JEREMIA 51:56 - Pathien Lekhabu Inthieng (BSI)

⁵⁶ ama chunga chun suksetu chu a hung ta si a, Babulon chung ngeia chun; a mi thilthawtheihai chu manin an um a, an thalngulhai khawm chu a tliek innawi vawng a; Lalpa chu phuba latu Pathien a ni si a, ama chun thung ngei ngei a tih.

JEREMIA 51:56 ပူးပေါင်းရင်းမြစ်များ

INṬANNA 49:24

Nisienlakhawm, ama thalngul chu ngartakin a um zing a, A kut thahai chu sukhrâtin a um a, Jakob Mihrât kut chun, (Chutaka inthawk chun berâm vêngtu, Israel lungpui chu a hung um a.)

INPÂKNA HLABU 137:8

Aw Babulon naunu, sukbohmanga um ding, Kan chunga i thaw anga, Thung ding che chu lâwmtakin um a tih.

INPÂKNA HLABU 37:15

An kâwlhnâm chun anni lung chu sun a ta, An thalngulhai sukthliekin um bawk a tih.

INPÂKNA HLABU 46:9

Ama chun indonahai chu kâwlkawdawng chenin a sukbo hlak a, Thalngul chu a sukthliek a, fei chu a sât bawng hlak a. Tawlailîrhai chu meiah a raw hmang hlak.

INPÂKNA HLABU 76:3

Chutaka chun thalngul thalhai chu a suksiet a, Phaw dâm, kâwlhnâm dâm, indona dâm leh.

ISAI 21:2

Inlârna khirkhântak el ka kuomah inhriettir a ni tah; vervêktaka thawtu chun vervêktakin a thaw a, rawktu chun a rawk a. Aw Elam mihai, hang fe ro; aw Media mihai, inhuol ro; an inrûmna po po chu ka sukbo vawng tah.

ISAI 34:8

Lalpa phuba lâk ni a ni ta si a; Zion sêlna kawng thua thungna kum chu.

ISAI 35:4

Lungril dâwihai kuoma chun, “Hrâttakin um unla, ṭi naw ro, ngai ta u, in Pathien chu phubalâkna leh hung a tih, Pathien thungna le chun; hung a ta, sandam a ti cheu,” ti ro.

ISAI 59:18

An thilthawhai angin, an thilthawhai ang ngeiin, ama chun thung a tih, ama dotuhai chu lunginsennain, a hmêlmahai chu thungnain thung a tih; thlierkârhai khawm thungrul a tih.

JEREMIA 49:35

“Sipaihai Lalpa chun hieng hin a tih: Ngai ta u, an thilthawtheina laili Elam thalngul chu sukthliek ka tih.

JEREMIA 50:10

Chuongchun, Kaldai chu râllâk sum hung nîng a ta, ama suksetuhai taphawt chu lungawi êm êm an tih, Lalpa chun a tih.

JEREMIA 50:36

Chapohai chunga chun kâwl- hnâm chu a um a, invêtpui an ta, kâwlhnâm chu a mi thilthawtheihai chungah a um a, beidawng an tih.

JEREMIA 51:24

Chun, Babulon kuoma le, Kaldai hluotuhai po po chunga chun i mithmua Ziona thil ṭha naw an lo thaw tahai po po kha thung ka tih, Lalpa chun a tih.

JEREMIA 51:30

Babulon mi thilthawtheihai chun indo chu an ṭhul a, an kulahai chun an um zing a; an thilthawtheina khawm a thlâwn a, nuhmeihai ang el an ni ta a; a chêngna hmunhai chu meia rawin a um a, ân huonna thîrhai khawm chu sukthliekin a um ta a.

JEREMIA 51:48

Chun, vân le hnuoi le an sûnga um po pohai chu Babulon chunga lâwm lei chun hla sak an ta; hmârtienga inthawkin a kuoma chun suksetu a hung ding a ni si a; Lalpa chun a tih.

JEREMIA 51:53

Babulon chu vân chenin vûm sienkhawm, a hrâtna insâng khawm chu la sukhrât zuol pei sienkhawm, keia kuoma inthawkin suksetuhai an hung ding a ni si a, Lalpa chun a tih.

JEREMIA 51:6

Babulona inthawk chun tlân suok unla, mi tinin a hringna sandam raw se; a khawhlonaa sât thlâkin um naw unla, Lalpa phuba lâkna hun a ni si a; ama chun thungna chu pêng a tih;

ṬAP HLA 3:64

Aw Lalpa, an kuthaia an sinthaw ang peiin nangin thungna pe la.

EZEKIEL 39:3

i vawitienga i thalngul chu lâkpêk ka ti che a, i kut changtienga inthawkin i thalhai chu intlâktir ka tih.

EZEKIEL 39:9

Chun, chuong Israel khawpuihaia chêngtuhai chu fe suok an ta, hriemhrei meihai chu siem an ta, râwng an tih; âwmphaw le phawhai dâm, thalngul le thalhai dâm, hmawlfunghai dâm, feihai dâm, râwng an ta, chun, chuonghai chun kum sari sûng mei chu tîng an tih;

AMOS 2:15

thalngul hmangtu khawm chu ngîr thei bawk naw ni; ngalhrât mi khawm inhum thei bawk naw ni; sakawr chung chuong mi khawm inhum thei bawk naw nih;

OBADIA 1:15

Hnam po po chungah Lalpa ni chu a hnai si a; i lo thaw ta ang bawkin i chungah thaw nîng a ta, i thaw dân chu i lu chung ngeiah hung lêt a tih.

HABAKKUK 2:8

Hnam tamtak i suksiet ta leiin, mihriem thisen le Ram le khawpui le a sûnga chênghai chunga Mihriem thisen le inpâwngnêkna thil lo thaw ta po po lei khan, Nang khawm chi a la um sunhai po po chun sukse vêng an ti che.

DÂN PAHNINA 32:35

Phuba lâk le thung chu keima thaw ding a nih, An kalbi ân tleu pha chun, An sietna ni chu a hung hnai an ta a, An chunga thil tlung dinghai chu hung tlung vak a tih.

2 THESSALONIKA 1:6

Chuongchun, hi hi Pathien ta dingin thil feltak a nih: a sukrinumtuhai cheu chu rinumnaa thung le;

THUPUONGSUO 17:16

Chun, ki sâwm i hmu le sahrâng chun nawchizawr chu theidâng an ta, iengkhawm neinaw le saruokin siem an tih, a sa khawm fâng an ta, meiin rawhmang an tih.

THUPUONGSUO 18:20

“Aw vân le nangni mi inthienghai, tirkohai dâm, zâwlneihai dâm, lâwm ro, ama chun in chunga ro a rêlna chun Pathienin a chungah ro a rêl ve ta hi,” tiin.

THUPUONGSUO 19:2

A rorêlnahai chu ân dikin a fel a nih. Ama chun nawchizawr ropuitak, a mi dit chîng leia hnuoi sukkhawhlotu chu, a ro a rêl a, a suokhai thisen insuo phuba chu a kutin a lâk ta hi, an ti ka hriet a.”

1 SAMUEL 2:4

Mi hrât thalngulhai a sukthliek a, A kathai kâwng chu hrâtnaa khitin a um a,