JEREMIA 52:27 - Pathien Lekhabu Inthieng (BSI)

²⁷ Babulon lal chun anni chu a hrem a, Hamath rama Riblaa chun anni chu a that tâwl ta a. Chuongchun, a rama inthawk chun Juda chu sala intâng dinga ṭhuoi a ni ta a.

JEREMIA 52:27 ပူးပေါင်းရင်းမြစ်များ

2 SAMUEL 8:9

Chun, Hamath lal Toi chun Hadadezer sipaihai po po David chun a hne ti a lo hriet a.

2 LALHAI 17:20

Chun, Lalpain Israel thlahai hrim hrim chu a dit ta naw a, anni chu a sukrimsi a, a mit hmu phâk nawa a sawn hmang hma po chun rawktuhai kuta chun a pêk ta a.

2 LALHAI 17:23

chuonghai chu Lalpain a zâwlneihai po po hmanga a lo hril ta anga anni chu a mithmu phâk nawa a sawn hmang hmakhat khan chu. Chuongchun, Israelhai chu an rama inthawkin Assuria ramah an ṭhuoi ta a, tu chen hin chutaka chun an la um ta zing a nih.

2 LALHAI 23:27

Chun, Lalpain, “Israel ka sawn hmang ang hin Juda khawm hi ka hmu phâk lovah sawn hmang vêng ka ta, hi khuo ka thlang Jerusalem ngei le, ‘Chutaka chun ka hming chu um a tih,’ ka tina in chu sukbo dai ka tih,” a ta.

ISAI 24:3

Hnuoi hi sukruok fai dêr le, suksiet fai dêrin um a tih; chu thu chu Lalpain a hril ta si a.

ISAI 27:10

Khuo kulpui nei chu a khawsâwt a, umna, mi hnungsawn le fesan hnung a ni ta si a, thlalêr ang elin; chutaka chun bâwngtê tlâng a ta, chutaka bawk chun bawk a ta, a kauhai chu fâng a tih.

ISAI 43:28

Chuleiin, hmun inthienga mi lienhai chu sukthieng nâwng ka ta, chuongchun, Judahai chu ṭawngsephurah siem ka tih; Israelhai chu insêlna bûrah siem bawk ka tih.

JEREMIA 13:19

Sim ram khawpuihai chu khârin an um ta a, a hawng ding tukhawm an um nawh; Juda chu a rêngin sala ṭhuoiin a um a: a rêng a ramin sala ṭhuoiin a um a nih,” tiin.

JEREMIA 20:4

Lalpa chun hieng hin a ti si a: Ngai ta, i ruolhai le nangma ngei ta dingin ṭiumah ka siem ding che a nih; chun, an hmêlmahai kâwlhnâma ngei chun tlûng an ta, chu chu i mit ngeiin hmûng i tih; chun, Juda ram po po chu Babulon lal kutah pêng ka ta, ama chun Babulon tieng salah ṭhuoi a ta, kâwlhnâmin anni chu that a tih.

JEREMIA 21:7

Chu hnunga chun, Lalpa chun a tih: Juda lal Zedekia le, a siehlawhai le, mipuihai, hi khawpuia hripuia inthawka hlaa la umhai, kâwlhnâm le ṭâma inthawka la hlaa umhai chu Babulon lal Nebukadnezzar kuta dâm, an hmêlmahai kuta dâm, an hringna lâk tumtuhai kuta dâm chun pêng ka tih; chun, ama chun kâwlhnâm ngeiin that a ta; anni chu hla naw ni a, lunginsiet bawk naw ni a, zângaina nei bawk naw ni.

JEREMIA 39:10

Nisienlakhawm, Nebuzaradan, vêngtu pâwl hotu chun mi rimsihai iengkhawm nei lohai chu Juda rama chun a mâksan a, grêp huonhai le lohai anni chu a pêk nghâl tâwl bawk a.

JEREMIA 39:9

Chun, Nebuzaradan, vêngtu pâwl hotu chun khawpuia mi la um sunhai le, tlân hmangtuhai le, ama kuoma hung lûthai le, mipui a la mahla la um sunhai po chu Babulon tieng chun salah a ṭhuoi ta a.

JEREMIA 52:9

Chun, lal chu an man a, Hamath rama Riblaa chun Babulon lal kuoma chun an ṭhuoi ta a; chun, ama chun a chungthu a lo rêlthlûk ta a.

EZEKIEL 33:28

Ram chu râusanah siem ka ta, maktia um ding leh; a thilthawtheina chapona chu re tâng a ta, Israel tlânghai chu râusan ni tâng a ta, tukhawm fethleng ta naw ni hai.

MIKA 4:10

Aw Zion naunu, nuhmei nau invawi nau nei ding angin na tuor la, invawi rawh; tuhin khawpuia inthawk fe suok i ta, ramah chêng i tih. Babulon chen khawmin i fe ding a ni si a: chutaka chun sansuokin um i ta, chutaka chun i hmêlmahai kuta inthawkin Lalpa chun sansuok a ti che.

DÂN PAHNINA 28:36

“Nangni le in lal leh, in pi le pu chena in hriet ngai naw hnam kuomah Lalpa chun ṭhuoi a ti cheu a, chutaka chun thing le lunga siem pathien dang rawng chu bâwl in tih.

DÂN PAHNINA 28:64

“Chun, Lalpa chun kâwlkila inthawka kâwlkil khing tieng chenin chi tin laia chun sukdar a ti cheu a, chutaka chun thing le lunga siem, in pi le puhai chena in hriet ngai naw pathien dang rawng bâwl in tih.

DÂN PAHNINA 4:26

Jordan kâna in va hluo ding rama inthawk chun bohmang vak el in tih, ti in chungchâng thua a mi hrietpuitu dingin tuhin hnuoi le vân ka fiel a nih, chêng sâwt naw ti niu a, bohmang vawng el in tih.