JEREMIA 51:61 - Pathien Lekhabu Inthieng (BSI)

⁶¹ Chun, Jeremia chun Seraia kuoma chun, “Babulona i va fe pha chun, hieng thuhai po po hi en la, tiem la,

JEREMIA 51:61 ပူးပေါင်းရင်းမြစ်များ

JEREMIA 51:60

Chun, Jeremia chun Babulon chunga thil ṭha naw hung tlung dinghai po po, Babulon chungchângthua thu zieka umhai po po chu, lekhabua chun a ziek a.

JEREMIA 51:62

‘Aw Lalpa, nang chun hi hmun chungchâng thua hin, sât thlâk ding a nizie dâm, tukhawm an chêng naw dingzie dâm, mihriem amanih, ramsa amani khawm an chêng naw dingzie le, kumkhuoa râusan a ni dingzie chu i lo hril ta a,’ ti la.

MATTHAI 24:1

Chun, Isu Pathien biekina inthawk chun a suok a, a fe ding a na.

MARKA 13:1

Chun, Pathien biekina inthawka a fe suok lai chun, a închûktirhai laia mi pakhatin a kuomah, “Inchûktirtu, en ta, a lung le inhai hi a ropui hle a nih,” a ta.

KOLOSSA 4:16

Chun, hi lekhathawn hi nangni laia in tiem zo hnungin Laodikei kohran khawm intiemtir ve ro; nangni khawmin Laodikeia inthawka lekhathawn kha lo tiem ve bawk ro aw.

1 THESSALONIKA 4:18

Chuleiin, hieng thu hin inthlamuon tuo ro.

1 THESSALONIKA 5:27

Hi lekha hi unau po po kuoma chun tiem dingin Lalpa hmingin ka phût cheu.

THUPUONGSUO 1:3

Hi hrillâwkna bu thu tiemtu le ngaia a sûnga thu ziek pawmtuhai chu an hamṭha; a hun chu a hnai ta si a.