil vei a, Kei khawmin i nauhai theinghil vêng ka tih.

AMOS 2:4

Lalpain hieng ang hin a tih, “Juda bawsietna pathum leiin, anih, pali leiin, a hremna sukbo naw ning; Lalpa dân chu an pawm naw a, a thupêkhai chu an vawng naw a;

MIKA 1:2

Nangni mipuihai, in rêngin hre unla, aw leihnuoi le a sûnga um po pohai; ngai ro, Lalpa PATHIEN, Lalpa chu a biekin inthienga inthawkin nangni kala in chungthu hretu ni raw se.

MIKA 6:2

Aw tlâng lienhai, Lalpa khingna chu ngai unla, nangni leihnuoi innghatna hlunhai, lo ngai ro; Lalpa chu a mihai leh an inkhing a, Israelhai chu khing a tih.

JOHAN 12:48

Tûkhawm mi dit lova, ka thu hrilhai vawn lo chun, thiemnaw inchangtirtu pakhat a nei a nih; ka thu hril kha, kha thu ngei khan ni kin nia chun ama thiemnaw inchangtir a tih.

THILTHAWHAI 8:22

Chuleiin, i suol hi sim la, Lalpa kuomah ṭawngṭai rawh, chuongchun, i lungrila i ngaituo hi a ngaidam thei khiet che rawi mawh.

DÂN PAHNINA 30:19

In hmaah hringna le thina, malsâwmna le ṭawngsie ka sie ti tuhin in chungchâng thua hretu dingin hnuoi le vân ka sâl a nih; chuongchun, hringna chu thlang ro, in hring theina dingin, nangni le in thlahai leh;

DÂN PAHNINA 32:1

“Na lo sit ro, vânhai ka hril ding a nih; Ka ṭawngbau suok leihnuoi hin lo ngai raw se,

DÂN PAHNINA 4:26

Jordan kâna in va hluo ding rama inthawk chun bohmang vak el in tih, ti in chungchâng thua a mi hrietpuitu dingin tuhin hnuoi le vân ka fiel a nih, chêng sâwt naw ti niu a, bohmang vawng el in tih.

1 SAMUEL 15:23

Helna hi aisan thiemna suolhai leh ân ang a, kawmâwna hi milim biek le rîtlona suol tluk a nih. Lalpa thu i dit naw leiin ama khawma lal dingin a dit bîk ta naw che a nih,” a ta.

1 SAMUEL 15:26

Chun, Samuel chun Saula kuomah, “Fepui naw tawp ka ti che, Lalpa thu chu i dit si naw a; chun, Lalpa khawmin Israelhai lal dingin a dit bîk ta naw che a nih,” a ta.