JEREMIA 51:51 - Pathien Lekhabu Inthieng (BSI)

⁵¹ Kâwkna chu ei hriet tâk leiin ei inzak a, buoinahai chun ei hmaihai khawm an inkhum ta a, Lalpa ina hmun inthienga chun mikhuolhai chu an hung lût ta si a.

JEREMIA 51:51 ပူးပေါင်းရင်းမြစ်များ

INPÂKNA HLABU 109:29

A mi dotuhai chu inzakna puon insiltirin um hai sienla, Zakuoa intuom angin, anni muolphona chun intuom raw se.

INPÂKNA HLABU 71:13

Ka hringna dotuhai chu muolpho le bohmangin um sienla, Ka sietna ding zawngtuhai chu hrilsietna le inzakna inkhumin um raw se.

INPÂKNA HLABU 79:1

Aw Pathien, hnam tin i rochana hin an lût a, I biekin inthieng hi an sukpawrche a, Jerusalem hi an sukchim rem rum a.

INPÂKNA HLABU 79:12

Aw Lalpa, nangma an hrilsietna che kha, Kan vêla mihai kuomah an ângsûngah a lêt sariin thung nâwk rawh;

INPÂKNA HLABU 79:4

Kan vêla mihai hrilsietin kan lo um a, Kan dep vêla mihai hmusit le nuisanin kan lo um a,

INPÂKNA HLABU 89:46

Aw Lalpa, ieng chen am în bihmang kumkhuo ding a na? Ieng chen am i lunginsen chu mei anga a chawk ding a na?

ISAI 13:1

Babulon phurrik Amoz naupa Isaiin a hmu chu.

ISAI 14:1

Lalpa chun Jakob rawi chu lunginsiet a ta, Israelhai chu thlangin anni rama ngei chun a lân umtir ding a ni si a; chun, ram dang mihai chun anni chu hung zâwm an ta, Jakob sûnghai chu chel tlat an tih.

ISAI 21:1

Tuipui thlalêr phurrik chu. Sim rama thlivirin hung mûthmât peiin, thlalêra inthawkin, ram ṭiumtaka inthawk chun, a hung ie.

ISAI 47:1

Aw Babulon nau nunghâk, ṭum la, pilvutah ṭhung rawh; aw Kaldai naunu, lalṭhungpha boin hnuoiah ṭhung rawh; inno le ṭha an ti ta naw ding che a nih.

JEREMIA 14:3

A miṭhahai chun an nauhai chu tui chawi dingin an tir a, khurahai chun an hung a, tui hlak an hmu naw a; an tuitheihai chu a ruokin an kîr a, an inzakin an buoi a, an luhai chu an inkhum a.

JEREMIA 25:26

hmâr tienga lalhai a hla le hnaia mihai, pakhat khatin, hnuoi phêk chunga um khawvêla lalram po po hai leh: chun, Sesak lal chun anni zoa chun dâwn vêng a tih.

JEREMIA 31:19

Matheilovin, chu hnunga chun kân let a, kei khawm ka lamlêt ta a; chun, chu hnunga chun inchûktirin ka uma, ka êlpui chu ka ben a; kân zak a, anih, ka tleirâwl lai hmingsietna chu ka phur leiin, ka hamhai nghe nghe a.

JEREMIA 52:13

Lalpa in le lal in chu a raw a; Jerusalema in po pohai, in ropui takhai khawm chu meiin a raw ta a.

ṬAP HLA 1:10

Hmêlma chun a thil hluhai po po chungah a kut a phar a, Awinaw mi chu a hmun inthiengtaka chun a lût ti a hmu si a, I mipui inkhâwmnaa lût lo dinga i khaphai ngei kha.

ṬAP HLA 2:20

En ta, Aw Lalpa, ngai ta, hienga an kuoma i thawnahai hi! Nuhmeihai chun an rîla ra, naupanghai, kuta tâwma umhai chu, an fâk el ding maw? Lalpa hmun inthienga chun zâwlnei le thiempu chu that an ni el ding maw?

ṬAP HLA 5:1

Aw Lalpa, kan chunga thil hung tlung hi hre zing rawh; Ngai la, kan muolphona hi en ta.

EZEKIEL 24:21

‘Israel sûngkuo kuoma chun hril la, Lalpa Pathien chun hieng hin a tih; Ngai ta, ka hmun inthieng in thilthawtheina chapopui le, in mithai châkna, in lungrilin a hmangai chu ka sukhmingsiet ding a nih; chun, in naupasalhai le in nau nuhmeihai in hnunga in mâksanhai kha kâwlhnâmah tlung an ta.

EZEKIEL 36:30

Thing rahai le hnuoi ra hlâwkhai chu sukpung ka ta, hnamhai laia chun ṭâm leia deusâwna tuok ta ngai naw ti niu.

EZEKIEL 7:18

Saiip puonhaiin inchei an ta, ṭitnain anni chu inkhum a tih; an hmaihai chunga chun inzakna um a ta, an luhai po po chunga chun lukâwkna um a tih.

EZEKIEL 9:7

Chun, an kuoma chun, “In chu sukpawrche unla, tuollaihai chu mi thathai chun suksip ro; fe ro le,” a ta, chun, an fe suok a, khawpuia chun an that ta a.

DANIEL 11:31

Sipaihai chu ama tieng chun ngîr an ta, Hmun Inthiengtak chu hrilsieng an ta, kulpui ngei khawm chu; chun, pumrawhmang thilinhlân zing zing chu la hmang an ta, sukrêmna intluntu tirdakumna chu sie lem an tih.

AMOS 7:9

chun, Isak bâwlhmunhai chu rausan hung nîng an ta, Israel hmun inthienghai chu suksiet nîng a tih, chun, Jeroboam sûnghai chu kâwlhnâmin do ka tih,” a ta.

MIKA 6:16

Omri thuruothai chu vawng zing a ni si a, Ahab sûngkuo thilthaw po pohai leh; an remruothaia chun in fe a nih; chuleiin, hmun râusanah ka siem ta ding che a nih, a sûnga chênghai hi nuizatbûr dingin; chun, ka mihai hmingsietna chu phur in tih.”

MIKA 7:10

Chuongchun, ka hmêlma ka kuoma, “Khâwlai am Lalpa i Pathien?” titu chun hmûng a ta, muolphonain ama chu inkhum a tih. Ka mithai hin ama chu en a ta; tuhin chu kawthlêr chirhak anga sirde ni tâng a tih.