JEREMIA 52:11 - Pathien Lekhabu Inthieng (BSI)

¹¹ Chun, Zedekia mithai chu a kheldawkpêk a, Babulon lal chun ama chu thîrkawl ân buntir a, Babulon tieng a ṭhuoi a, a thi ni chenin lung inah a sie ta a.

JEREMIA 52:11 ပူးပေါင်းရင်းမြစ်များ

JEREMIA 21:7

Chu hnunga chun, Lalpa chun a tih: Juda lal Zedekia le, a siehlawhai le, mipuihai, hi khawpuia hripuia inthawka hlaa la umhai, kâwlhnâm le ṭâma inthawka la hlaa umhai chu Babulon lal Nebukadnezzar kuta dâm, an hmêlmahai kuta dâm, an hringna lâk tumtuhai kuta dâm chun pêng ka tih; chun, ama chun kâwlhnâm ngeiin that a ta; anni chu hla naw ni a, lunginsiet bawk naw ni a, zângaina nei bawk naw ni.

JEREMIA 39:7

Chu nawa khawm chun, Zedekia mithai chu a kheldawk a, thîrkawl ân buntir a, Babulona ṭhuoi dingin.

ṬAP HLA 2:6

A biekbûk chu huon ang elin, a lâk hmang luipêk a; Ân khâwmna hmun chu a suksiet bawk a; Lalpa chun Zionah, inkhâwmpui hunbi neihai le châwlnihai chu theinghila um dingin a siem a, A lunginsenna nasatna chun a thiempu le lal chu a hmusit ta a.

EZEKIEL 12:13

Chun, ka lên khawm chu a chunga chun dêngkhum ka ta, ka chânga chun âwk a tih; chun, Kaldaihai ram Babulona chun ṭhuoi ka ta; chutaka chun thi naw ding ni sien khawm, hmu chu hmu naw ni.

EZEKIEL 17:16

Ka hring zing angin, Lalpa Pathien chun a tih; ama chu lala siemtu, a inkhâmna a hmusit le, a thuthlung a bawsietpêk lal umna hmun, ama kuomah Babulon sûng ngeia chun thîng a tih.

EZEKIEL 23:24

Chun, nanga chunga chun hriemhreihai, sakawr tawlailîrhai, tawlailîrhai, mipui inkhâwm nasatak leh hung do an ti che a; a vêlin, thîr lukhumhai, âwmphawhai le phawhai le an hung ep ding che a nih; chun, an kuoma chun rorêlna dân ang peiin i chungah rorêlpêk an ti che.