JEREMIA 51:9 - Pathien Lekhabu Inthieng (BSI)

⁹ Babulon chu sukdam ka tum a, nisienlakhawm, sukdamin a um si naw a; ama chu mâksan unla, mi tin chu mâni ram sengah fêng ei tiu; a chungthu rêlna chun vân a tlung ta si a; vânhai chena dawm sâng chu a ni ta si a.

JEREMIA 51:9 ပူးပေါင်းရင်းမြစ်များ

2 CHANCHIN SUINA 28:9

Amiruokchu, Lalpa zâwlnei chutaka chun a lo um a, a hming chu Oded a nih; ama chu sipai ruol Samariaa hung lût dinghai chu tuok dingin a fe a, an kuoma chun, “Ngai ta u, in thlatuhai Pathien Lalpa chu Juda ram chunga chun a lunginsen leiin anni chu an kutah a pêk ta a, chun, anni chu lunginsenin in that a, chu chu vânah a hang tlung tah a nih.

EZRA 9:6

“Aw ka Pathien, nanga tienga hung nghat khawm hi ka hmai a mâwkin kân zak a nih, ka Pathien, kan khawhlonahai chu kan lu chunga hin a hung pung deu deu a, kan suolhai chun vân a tawng ta a ni hi.

ISAI 13:14

Chun, sakhi hnawt zêk ang le, berâm tukhawm ikhal khâwm lo angin mi tinin mâni chipuihai tieng seng nghâng an ta, mi tin mâni ram tieng seng tlân hmang an tih.

ISAI 47:15

Chuongchun, în suksâwlna hlak thilhai chu a um ding a nih: i naupangtea inthawka i kuoma sumdâwng hlaktuhai chu mâni lampui sengah invâk hmang an ta; sanhimtu ding che tukhawm um naw ni hai.

JEREMIA 46:16

Mi tamtak chu insuithlu dingin a siem a, anih, an intlûk thuo pei a, “Tho unla, hi kâwlhnâm nêksâwrnaa inthawk hin eini mihai laia ngei le, ei piengna ram ngeia khan fe nâwk ei tiu,” an ti a.

JEREMIA 46:21

A sûnga mi inhlawfahai khawm chu, ran ina bâwngtêhai ang an nih; anni khawm chu an hnungkîr a, an tlânhmang hmunkhat a; an ngir hrim hrim nawh; an lunginzingna ni, anni hremna hun chu an chungah a hung tlung si a.

JEREMIA 50:16

Babulona inthawk chu chi thetu chu sât thla unla, busîk laia kâwite hmangtu le chun; nêksâwrna kâwlhnâm ṭi leiin mi tin chu mâni mihai tiengah kîr seng an ta, mi tin chu mâni rama seng chun tlân an tih.

JEREMIA 8:20

Busîk hun chu a liem ta a, nipui hun chu a tâwp tah, sandamin ei um nawh.

HOSEA 7:13

An chung a rik ie; ka kuoma inthawkin an fe hmang ta si a! Bohmangna an chungah a tlung ie, ka chungah an hel ta si a! Kei chun anni sandam ka nuom a, Anni ruok chun khêl an mi hril khum a,

THUPUONGSUO 18:4

Chun, vâna inthawkin rawl dangin hienghin a hril ka hriet, “Ka mihai, an rîtlonaahai in ṭhangnawna ding le, a hremnahai in hmu ve nawna dingin a sûnga inthawkin suok ro.

THUPUONGSUO 18:5

A suolnahai chun vân khawm a tawng ta hiel a, Pathienin a thilthaw felnawhai khawm chu a hriet zing si a.