JEREMIA 51:55 - Pathien Lekhabu Inthieng (BSI)

⁵⁵ Lalpa chun Babulon chu a suksiet a, amaa inthawka râwl ropuitak chu a sukbohmang ta a; chun, an chângvêl chu tui tamtakhai angin an inri a, an râwl rihai chu insuoin a um a;

JEREMIA 51:55 ပူးပေါင်းရင်းမြစ်များ

INPÂKNA HLABU 124:2

“Mihaiin an mi thaw lai khan, Eini tienga ṭhang chu Lalpa ni naw sienla chu;

INPÂKNA HLABU 124:4

Kha lai ngei khan tuihai chun mi chîm tlum tâng an ta, Vadung chun ei hringna hi vurhmang tâng a tih;

INPÂKNA HLABU 18:4

Thina hruihruolhai chun a mi zem a, Pathien ngaisak nawna tuilienhai chun a mi sukṭi bawk a.

INPÂKNA HLABU 65:7

Tuisuoriet inri hum hum, a fâwn inri hum humhai le, Mi tin sa mur mur sukre hlaktu chu i nih.

INPÂKNA HLABU 69:2

Chirhak inthûktak, sirsan hrim hrim um nawnaah ka tlum duok duok hi, Tui inthûktak, tui lien a mi chîm tlumnaahai, ka lo lût ta hi.

ISAI 15:1

Moab ram phurrik chu. Zân khat kârin Moab rama Ar khuo chu suksietin a um a, iengkhawm ni lova siemin a um ta si a; zân khat kârin Moab rama Kir khuo chu suksietin a um a, iengkhawm ni lova siemin a um ta si a.

ISAI 17:13

Hnam tin chu tui tamtak inri hum hum angin inri hum hum an tih; nisienlakhawm, ama chun kâwk a ta, hlatakah tlân hmang an ta, tlânga busi thli ilên ang le pilvut thlipui imût vir mup mup angin hnawtin um an tih.

ISAI 47:5

Aw Kaldai naunu, to zingin ṭhung la, inthim hnuoiah lût ta, “Ram tin lalnu,” an ti ta naw ding che a nih.

JEREMIA 25:10

Chu nawa khawm, anni laia inthawk chun, hlimna râwl dâm, lâwmna râwl dâm, mo neitu râwl dâm, mo râwl dâm, bu râwtna ri dâm, sathâu khâwnvar varna dâm chu sukbo vawng ka tih.

JEREMIA 51:42

Babulon chunga chun tuisuoriet chu a hung luong a, tuifâwn tamtakhai chun a hung inkhum ta a.

EZEKIEL 26:3

Lalpa Pathien chun hieng hin a tih: Ngai ta, aw Tura, nang ka dodâl che a nih; tuipuiin a fâwnhai chu a hung insuoktir angin, hnam tamtakhai chu nangma do ding chein ka siem ding a nih.

LUKA 21:25

“Chun, nisaa dâm, thlaa dâm, arasia dâm inchikna um a tih; tuisuoriet inrûm le a fâwn leiin hnuoia khawm hin hnam tin rinumna le lunginzîngna tlung a tih;

THUPUONGSUO 17:15

Chun, ama bawk chun ka kuomah, “Nawchizawr ṭhungna tui i hmuhai kha, mi dâm, mipui dâm, hnam dâm, ṭawng dâm a nih.