JEREMIA 51:8 - Pathien Lekhabu Inthieng (BSI)

⁸ Babulon chu a tlu thut a, suksietin a um a; ama ta dingin ṭap inrûm unla; a natna ta dingin thinghnai damdawi la unla, chuongchun, a hung dam khiet rawi mawh.

JEREMIA 51:8 ပူးပေါင်းရင်းမြစ်များ

ISAI 21:9

ngai ta, hitaka hin mihriem pâwl, sakawr chung chuong a kawp peia fe an hung ie,” tiin. Chun, ama bawk chun, “Babulon khuo chu a tlâwm tah, a tlâwm tah; an thiempuhai milim siem fâwmhai po po chu hnuoia suknâwiin a um tah,” tiin a dawn a.

ISAI 47:11

Chuleiin, thil ṭha naw i chungah hung tlung a ta; invêng dân khawm thiem naw ti ni; vângduoina khawmin hung vur a ti che a, chu chu sukbo thei naw ti nih: rausanna khawm kârlovin i chungah hung tlung thut a ta, chu chu hre lâwk naw ti nih.

ISAI 47:9

hieng thil pahni: nauhai chânna le hmeithaina hin, ni khat thil thuah, mitkhapkâr lovah, a hung nang lem ding che a nih; i dâwi hmangna chu tam hlein i invêngna chu tam rei rui sienla khawm, chuong chu nasatakin i chungah a hung tlung ding a nih.

JEREMIA 46:11

Gileada chun hang fe la, thinghnai damdâwi hang la rawh, aw Aigupta naunu nunghâk inthieng, a thlâwn elin damdâwi tamtak i lo hmang ta a; i ta dingin damna hrim a um naw a.

JEREMIA 48:20

Moab chu sukzakin a um a; suksiet a ni ta si a; ṭap inrûm unla, ṭap ro; Arnona chun va hril unla, Moab suksieta a um tâk thu chu.

JEREMIA 48:31

Chuleiin, Moab ta ding chun ka ṭap inrûm ding a nih; anih, Moab po po ta ding chun khêk ka tih; Kir-heres mihai chu ka ṭa ding a ni si a.

JEREMIA 50:2

“Hnamhai laia chun hril la, puong rawh, chun, puonzâr chu khai la, puong la, thup naw rawh, ‘Babulon chu lâkin a um a, Bêl chu sukzak a na, Merodak chu a beidawng a, a milimhai po po chu sukzakin an um a, a milimhai chu an beidawng zo tah,’ ti rawh.

JEREMIA 51:41

Sesak chu iengtiziea lâka um el, hnuoi pumpuiin an inpâkna chu maktia um el chu! Hnamhai laia chun iengtiziea Babulon chu râusana um el!

JEREMIA 8:22

Gileada hin thinghnai damdawi a um naw maw? Chutaka chun damdawi thiem an um naw maw? Chuong a ni chun ieng dinga ka chipuihai naunu chu sukdam a ni nâwm a na?

EZEKIEL 30:2

“Mihriem naupa, hril la, hieng hin hril rawh, Lalpa Pathien chun hieng hin a tih: Ṭapinrûm unla, chungrikna ni chu!

DANIEL 5:24

ama hmaa inthawk chun hi kut bawng hi hungtir a ni ta a, hi lekhaziek hi a hung ziek ta a nih.

DANIEL 5:31

Chun, Media mi Daria chun ram chu a nei ta a, ama chu kum sâwmruk pahnia upa a nih.

NAHUM 3:19

I na chu a damna ding a um nawh, i hliemna chu a nasa hle a nih; i ri hre taphawt chun kut an benkhum che; i rîtlona hin a chîm rawp naw tu am a um a?

THUPUONGSUO 14:8

Chun, vântirko dang, a pahnina chun, “Babulon khaw ropui, a mi dit chîngna leia lunginsenna uoiin hnam po po indâwntirtu chu, a tlâwm tah!” tiin a hung zui a.

THUPUONGSUO 18:2

Chun, ama chun rawl inringtakin, “Babulon khaw ropui chu a tlâwm tah, a tlâwm tah! khawhrihai umna le, thlarau inthiengnaw tinrêng kulbîng le, vate inthiengnaw le tirdakum tinrêng kulbîng a hung ni tah.