JEREMIA 51:5 - Pathien Lekhabu Inthieng (BSI)

⁵ Israelhai amanih, Judahai amanih, an Pathien, sipaihai Lalpa chu a nghatsan si naw a; an ram chu Israel Mi Inthieng dodâlin khawhlonain sip hle sien khawm.

JEREMIA 51:5 ပူးပေါင်းရင်းမြစ်များ

1 LALHAI 6:13

Chun, Israel mihai laia hin chêng ka ta, ka mi Israelhai hi thlathlam naw ning ah,” tiin.

2 LALHAI 21:16

Lalpa mithmua thil ṭha nawtak thawa Judahai thil ân suksuoltir a suolna tiem lovin, Manasse chun pawi tâwklo thisen nasatakin ân suo bawk a, Jerusalem dung le khang chu a sip a.

EZRA 9:9

Sal intâng kan na, amiruokchu, kan sal intângnaa khawm chun kan Pathien chun a mi nghatsan ngai naw a, Jerusalem le Juda rama kulhai mi pe ding le, chutaka in siehai chu siem ṭha ding le kan Pathien in chu tungding dinga thathona mi pe dingin, Persia lalhai mithmua chun kan chungah lunginsietna a hung sukpung ta lem a.

INPÂKNA HLABU 94:14

Lalpa chun a mihai a pei thlâk âwm si naw a, A rochan chu mâksan bawk naw nih.

ISAI 44:21

Aw Jakobhai, chuong thilhai chu hre zing ro, Israelhai, hre zing bawk ro; ka siehlawhai in ni si a; keiin kân ngîr cheu a; ka siehlawhai in nih; aw Israelhai, ka theinghilin um naw ti niu.

ISAI 51:15

Kei Lalpa i Pathien, a fâwnhai chu inri hum hum khawpa tuipui chawklettu chu ka ni si a; ka hming chu sipaihai Lalpa a nih.

ISAI 62:12

Chuongchun, anni chu Mi Inthienghai, Lalpa intlanhai tîng an tih; nang chu Zawng suok, mâksan naw khawpui, tîng an ti che,’ tiin,” a ti a.

JEREMIA 14:19

Juda chu i hnâwl pumhlûm dêr am a nih? I thla chun Zion chu a tirdak am a nih? Iengdinga nangin i mi hrema, kan ta dinga sukdamna um lo am a na? Inremna kan enkai a, nisienlakhawm, thil ṭha hrim a hung tlung naw a; sukdamna ding huna khawm chun lunginzîngna hmu a nih!

JEREMIA 14:9

Ieng dingin am mi maktia um, mi thilthawtheitak sandam thei silo ang chu nîng i ta? Nang chu, Aw Lalpa, keini lai hin i um a, i hming chawia ko kan na; keini mi mâksan naw rawh.

JEREMIA 16:18

Chun, a hmasatakin, an khawhlona le suolna chu a let hniin thung ka ta, ka ram chu an thil thienglo ruokhai chun an lo sukpawrche ta a, ka rochan khawm an tirdakumna chun an lo suksip ta leiin.

JEREMIA 19:4

Kei an mi lo nghatsan ta a, hi hmun khawm hi an lo sukhran ta a, an hriet lo pathienhai kuoma chun a sûnga hin riminhnik chu, anni le an thlatuhai le Juda ram lalhai ngei khawma an lo raw tâk leiin; hi hi hmun hi mi thiem thisen chun an lo suksip ta a;

JEREMIA 23:15

Chuleiin, zâwlneihai chungthua chun sipaihai Lalpa chun hieng hin a tih; Ngai ta, anni chu sairamkhain châwm ka ta, mîtkhâ tui indâwntir ka tih; Jerusalem zâwlneihaia inthawk chun ram po poa chun sukpawrchena chu a fe suok si a.

JEREMIA 31:37

Lalpa chun hieng hin a tih: Chunga vân khi inkhi thei a na, hnuoia leihnuoi lungphûm chu zawng suok thei a ni chun, thil an lo thaw tahai po po lei khan Israel chi chu pei hmang vêng ka tih: Lalpa chun a tih.

