JEREMIA 6:16 - Pathien Lekhabu Inthieng (BSI)

¹⁶ Lalpa chun hieng hin a tih: Lampuiahai chun ngîr unla, en ta u, lampui ṭha hluihai chu indawn unla, “lampui ṭha chu khâw lai am a na; chu chu hraw unla, in thlarau ta dingin châwlna hmûng in tih,” tiin;

JEREMIA 6:16 ပူးပေါင်းရင်းမြစ်များ

1 LALHAI 8:36

nangin vâna inthawkin lo ngai la, i siehlawhai le i mi Israelhai suolna hi ngaidam la, an fena ding lampui ṭha khîkhmu pei la, chun, i mihai an rochan dinga i pêk rama hin ruo hung insûrtir bawk la.

2 CHANCHIN SUINA 19:11

Chun, ngai ta u, thiempu lal tak Amaria chu Lalpa thu chungchâng po poa chun nangni hotu a na; Juda sûngkaw chunga rorêltu Ismael naupa Zebadia chu lal thu chungchânga po po chun a ni bawk a; Levi mihai khawm chu in hmaa chun hotuhai ni bawk an tih. Huoitakin thaw unla, mi ṭha kuoma chun Lalpa chu um ngei a tih,” tiin.

INPÂKNA HLABU 116:7

Aw ka hringna, i châwlnaa chun kîr nâwk rawh, Lalpa chun i chungah ṭhatakin a thaw ta si a.

ISAI 2:5

Aw Jakob sûnghai, hung unla, Lalpa vara hin lêng ei tiu khai.

ISAI 28:12

“Hi hi a nih châwlna chu, sâwlhai chu inchâwltir ro; hi hi a nih insukharna chu,” a tihai chu: nisienlakhawm, an ngai nuom si nawh.

ISAI 30:21

chun, changtienga kal in chawiin amanih, vawitienga kal in chawiin amanih, hnungtienga thu, in nain, “Hi hi lampui a nih, hitaka hin fe ro,” ti hre pei a tih.

ISAI 46:9

Kha hmaa tienlai thilhai kha hre zing ro; kei hi Pathien ka na, a dang hrim an um si nawh, kei hi Pathien ka nih; keima ang hrim hrim an um nawh:

ISAI 57:2

Lungmuongnaa chun an lût hlak a; an khumahai chun an zâl sâwldam hlak, indiktaka fe taphawthai chu.

ISAI 8:20

Dân thu le Inhriettirna Thu chu râwn lem ding a nih,” tiin. Chuong ang thu ang peia an hril naw chun an ta dingin khuo hrim hrim var dêr naw nih.

JEREMIA 12:16

Chun, Baal kuoma ṭawng inkhâm dinga ka mihai an inchûktir anga, “Lalpa chu a hring zing angin,” tia, ka hminga ṭawng inkhâm dinga, ka mihai lampuihai chu taimataka an inchûk chun, ka mihai laia chun anni khawm chu siempuitling nîng an tih.

JEREMIA 18:12

“Nisienlakhawm, ‘Beiseina hrim a um nawh, mi tin mâni ngairuotna ang seng ei hraw ding a na, eini mi tin chun mâni lungril rilo ngarzie ang peiin ei thaw el ding a nih,’ an ta.

JEREMIA 18:15

Ka mihai chun an mi theinghil a, teplo kuoma chun riminhnik chu an lo raw ta si a; chun, anni chun an lampuihaia chun an insui thlûktir a, tienlaia lampuihai, lampui rûka fe dingin, lam tluongpui nilovah chun;

JEREMIA 2:25

I keah kekawk bun lovin um naw la, i hnuk khawm dangchârin sie naw rawh; nang ruok chun, ‘Beiseina a um ta nawh, mi hmêlmakhai chu ka hmangai a, anni hnung chu zui el ka tih’ i ti a.

JEREMIA 22:21

I vângneinaa chun i kuomah thu ka hril a; amiruokchu, nang chun, “Ngai naw ning,” i ti a. I naupang laia inthawk tah hi hi i khawsak dân a ni hrim a; ka râwl hi i ngai ngai nawh.

