JEREMIA 51:53 - Pathien Lekhabu Inthieng (BSI)

⁵³ Babulon chu vân chenin vûm sienkhawm, a hrâtna insâng khawm chu la sukhrât zuol pei sienkhawm, keia kuoma inthawkin suksetuhai an hung ding a ni si a, Lalpa chun a tih.

JEREMIA 51:53 ပူးပေါင်းရင်းမြစ်များ

INṬANNA 11:4

Chun, “Thaw ro, khawpui siem ei ta, in insâng a sîpin vân tawng dingin bâwl bawk ei tiu a, ei hming sukthang ei tiu; chuong naw chun hnuoi chung po poa hin sukdarin um râwi ei tih,” an in ti a.

JOB LEKHABU (THE BOOK OF JOB) 20:6

A ṭhatna chu vân tawngin intieng sienla khawm, A lu chun sûmhai tawng sienla khawm,

ISAI 13:17

Ngai ta, Media mihai anni thaw dingin chawktho ka ta, chuonghai chun tangka ngaisak naw ni hai a, rângkachak khawm lâwm naw ni hai.

ISAI 41:25

Hmârtienga inthawkin mi pakhat ka kei har a, ama chu a hung tlung tah; nisa suoknaa inthawka ka hming lamtu chu; ama chun lung chârna sawisak angin rorêltuhai sawisâng a ta, bêlhemtuin pilpawk a sir hnâk angin sir bawk a tih.

ISAI 47:5

Aw Kaldai naunu, to zingin ṭhung la, inthim hnuoiah lût ta, “Ram tin lalnu,” an ti ta naw ding che a nih.

ISAI 47:7

Chun, “Kei hi kumkhuoin lalnuah um ka tih,” i ti a; chuongchun, chuong thilhai chu i lungrilin i ngaituo naw a, a tâwpna ding hlak chu i hriet zing bawk naw a.

JEREMIA 49:16

I ṭiumna chungthua chun, i lungril chapona chun a hlêm che a nih; Aw nang lungpui kak kârhaia chêngtu, muol insângnahai cheltu: i bu chu mupui bu anga insânga chun sep la khawm, chutaka inthawk chun ka hung sukhnuoi ding che a nih, Lalpa chun a tih.

JEREMIA 50:21

“Merathaim ram chu, chu ngei chu, Pekod hluotuhai le chun hang rûn ro; anni chu that unla, sukbohmang vawng ro, Lalpa chun a tih: thu ka pêk ang tak cheu chun thaw unla.

JEREMIA 50:25

Lalpa chun a râlthuom siekhâwmna chu a hawng a, a lunginsenna hriemhreihai chu a hung lâk suok a, Lalpa sipaihai Lalpa chun Kaldaihai rama chun thaw ding a nei si a.

JEREMIA 50:45

Chuleiin, Babulon chungthua Lalpain thurâwn a nei chu lo ngai ta u, Kaldaihai ram chunga thiltum a nei tâk le chun. Matheilovin anni chu ran ruol têhai hnûkhmangin um ngei ngei an ta, an chêngna chu anni irâusanin siempêk a tih.

JEREMIA 51:11

Thalhai chu tâtngei unla, phawhai chu chel det ro; Lalpa chun Media lalhai lungril chu a hung chawktho ta si a; a remruot chu Babulon do le suksiet chu a na, Lalpa phuba lâkna, a biekin phuba lâkna chu a ni si a.

JEREMIA 51:25

“Ngai ta, Aw suksetu tlâng, hnuoi po po suksetu, nang ka dodâl che a nih, Lalpa chun a tih: i chunga chun ka kut hung inlet ka ta, râwlkhotlânga inthawk chun inhlum thlâng ka ti che a, tlâng kângah siem ka ti che.

JEREMIA 51:48

Chun, vân le hnuoi le an sûnga um po pohai chu Babulon chunga lâwm lei chun hla sak an ta; hmârtienga inthawkin a kuoma chun suksetu a hung ding a ni si a; Lalpa chun a tih.

JEREMIA 51:56

ama chunga chun suksetu chu a hung ta si a, Babulon chung ngeia chun; a mi thilthawtheihai chu manin an um a, an thalngulhai khawm chu a tliek innawi vawng a; Lalpa chu phuba latu Pathien a ni si a, ama chun thung ngei ngei a tih.

JEREMIA 51:58

Babulon kulbang lientakhai khawm chu sukchim nîng an ta, a dai kawtkhârhai chu meia raw nîng an ta, a mipuihai chu a thlâwn elin inrim an ta, hnamhai khawm chu mei leiin inrim an ta, sipaihai Lalpa chun a tih”tiin.

DANIEL 4:30

Lal chun a hril a, “Hi hi Babulon ram ropuitak, ka thilthawtheina hrât nasatak chun, lal chêngna ding le, ka în lalna ropuina dinga ka siem chu a ni naw am a nih?” a ta.

AMOS 9:2

Mithi khuo chenin cho tlang hai sien khawm, chutaka inthawk chun ka kutin la suok ka ta, vânah lâwn hai sien khawm, chutaka inthawk chun hnûk thlâng ka tih.

AMOS 9:4

An hmêlmahai hmaah salah fe hai sien khawm, chutaka kâwlhnâm chu thu pêng ka ta, anni chu sât hlum a tih, ṭhatna ni lovin, ṭhat nawna dingin an chungah ka mit infûktir ka tih,”

HABAKKUK 2:9

Mi suol kuta inthawka sansuok a ni theina dinga, A bû insângtaka a sep theina dinga, A insûng ta dinga hlâwkna indik naw latu chu a chung a rik ie!