JEREMIA 46:28

Aw ka siehlaw Jakob, ṭi naw rawh, Lalpa chun a tih; i kuomah ka um si a, nang ka hnawt hmangna che tienga hnamhai po po chu suktâwp vawng ka ta, nang ruok chu suktâwp letdêr naw ning che a; rorêlnain sukdik lem ka ti che a, ieng kawnga khawm hrem lovin mâksan naw ning che,” tiin.

JEREMIA 50:20

Chuong niahai chun, chuong pha chun, Lalpa chun a tih: Israel suolna chu zawng nîng a ta, iengkhawm um naw ni; chun, Juda suolna khawm chu hmu ni ta naw ni a; a mahla anga ka hla tahai chu ka ngaidam ding a ni si a.

JEREMIA 51:19

Jakob chan chu hieng ang hi chu a ni nawh; ama chu thil po poa hmasa a na, Israel khawm chu a rochana a chipui a nih; Sipaihai Lalpa chu a hming a nih.

EZEKIEL 8:17

Chun, ama chun ka kuomah, “Aw mihriem naupa, hi hi i hmu am? Tirdakumna hitaka an lo thaw ta hi, Juda sûngkaw ta ding chun thil chîn tham am a nih? Ram chu inpâwngnêknain an suksip a, lunginsen dingin an mi chawktho nâwk a, en ta, an hnârah sâwlhna an sie a.

EZEKIEL 9:9

Chun, ama chun ka kuomah, “Juda le Israel sûngkaw suolna chu a nasa êm êm a, ram chu thisenin a sip a, khawpui sûng chu rorêlna pawisak nawnain a sip a, ‘Lalpa chun ram hi a nghatsan ta a, Lalpa chun a hmu nawh,’ an ti si a.

HOSEA 1:10

Nisienlakhawm, Israel mipuihai chu tuipuia phaiphin, inkhi ruol lo le tiem ruol lo zât nîng an ta; chun, an kuomah, “Ka mihai in ni nawh” tina hmun ngeia chun “Pathien hring nauhai in nih,” ti nîng a tih.

HOSEA 2:1

In naupahai kuoma chun, “Ka mihai” ti unla, in farnuhai kuoma chun, “Lunginsietna dawngtu” ti ro.

HOSEA 2:3

Chuong naw chun saruokin siem ka ta, A pieng nia a um angin inumtir ka tih, Thlalêr angin siem ka ta, Ram ṭâwl angin inumtir ka ta, Dangchârin sukhlum ka tih.

HOSEA 4:1

Israel mipuihai, Lalpa thu chu ngai ta u; Hi rama hin thutak le lunginsietna le Pathien hrietna a um naw leiin, Lalpa chun ram hluotuhai hêkna ding a nei.

HOSEA 4:2

Inkhâm dâm, inhlêm dâm, inthat dâm, inrûk dâm. Uiret chîng dâm a pung a, tuolthatna hlak chu ân phaman a.

MIKA 7:18

Nang anga khawhlona ngaidamtu le a rochan la um sun bawsietna fekhêltu Pathien tu am an um a?A lunginsenna chu kumkhuoin a vawng zing nawh, lunginsietnaa chun a lâwm êm êm hlak leiin.

MIKA 7:20

Tienlaia kan puhai kuoma ṭawng i lo inkhâm tah, Jakob kuoma thutak le Abraham kuoma lunginsietna sukpuitling i tih.

ZEKARIA 12:6

“Chu nia chun Juda lalhai chu thing laia mei thuk ang le, buphal laia meiser angin siem ka ta; vawitienga le changtienga, an vêla hnam po pohai chu sukbo an ta; chun, Jerusalem chu ama hmun Jerusalema ngei chun a la chêng ding a nih,” tiin.

ZEKARIA 12:8

Chu ni chun Lalpa chun Jerusalem hluotuhai chu hliekhûng a ta, chu nia anni laia hrât naw chu David ang nîng a ta; chun, David sûngkuo chu Pathien ang, an hmaa Lalpa vântirko ang chu nîng a tih.

ZEKARIA 2:12

Chun, ram inthienga chun Lalpa chun a chanpuol dingin Juda chu hluong a ta, Jerusalem chu thlang tâng a tih.”

1 SAMUEL 12:22

A hming ropuitak lei hin Lalpa chun a mihai chu a nghatsan âwm si naw a, a mihai ni dinga siem cheu chu Lalpa lâwm zâwngtak a ni si a.