JEREMIA 51:47 - Pathien Lekhabu Inthieng (BSI)

⁴⁷ Chuleiin, ngai ta u, nihai chu a hung tlung mêk, Babulona milem kera siemhai chunga chun rorêl ka ta, a ram pumpui chu inzak a tih; a ithathai po po khawm chu a sûnga chun tlûng an tih.

JEREMIA 51:47 ပူးပေါင်းရင်းမြစ်များ

ISAI 21:9

ngai ta, hitaka hin mihriem pâwl, sakawr chung chuong a kawp peia fe an hung ie,” tiin. Chun, ama bawk chun, “Babulon khuo chu a tlâwm tah, a tlâwm tah; an thiempuhai milim siem fâwmhai po po chu hnuoia suknâwiin a um tah,” tiin a dawn a.

JEREMIA 11:22

chuleiin, Lalpa chun hieng hin a tih: “Ngai ta, anni chu ka hrem ding a nih; tlangvâlhai chu kâwlhnâmah thîng an ta, an naupasalhai le an naunuhmeihai chu ṭâmin thîng an tih;

JEREMIA 13:21

Nangma kal zawngin anni chu ân chûktir a nih ti hrein, i ruolhai chu i chungah luah a sie pha chun ieng am hril tâng i ta? Nuhmei nauhase nat tuor angin nang chu lungngaina chun a man ding che a ni nâwm a nih?

JEREMIA 23:34

Chun, zâwlnei amanih, thiempu amanih, chu mi laia pakhat, “Lalpa phurrik chu” titu chu kei khawma chu mi le a sûngkuo chu hrem ka tih.

JEREMIA 25:12

Chun, kum sâwmsari chu ân vawi pha chun, an suolna leiin, Babulon lal le, chu hnam le, Kaldaihai ram chu hrem ka ta; kumkhuoa rausanah siem ka tih, Lalpa chun a tih.

JEREMIA 50:2

“Hnamhai laia chun hril la, puong rawh, chun, puonzâr chu khai la, puong la, thup naw rawh, ‘Babulon chu lâkin a um a, Bêl chu sukzak a na, Merodak chu a beidawng a, a milimhai po po chu sukzakin an um a, a milimhai chu an beidawng zo tah,’ ti rawh.

JEREMIA 51:18

Teplo el an nih, thil suol sinthaw, anni chu hrem an ni pha chun bohmang an tih.

JEREMIA 51:24

Chun, Babulon kuoma le, Kaldai hluotuhai po po chunga chun i mithmua Ziona thil ṭha naw an lo thaw tahai po po kha thung ka tih, Lalpa chun a tih.

JEREMIA 51:43

A khawpuihai chu râusan, ram ṭâwl, thlalêr ram, ram mi chêng nawna hmun, mihriem nau tukhawm sir ngai lo ram a lo ni ta a.

JEREMIA 51:52

Chuleiin, ngai ta u, nihai chu a hung tlung mêk, a milim kera siemhai chunga chun rorêlna nei ka ta, a ram sûng po poa chun hliemhai chu inrûm an tih, Lalpain a tih.