JEREMIA 52:8 - Pathien Lekhabu Inthieng (BSI)

⁸ Nisienlakhawm, Kaldai sipaihai chun lal chu an hnawt ta a, Jeriko phairuoma chun Zedekia chu an va hnawt phâk ta a; chuongchun, a sipaihai po po chun ama chu an indar san ta a.

JEREMIA 52:8 ပူးပေါင်းရင်းမြစ်များ

JEREMIA 21:7

Chu hnunga chun, Lalpa chun a tih: Juda lal Zedekia le, a siehlawhai le, mipuihai, hi khawpuia hripuia inthawka hlaa la umhai, kâwlhnâm le ṭâma inthawka la hlaa umhai chu Babulon lal Nebukadnezzar kuta dâm, an hmêlmahai kuta dâm, an hringna lâk tumtuhai kuta dâm chun pêng ka tih; chun, ama chun kâwlhnâm ngeiin that a ta; anni chu hla naw ni a, lunginsiet bawk naw ni a, zângaina nei bawk naw ni.

JEREMIA 32:4

Juda ram lal Zedekia khawm chu Kaldaihai kuta inthawk chun suokthleng naw ni a; amiruokchu, Babulon lal kuta chun matheilovin pêk ni lem a tih, ama chu bau le bau inphâkin bieng a ta, a mithai chun ama mithai chu hmu bawk a tih;

JEREMIA 34:21

Chun, Juda ram lal Zedekia le a rorêltuhai khawm chu an hmêlmahai kuta le, an hringna zawngtuhai kuta le, nangnia inthawka hang fe, Babulon lal sipaihai kuta chun pêng ka tih.

JEREMIA 37:17

chun, lal Zedekia chun mi a tir a, a hung ṭhuoi a, a ina chun lal chun a rûkin ân dawn a, a kuomah, “Lalpa kuoma inthawkin thu a um?” a ti a. Chun, Jeremia chun “A um”, a ti a. “Babulon lal kutah pêkin i um ding a nih,” a ti bawk a.

JEREMIA 37:18

Chu nawa khawm lal Zedekia kuomah Jeremia chun, “Nanga chunga amanih, i siehlawhai chunga amanih, hi hnam chunga hin amanih khaw lai am ka suksuola lung ina i mi khum a na?

JEREMIA 38:23

Chun, i nauhai le i nuhmeihai po po chu Kaldaihai kuoma chun hung la suok an ta, nang khawm an kuta inthawk chun suokthleng naw ti ni: amiruokchu, Babulona lal kuta man nîng i ta; hi khawpui hi meia raw dingin siem i tih,” a ta.

JEREMIA 39:5

Nisienlakhawm, Kaldai sipaihai chun anni chu an hnawt a, Zedekia chu Jeriko phairuoma chun an hnawt phâk a, chun, ama chu an man chun, Hamath rama Riblaa Babulon lal Nebukadnezzar kuomah an hung ṭhuoi a, ama chun a chungah ro a rêlthlûk a.