JEREMIA 31:21

Lampui inchiknahai siem la, zui ding hmawlphunhai siem rawh, tlânglam tiengah, i fena lampui chu ngaituo la, kîr nâwk rawh. Aw nunghâk inthieng Israel, hieng i khawpuihai tienga hin kîr nâwk rawh.

JEREMIA 42:3

Lalpa i Pathien chun thil kan thaw ding le, lampui kan hraw ding chu a mîn hriettir theina dingin,” tiin.

JEREMIA 44:16

“Lalpa hminga kan kuoma i thuhril chungthua chun, i thu chu ngai naw ning ungah.

JEREMIA 50:5

Hma sawngin Zion chu râwn an ta, ‘Hung ve ro, theinghila um ta ngai lo ding chatuon thuthlung chun Lalpa chu hung zawm ve ro khai,’ tîng an tih.

JEREMIA 7:23

nisienlakhawm, hi thua hin thu ka pêk a, “Ka râwl hi ngai unla, in Pathien nîng ka ta, nangni khawm ka mihai nîng in tih; chun, thu ka pêk cheu po po kha hraw unla, in ta dingin ṭhâng a tih,” tiin.

JEREMIA 7:24

Nisienlakhawm, an ngai naw a, an na khawm an sit bawk naw a, amiruokchu, anni remruotnaa le, an lungril rilo kâwmâwna chu hrawin, hmatiengah ni lovin an kîr nâwk ta lem a.

JEREMIA 7:3

Israel Pathien, sipaihai Lalpa chun hieng hin a tih: In lampuihai le in thilthawhai chu sukṭha unla, hi hmuna hin inchêngtir ka ti cheu,

MALAKI 4:4

“Israelhai po po ta dinga Horeba ka ipêk, rorêlna le thuruothai, ka siehlaw Mosie dân chu hre zing ro.

LUKA 16:29

Abraham ruok chun, ‘Mosie le zâwlneihai an nei annâwm; chuhai thu chu ngai raw hai se,’ a ta.

JOHAN 12:35

Chun, Isûn an kuomah, “Var hi nangni lai sâwt nawte a la um hri hi, var in nei sûng hin lêng ro, inthimin a nang nawna ding cheuin; tûkhawm inthima lêng chun a fena chin a hriet ngai nawh.

JOHAN 13:17

Chuong thil chu in hriet chun, thaw unla, hamṭhâng in tih.

JOHAN 5:39

Pathien Lekha in tiem ngun hlak a, a sûnga chatuona hringna um dinga in ring leiin; chuong Lekha chu ka chanchin inhriettirna chu a ni si a.

THILTHAWHAI 17:11

Chutaka mihai chu Thessalonika mihai nêk chun an lo ṭha lem a, chuongchun, lungril lâwmtakin thu chu an pawm a, an thu hril chu ân dik le ân dik naw hrietna dingin ni tin Pathien Lekhaah an zawng hlak a.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 4:12

sertanhai pa khawm a ni thei bawkna dingin sertanhai pa chau a ni naw a, ama, ei pa Abraham sertan lova a um laia, ringna a nei anga nei fâwmhai pa a ni lem a nih.

DÂN PAHNINA 32:7

Kha hma nihai kha hre zing la, Suon tamtak kumhai chu ngaituo ro: I pa indawn la, khîkhmûng a che; I upahai khawm, hril an ti che.

KOLOSSA 2:6

Chuleiin, Krista Isu, Lalpa chu in pawm ang khan amaa chun um ro.

HEBRAIHAI 11:2

Chutaka chun upahai khan inpâk an hlaw si a.

HEBRAIHAI 6:12

Chuongchun, inthlada naw ti niu a, ringna le nghâk peina leia thutiemhai ro hluotahai inchûk tuhai ni lem in tih.

RORELTUHAI 2:17

Chuong sa khawm chun an rorêltuhai râwl chu an ngai naw a, pathien danghai kuomah an uire a, chibai an bûk ta lem a; an thlatuhaiin Lalpa thupek chu awia an hraw hlak lampui chu an lo pêtsan ta a.