JEREMIA 51:64 - Pathien Lekhabu Inthieng (BSI)

⁶⁴ chun, ‘Hieng ang bawk hin Babulon chu tlumhmang a ta, a chunga thil ṭhanaw ka hung intlungtir dinghai lei chun tho nâwk ta ngai naw ni a, rimsi hle tâng an tih,’ ti rawh,” a ta. Jeremia thuhai chu chu chen chu a nih.

JEREMIA 51:64 ပူးပေါင်းရင်းမြစ်များ

JOB LEKHABU (THE BOOK OF JOB) 31:40

Bu nêkin hlingbuk ṭo lem sienla, buṭei nêkin buor ṭo lem raw se,” tiin. Job thuhrilhai chu a tâwp tah.

INPÂKNA HLABU 72:20

Jessai naupa David ṭawngṭâinahai chu a tâwp tah.

INPÂKNA HLABU 76:12

Ama chun rorêltuhai huoina chu sât bawng a ta, Ama chu hnuoia lalhai ta ding chun ṭi a um a nih.

ISAI 47:13

I remruot a tam êm leiin i sâwl ta a ni hi: tuhin chu vân semtuhai, arasi thlîrtuhai, thlakipa thu hrillâwktuhai chu ngîr sienla, i chunga thil hung tlung dinghaia inthawk chun sanhim raw se che.

JEREMIA 13:4

“I kâwnga um hrên închâwk kha la la, tho la, Euphrates vadunga chun fe la, chutaka chun lungpui kuoah va thup rawh,” tiin.

JEREMIA 19:10

Chun, nangma hung zuitu mihai mithmua chun bêl chu sukkawi i ta,

JEREMIA 25:27

Chun, an kuoma chun hieng hin tîng i ta: Israel Pathien, Lalpa chun hieng hin a tih: Dâwn unla, inrui unla, inluok unla, tlu unla, tho nâwk ta naw ro, nangni laia kâwlhnâm ka hung tir ding lei chun.

JEREMIA 51:42

Babulon chunga chun tuisuoriet chu a hung luong a, tuifâwn tamtakhai chun a hung inkhum ta a.

JEREMIA 51:58

Babulon kulbang lientakhai khawm chu sukchim nîng an ta, a dai kawtkhârhai chu meia raw nîng an ta, a mipuihai chu a thlâwn elin inrim an ta, hnamhai khawm chu mei leiin inrim an ta, sipaihai Lalpa chun a tih”tiin.

JEREMIA 9:5

Chuongchun, mi tin chun mâni tuolbâwm chu hlêm a ta, thu dik hril naw ni; an lei chu khêlthu hril dingin an inchûktir ta a; thil suol thaw dingin anni le anni chu an insuklungzîng a.

EZEKIEL 28:19

Hnamhai laia nanga hretuhai po po che chun maktîng an ta, Nang chu mi ṭîsim i ni ta a, um khawm um nâwk ta naw ti nih,” tiin.

HABAKKUK 2:13

En ta u, hnamhai chu teploah anni an insuklungkham a, Chi tinhai chun mei ta dinga sin an inrim hi, Sipaihai Lalpaa inthawk ni lo am a nih?

THUPUONGSUO 14:8

Chun, vântirko dang, a pahnina chun, “Babulon khaw ropui, a mi dit chîngna leia lunginsenna uoiin hnam po po indâwntirtu chu, a tlâwm tah!” tiin a hung zui a.

THUPUONGSUO 18:2

Chun, ama chun rawl inringtakin, “Babulon khaw ropui chu a tlâwm tah, a tlâwm tah! khawhrihai umna le, thlarau inthiengnaw tinrêng kulbîng le, vate inthiengnaw le tirdakum tinrêng kulbîng a hung ni tah.

THUPUONGSUO 18:21

Chun, vântirko hrâttak hin burawtnawina lung lientak ang hi lung a lâk a, tuipuiah a peithlâk a, “Babulon khaw ropui chu hieng anga nasa hin peithlâk nîng a tih, tûkhawmin hmu nâwk ta naw tawp an tih.