JEREMIA 52:22 - Pathien Lekhabu Inthieng (BSI)

²² Chun, a chunga chun dâra siem a lubâwk a um a, a lubâwk pakhat insângzie chu tawng nga a na, a vêl chun lênkal le, theibufai chu a lubâwk chunga dârsena siem vawng a um a, chun, sûtpui pahnina khawm chun chuong ang bawk chu, theibufaihai le chun a ni ve bawk a.

JEREMIA 52:22 ပူးပေါင်းရင်းမြစ်များ

1 LALHAI 7:20

Chun, ban pahni sîpa bâwkhaia chun a reia ṭiel chikchek bul ela chun theibufaihai lim a um bawk a; chun, theibufaihai chu chuong bâwkhaia chun za hni ve vea intlarin a um a.

1 LALHAI 7:42

chu tuomna ṭiel chikchek ta dinga theibufai za lihai dâm, ban sîpa bêl anga inbâwk pahni tuomna dinga ṭiel chikchek ve ve ta dinga theibufai tlar hnihai kha;

2 LALHAI 25:17

Ban pakhat insâng tieng chu tawng sâwm le tawng riet a na, a sîpa chun dâr sungbâwk a um a; chu bâwk insâng tieng chu tawng thum a nih; a bâwk vêla chun ṭiel chikchek le theibufai lim a chuong a, dâr vawng a nih; chuong ang bawk chun ban pakhat khawm chu ṭiel chikchek a nih.

2 CHANCHIN SUINA 3:15

Chun, in hmatienga chun sûtpui pahni tawng sâwmthum pangaa insâng ve ve a siem a, chuong a lêrtâwpa a hmawrbâwkhai chu tawng nga ve ve an ni bawk a.

FESUOKNA 28:25

Khaidiet pahni hmawrhai chu kerkuok pahnia chun thun i ta, zakawsîng dârbelhai hmatieng panga chun khai i tih.