JEREMIA 52:6 - Pathien Lekhabu Inthieng (BSI)

⁶ A thla linaa, chu thla ni kuo ni chun khawpui sûnga ṭâmna chu a nasa ta êm êm a; chu rama mipuihai ta ding chun bei hrim a um ta naw a.

JEREMIA 52:6 ပူးပေါင်းရင်းမြစ်များ

2 LALHAI 25:3

Thla lina, ni kuo ni chun khuo chu an ṭâm ta êm êm el a, chutaka mihai ta ding chun fâk ding hrim hrim a um ta naw a.

ISAI 3:1

Ngai ta u, Lalpa, Sipaihai Lalpa chun, Jerusalem kuoma inthawk le, Judahai kuoma inthawk chun an ringpui le an ring tak, an ringpui bu po po le an ring tak tui po po chu, a lâkpêk mêk a ni hi;

JEREMIA 15:2

Chun, i kuoma chun, ‘Khawtieng am kan fe ding a na?’ an ti pha chun anni chu hi hi hril i tih: ‘Lalpa chun hieng hin a tih: Thina ta dinghai chu thinaah, kâwlhnâm ta dinghai chu kâwlhnâmah; ṭâmna ta dinghai chu ṭâmnaah; sala intângna ta dinghai chu salah,’ tîng i tih.

JEREMIA 19:9

Chun, an naupasalhai le an naunuhmeihai sahai chu infâktir ka ta; mi tin chun, inhuolnaa le chârchilnaah, an hmêlmahai le an hringna zawngtuhaiin an chârchilnaa chun, mâni ruolhai sa chu fa tâwl an tih.

JEREMIA 21:9

Tukhawm hi khawpui sûnga um chu kâwlhnâmin, ṭâmin, hripuiin thîng a ta, amiruokchu, fe suok a, mi ân huoltuhai cheu Kaldaihai kuoma vân pe chu hring a ta, a hringna chu indona Lâwmman angin nei a tih.

JEREMIA 25:10

Chu nawa khawm, anni laia inthawk chun, hlimna râwl dâm, lâwmna râwl dâm, mo neitu râwl dâm, mo râwl dâm, bu râwtna ri dâm, sathâu khâwnvar varna dâm chu sukbo vawng ka tih.

JEREMIA 37:21

Chun, lal Zedekia chun thu a pêk a; Jeremia chu vêngtuhai kula chun an sie a, khawpui sûnga bei po po chu hmang vawng a ni chenin bei siemtuhai kawtthlêra inthawkin ni tin bei an pêk a. Chuongchun, Jeremia chu vêngtuhai kula chun a um zing ta a.

JEREMIA 38:9

“Ka lalpa, lal, hieng mihai hin zâwlnei Jeremia chunga an thilthawhai po poa hin thil ṭhanaw an thaw a nih, ama chu khurthima chun an peilût a; chutaka chun ama chu phîngṭâma thi el âwm a nih; khawpui sûnga hin bei dang hrim a um ta naw leiin,” a ta.

JEREMIA 39:2

chun, Zedekia inlal kum sâwmpakhatna, thla lina, chu thla ni kuo ni chun chu khawpuia chun suksietna chu a um ta a.

ṬAP HLA 1:11

A mihai po po chu an thuok dawngin bei an zawng a, An thil hluhai chu an hringna sukhrâtna dingin bu manah an pêk a; Aw Lalpa, ngai la, en ta, hmusitum ka lo ni ta hi.

ṬAP HLA 5:10

Kan vun chu ṭâmna kâng lumna lei chun, Meithuk ang elin a lum a.

EZEKIEL 14:13

“Mihriem naupa, bawsietna thil chu thawin ram chu ka chungah lo suol ta sienla, chun, keiin a chungah ka kut inletin, bei a ringsan chu suksein, a chunga chun ṭâmna tirin, amaa inthawk chun ramsa le mihriemhai khawm lo sât thla ta lang;

EZEKIEL 14:21

Lalpa Pathien chun hieng hin a ti si a; ‘Ka rorêlna natak palihai kâwlhnâm, ṭâmna, ramsa tuorhlaumhai le hripuihai hi Jerusalem chunga, amaa inthawka ramsa mihriemhai râwthmang dinga ka tir pha chun ieng ang lâwma nasa zuol am a ni ding chu?

EZEKIEL 31:1

Kum sâwmpakhatna, thla thumna, chu thlaa ni khat ni chun, Lalpa thu chu ka kuomah a hung tlung a,

EZEKIEL 5:16

chu pha chun, an chunga chun ṭâmna thal ṭha nawhai chu sukbohmangna dingin, anni sukbohmangna dinga ka hung tir ding chu, hung tir ka ta, beia in ringsan khawm chu suktliek ka ta;

EZEKIEL 7:15

“Kâwlhnâm chu puotieng a um a, ṭâmna le hripui chu sungtienga chun a um a; loa um chu kâwlhnâmah thîng a ta, khawpui sûnga um chu hripui le ṭâmna chun fa zo a tih.

LEVI DÂN 26:26

In ifâk tak bei ka sukchatpêk pha cheu chun, nuhmei sâwmin urna pakhatah ur an ta, in bei chu bûk chie peiin pe nâwk an ti cheu; fâk chu fâng in ta, khawp chu khawp naw ti niu.

ZEKARIA 8:19

“Sipaihai Lalpa chun hieng ang hin a tih: Thla lina bu ngheina le, thla ngana bu ngheina le, thla sarina bu ngheina le, thla sâwmna bu ngheina chu Juda sûngkuo ta ding chun hlimna le lâwmna le thafânna ruoiṭhehai an ni lem ding a nih: chuleiin, indikna le inremna hi ngaina ro,” tiin.

DÂN PAHNINA 32:24

Phîngṭamin inrâwp an ta, meipui le sietna namên lovin kâng hmang an tih; An chungah ramsa hahai tir ka ta. Pilvuta invâk mihai tûr leh.