JEREMIA 6:11 - Pathien Lekhabu Inthieng (BSI)

¹¹ Chuleiin, Lalpa lunginsenna chun ka sip a; insûm zing chu ka nghawk a nih; kawtthlêra chun naupanghai laia chun bunthla la, tlangvâl inkhâwmhai laia le chun; pasal chu a nuhmei le chun lâk nîng an ta, mi upatak le tartak khawm.

JEREMIA 6:11 ပူးပေါင်းရင်းမြစ်များ

ISAI 40:30

Tleirâwlhai meu khawm sâwlin châu an ta, tlangvâlhai khawm chu tlu dêr an tih;

JEREMIA 15:17

Hlimna siema inkhâwmhai laia chun ka ṭhung naw a, ka hlim bawk naw a; i kut lei chun makhât chauin ka ṭhung a; lunginzîngna nasatak chun i mi suksip ta si a.

JEREMIA 15:6

Nang chun i mi lo hnâwl ta a, Lalpa chun a tih: hnungtieng i lo fe ta a; chuleiin, i chungah ka kut kân let a, ka suksiet che a nih; lunginsietna inlangtir hi ka nghawk ta a nih.

JEREMIA 18:21

Chuleiin, an thlahai chu ṭâm kuoma chun pe la, anni chu kâwlhnâm thilthawtheina kuoma chun pe rawh; chuongchun, an nuhmeihai chu nau bo le, hmeithaihai innitir la, an pasalhai chu thinaa sukhlum ni hai sienla, chun, an tlangvâlhai chu indonaa kâwlhnâma that ni raw hai se.

JEREMIA 20:9

Chun, ama chanchin hi hril nâwng ka ta, a hmingin thu hril naw ningah, ti ding ni lang, ka ruhai sûnga mei khâr nela chawk ang elin ka lungrila hin a um a, ka topui ṭawk ṭawk thei naw a, ka umpui thei naw a.

JEREMIA 5:9

Hieng thilhai lei hin ka hung hrem naw ding am a nih? Lalpa chun a tih; ka thlarau chun hieng ang hnam chunga hin phuba a lâk naw ding am a nih?

JEREMIA 7:20

Chuleiin, Lalpa Pathien chun hieng hin a tih: Ngai ta, ka lunginsenna le ka ṭiumna chu hi hmuna hin bunthlâk nîng a ta, mihriem chunga le, ramsahai chunga le, rama thinghai chunga le, hnuoia rahai chunga chun; chun, kâng a ta, ṭhel ni ngai naw ni.

JEREMIA 9:20

Aw nangni nuhmeihai, Lalpa thu chu la lo ngai unla, in nahai chun a baua thusuok chu hre sienla, mi tinin mâni naunuhmeihai seng chu ṭapinrûm inchûktir sienla, mi tinin a tuolbâwm chu sûn dân inchûktir raw se.

JEREMIA 9:21

Thina chu ei tukverhaia chun a hung a, ei in ropuihaia chun a hung lût si a,kawtthlêra inthawla tlangvâlhai le, puotienga inthawka naupanghai chu sâtthla dingin.

ṬAP HLA 1:15

Keimaa ka mi hrâthai po po chu Lalpa chun iengkhawm loah a siem a, Ka tlangvâlhai sukse dingin ka chungah pungkhâwmhai a ko a; Juda nau nunghâk inthieng chu Lalpa chun uoin sâwrnaa angin a chîl a.

ṬAP HLA 2:21

Mi a naupang le upa khawm chu kawtthlêra chun hnuoiah an zâl a; Ka nunghâkhai le ka tlangvâlhai chu kâwlhnâmah an tlu a; I lunginsenna nia chun anni chu i sukhlum a, Anni chu i that a, i lunginsiet naw a,

EZEKIEL 24:21

‘Israel sûngkuo kuoma chun hril la, Lalpa Pathien chun hieng hin a tih; Ngai ta, ka hmun inthieng in thilthawtheina chapopui le, in mithai châkna, in lungrilin a hmangai chu ka sukhmingsiet ding a nih; chun, in naupasalhai le in nau nuhmeihai in hnunga in mâksanhai kha kâwlhnâmah tlung an ta.

EZEKIEL 3:14

Chuongchun, thlarau chun a mi dawm kâng a, a mi lâk hmang ta a; lungawilotak le lunginsen êm êmin ka fe ta a; chun, Lalpa kut chu ka chunga chun a hrât hle a.

EZEKIEL 3:3

Chun, ka kuoma chun, “Mihriem naupa, hi lekhabu zuol ka pêk che hi fa la, i phîng kha sukkhawp rawh,” a ta. Chuongchun, ka fâk ta a; ka baua chun ân hnik dân chu khuoizu ang el a nih.

EZEKIEL 9:6

putarhai, tlangvâlhai, nunghâkhai, naupangtêhai, nuhmeihai chu that fairêt rawh; amiruokchu, mi a chunga inchikna um chu hung hnai naw la; chun, ka hmun inthienga chun ṭan rawh,” tiin. Chun, biekin tuola um mi upahaia chun an ṭan ta a.

MIKA 3:8

Nisienlakhawm, Jakobhai kuoma an bawsietna inhriettir dingin le, Israelhai kuoma an suolna inhriettir dingin Lalpa thlarau leia thilthawtheina dâm, rorêlna dâm le hrâtna dâm chun ka sip takzet a nih.

LUKA 17:34

“Ka hril cheu hi, chu zân chun khum pakhatah mi pahni um an ta, pakhat chu fe hmangpuiin um a ta, pakhat chu mâksanin um a tih.

THILTHAWHAI 17:16

Chun, Paulain Atheniah anni chu a lo nghâk laiin, khuo chu Pathien lima sipin a hmu a, a lungril a lunginzîng ta hle a.

THILTHAWHAI 18:5

Chun, Sila le Timothe chu Makedonia rama inthawka an hung thla chun, Paula chu thu hril chauin a um ta a, Isu kha Krista a nih ti Judahai chu a hrilfie a. Nisienlakhawm, an kalin an hrilpâwi a,

THILTHAWHAI 4:20

Keini chu thil kan hmu le kan hriethai kha hril lovin kan um thei nawh,” an ta.

THUPUONGSUO 16:1

Chun, pindan sûngrila inthawk chun rawl inringtakin, vântirko pasarihai kuoma chun, “Fe unla, Pathien lunginsenna berbuhai chu hnuoiah bunthla ro,” a ti ka hriet a.