JEREMIA 52:7 - Pathien Lekhabu Inthieng (BSI)

⁷ Chun, khawpuia chun lamrel siem a ni ta a, lal huon sîra, bang pahnihai inkâra dai kawtkhâr lampuia chun zânah indo mihai po po chu an tlân suok ta a (chuongchun, Kaldaihai chun khawpui chu a vêlin an umngha a na) Araba tieng lampuia chun an fe ta a.

JEREMIA 52:7 ပူးပေါင်းရင်းမြစ်များ

2 LALHAI 25:4

Chun, khawpui kul chu a sukâwng a; chuongchun, zânah indo mi po po chu lal huon bul, kul bang pahni inkâra kul kawtkhârah an tlânse ta vawng a: (Kaldaihai chun khuo chu an inhuol vêl a nih:) chun, lal chu Araba lampui tieng a fe a.

JEREMIA 34:22

Ngai ta u, thu pêng ka ta, hi khawpuia hin hung inkîrtir ka tih; Lalpa chun a tih: chun, do an ta, lâng an ta, meiin râwng an tih; chuongchun, Juda khawpuihai chu hluotu um lova râusanah siem ka tih,” tiin.

JEREMIA 39:2

chun, Zedekia inlal kum sâwmpakhatna, thla lina, chu thla ni kuo ni chun chu khawpuia chun suksietna chu a um ta a.

JEREMIA 49:26

Chuleiin, a tlangvâlhai chu a kawtthlêrahai chun tlûng an ta, chu ni chun indo mihai po po khawm chu sukto ṭawk ṭawk nîng an tih, sipaihai Lalpa chun a tih.

JEREMIA 51:32

fenahai chu khârin a um a, phairuonghai chu meiin an raw a, indo mihai khawm chu suklâuin an um ta a,” tiin.

JEREMIA 6:5

Tho unla, zâna chun hang fêng ei tiu, a in ropuihai chu hang suksieng ei tiu khai.

EZEKIEL 12:12

Anni laia lal um chun inthim hnuoia chun a liengkoin phur a ta, fe suok a tih; chutaka phursuokna ding chun bang chu ver âwng an tih; a mithaia hnuoi a hmu nawna dingin a hmai chu inkhum tlat a tih.

EZEKIEL 12:4

Chun, i thuomhnaw chu sûnah an mithmuah hung la suok i ta, sal intâng ding angin; chun, sal intânga fe dinghai thaw angin zântieng hunah an mithmuah nang ngei chu fe suok i ta.

EZEKIEL 33:21

Kan sal intâng a kum sâwmpahni kum, thla sâwmna, chu thla ni nga ni chun Jerusalema inthawka hung tlân suok mi pakhat chu ka kuomah a hung a, ka kuomah “Khawpui chu suksiet a ni tah,” a hung ti a.

LEVI DÂN 26:17

In chunga chun ka hmai sukthim ka ta, in hmêlmahai hmaa chun tlâwm in tih; nangni theidatuhai cheuin in chungah ro rêl an ta, tu hnawt lovin tlân in tih.

LEVI DÂN 26:36

Chun, nangni laia mi la umsunhai chu, an hmêlmahai ramah an lungrilah thlabârna inumtir ka ta; hnaṭâwng inlêng riin anni hnawt a ta, kâwlhnâma inthawka tlânsie angin tlânsieng an ta, tu ihnawt dêr lovin tlûng an tih.

AMOS 4:3

Chun, bang âwngahai fe suok in ta, mi tin chu tlûntakin fêng an tih, Harmon hmuna chun inpeihâwn in tih,” Lalpa chun a tih.

DÂN PAHNINA 28:25

Lalpain in hmêlmahai hmaa chun suktlâwm a ti cheu a; anni thaw dingin lampui pakhatah suok in ta, lampui pasariah tlânsieng in tih; khawvêl hnam tin laia chun kil tin kil tangah invâk in tih.

DÂN PAHNINA 32:30

Iengtin am pakhatin sâng hnawt a ta, Pahniin sîng intlânsiettir an ta, An Lungpuiin anni a zawr a, Lalpain anni ân hlân a ni si naw chun?